A prologe on the secunde pistil of Petir [This prologue is from y. The same prologue was written in p, but is now so mutilated that only some portions of lines remain.] .
In this secunde pistil, first Petir tellith the giftis and the biheestis of God, that men fle synne, and be stidefast in feith and vertues, and the exelence of Cristis techinge. The secunde tyme he tellith as false prophetis weren in the peple, so and false maistris schulen be in sectis of perdicioun; [and he [Omitted in y.] ] discreueth the condicioun of these maistris with her sectis, and tellith also the greete peynis of hem that turnen aȝen to her synnes. The thridde tyme he tellith of disceiuers that schulen come in the laste tymes, and lyue in lustis, and neither bileeue ne triste Crist to the doom to comynge. And with this he tellith how cristen men schulden make hem redi with holi conuersacioun aȝens the doom.