The Holy Bible, containing the Old and New Testaments, with the Apocryphal books,

CAP. VII.

[verse 5] Kyng Salomon thanne slowȝ hoostis of oxen two and twenty thousand, of we|thers

an hundreth and twenty thousand; and the kyng bilde up the hous of God, and al the puple. [verse 6] The prestis forsothe stooden in their offices, and the Leuytes in orgnys of dytees of the Lord, the whiche kyng Dauid maad to preysen the Lord, For in to world the mercy of hym, syngynge the ympnes of Dauid bi their hondis; bot the prestis sungyn in trum|pis beforne hem, and al the puple of Yrael stood. [verse 7] And Salomon halowed the myddil of the porche beforn the temple of the Lord; forsothe he hadde offrede there brent sacrifices, and talwes of pey|sible thingis, for the brasen auter that he hadde maad myȝte not susteynen the brent sacrifices, and sacrifices, and talwes of peysible thingus. [verse 8] Thanne Salamon made solempnyte in that tyme seuen days, and al Yrael with hym, a ful grete chirche, fro the entre of Emath vnto the streme of Egipt. [verse 9] And the eyȝthe day he maad a collect, for thi that he halowed the auter seuen dais, and hadde halowede the solempnyte seuen days. [verse 10] Thanne in the thre and twentithe day of the seuenth moneth he laft the puplis to their taber|naclis, ioyinge and gladynge vpon the good that God hadde don to Dauid, and to Salomon, and to his puple Israel. [verse 11] And Salomon ful eendid the hous of the Lord, and the hous of the kyng, and alle thingus that he hadde disposed in his hert, that he do in the hous of the Lord and in his owne hous; and he is maad welsum. [verse 12] For|sothe the Lord aperde to hym the nyȝt, and seith, I haue herde thi preier, and chosen this place to me in to an hous of sacrifice. [verse 13] Ȝif I schal closen heuen, and reyn flowe not, and schul senden, and comaunden to the locust, that he deuoure the lond, and schul sende pestilence in [verse 14] to my puple; forsothe my puple turned,

vpon whom inwardly clepid is my name, me han preyed, and souȝt my face, and done penaunce fro their werst weyes, I schal heere fro heuen, and ben mercyable to the synnes of hem, and helyn their lond. [verse 15] Also myn eeȝen schul ben opened, and my eeris rerid up to the horisoun of [verse 16] hym, that in this place schal preie; for|sothe I haue chosen, and halowed this place, that my name be there in to euer|more, and my eeȝen and myn herte abiden stille there alle days. [verse 17] Thou also, ȝif thou go before me, as ȝeede Dauid thi fadir, and dost aftir alle thingus that I haue comaundide to thee, and my riȝt|wisnesse [verse 18] and domes kepist, I schal areren the trone of thi rewme, as I behiȝte to Dauid thi fadir, seyinge, There schal not ben don awei fro thi lynage a man, that be prince in Ysrael. [verse 19] Ȝif forsothe ȝe [thou E pr. m.] weren turned aweiward, and forsaken myn riȝt|wisnesses and myn hestis that I haue purposed to ȝou, and goynge awey ȝe seruen to alyen goddis, and honouren [verse 20] hem, I schal pullen ȝou vp fro my lond, that I haue ȝeuen to ȝou, and this hous that I haue bilde to my name I schal throwen awey fro my face, and taken it in to a parable, and in to exsaumple to alle puplis. [verse 21] And this hous schal ben in [verse 22] to a prouerbe to alle weye goeris; and thei schuln seyn, wondrynge, Why thus dide the Lord to this lond, and to this hous? And thei schuln answeryn, For thei forsoken the Lord God of their fa|ders, `the whiche [that C.] lad hem out fro the lond of Egipt, and han taken alyen god|dis, and honoureden hem, and hery|eden; therfor camen vpon them alle thes euels.