The Holy Bible, containing the Old and New Testaments, with the Apocryphal books,

CAP. V.

[verse 1] Salomon thanne brouȝte in alle thingis, that Dauid, his fadir, hadde vowed; syl|uer, and gold, and al the vessels, he putte in the tresores of the hous of the Lord. [verse 2] After the [Om. C.] whiche thingis he gadride the more thoruȝ birthe of Irael, and al the princis of lynagis, and the heuedis of meynes, of the sonys of Yrael, in to Jeru|salem, that thei bryngin the ark of the pese couenaunt of the Lord fro the cyte of Dauid, that is Syon. [verse 3] And so camen to the kyng alle the men of Yrael, in the solempne day of the seuenth moneth. [verse 4] And whanne weren commen alle of the elder of Yrael, the Leuytes beren the [verse 5] arke, and brouȝten it in, and al the aray of the tabernacle. Bot the vessels of the seyntuarye, that weren in the tabernacle, the prestis beeren with the Leuytis. [verse 6] Kyng Salomon forsothe, and al the com|panye of Irael, and alle that weren ga|dered beforn the arke, offreden wethers and oxen with oute eny noumbre; so myche forsothe was the multitude of slayn offryngus. [verse 7] And the prestis brouȝten in the arke of the pese couenaunt of the Lord in to his place, that is, to Goddis answerynge place of the temple, in to the holies of halowes, vndre the weengis of

[verse 8] cherubyn; so that cherubyn spreden out their weengis vpon the place, in the whiche the ark was sett, and that arke thei schulden coueren with their beryng staues. [verse 9] Of the berynge staues forsothe, with the whiche the ark was born, for a litil wiȝt lengere thei weren, the heuedis weren opene beforn Goddis answerynge place; ȝif forsothe eny a [Om. ABFH.] litil wiȝt were with out forth, hem he myȝte not seen. And so the arke was there vnto the pre|sent day; [verse 10] and noon other thing was in the ark, bot the two tablis that Moyses hadde putte in Oreb, whanne he ȝaue the lawe to the sonis of Yrael goyng out fro Egipt. [verse 11] Forsothe the prestis goon out fro the seyntuarye, alle forsothe prestis, that there myȝt ben founden, ben ha|lowed, ne ȝit in that tyme the whijlis, and the order of seruyses betwene hem [verse 12] seluen was deuydid; bothe Leuytis and syngers, that is, and that vndur Asaph weren, and that vndur Eman, and that vndir Idythum, sonis and bretheren of hem, clothed [clad C.] with surples, in cymbalis and sawtres and harpis sungyn, stond|ynge at the eest coost of the auter, and with hem prestis an hundrith and twenty, syngynge with trumpis. [verse 13] Thanne alle to gyder, in trumpis, and voice, and cym|balis, and orgnys, and of dyuerse kynde of musikis, sownynge to gydre, and the voice berynge vp an heeiȝ, afer the sown was hard, so that whanne the Lord thei hadden begunnen to preysen, and seyn, Knowlecheth to the Lord, for `he is [Om. E pr. m.] good, for in to the world the mercy of hym; the hous of God was fulfillid with [verse 14] a clowde, and the prestis myȝten not stonden and mynystren for the derk|nessis; forsothe the glorie of the Lord hadde fulfild the hous of God.