The Holy Bible, containing the Old and New Testaments, with the Apocryphal books,

CAP. VIII.

[verse 1] Fulfild forsothe twenty ȝeer, aftir the whiche Salomon hadde bilde up the hous [verse 2] of the Lord, and his own hous, and the citees, `the whiche [that C.] Yram ȝaue to Salo|mon, he bylde up, and made the sonys of Yrael to dwellen there. [verse 3] Also he wente in to Emath Sobba, and weeldide it. [verse 4] And he bilde up Palmyram in desert, and othere citees most strengthid he bilde up in Emath. [verse 5] And he maad up the oouer Betheron and the nether Betheron, citees most strengthed, hauynge ȝatis and lockis [verse 6] and barres; Balaath also, and al the most fast cytees that weren of Salamon, and alle the cytees of plowes, and the cytees of horsmen; alle whateuer thingus he wolde, maad kyng Salamon, and disposede he bilde in Jerusalem, and in Lyban, and in alle the lond of his power. [verse 7] Al the pu|ple that was laft of Etheis, and Amorreis, and Phereseis, and Eueis, and Jebuseis, [verse 8] that weren not of the stoc of Yrael, and of their sonis, and of ther after comers, `the whiche [that C pr. m.] the sonis of Yrael hadde not slayn, Salamon vndirȝokede into [Om. C.] tribu|tarijs vnto this day. [verse 9] Bot of the sonis of Yrael he vndirputte not, that thei schulden seruen to the werkis of the kyng; thei forsothe weren men fiȝters, and the first leders, and princis of plowes, [verse 10] and of the horse men of hym; alle for|sothe princes of the hoost of kyng Sala|mon weren two hundrith and fyfty, that tauȝten the puple. [verse 11] The douȝter forsothe of Pharao he translatide fro the cite of Dauid in to the hous, that he hadde bilde to hyre; forsothe the kyng seide, My wijf schal not dwelle in the hous of Dauid, kyng of Yrael, forthi that it is halowed, for the ark of the Lord wente in to it. [verse 12] Than Salamon offride brent

sacrifices to the Lord vpon the auter of the Lord, that he hadde maad up beforn [verse 13] the ȝate hous, that by eche days wer offrid in it, aftir the heest of Moises, in sabotis, and in kalendis, and in feste dais, thries bi the ȝer, that is, in the solemp|nyte of therfe looues, and in the solemp|nyte of wijkis, and in the solempnyte of tabernaclis. [verse 14] And he sette aftir the dis|posicioun of Dauid, his fadir, officis of prestis in their seruyses, and Leuytis in their ordre, that thei preisen and myny|stren beforn the prestis aftir the rijt of eche day, and the porters in their dyui|siouns by ȝate and ȝate. Thus forsothe Dauid, the man of God, hadde co|maundide; [verse 15] ne thei wenten beside fro the maundementis of the kyng, bothe prestis and Leuytis, of alle thingus that he hadde comaundide. And in the wardis [verse 16] of the [Om. CE.] tresoures alle the expensis maad redy hadde Salomon, fro that day that he foundide the hous of the Lord vnto that day that he perfourmede it. [verse 17] Thanne wente Salomon in to Asyongober, and in to Hailath, to the mouth of the rede se, that is in the lond of Edom. [verse 18] Thanne Yram sente to hym, by the hondis of his seruauntis, schippis, and wijs schipmen of the see, and thei wenten with the ser|uauntis of Salomon in to Oofer, and thei token thennis foure hundrithe and fyfty talentis of gold, and brouȝten to kyng Salamon.