The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
DPLA Rights Statement: No Copyright - United States
[verse 1] Toke thanne the puple of the lond Joachaz, the sone of Jozie, and setten king for his fader in Jerusalem. [verse 2] Of thre and twenty ȝeer was Joachaz, whanne he hadde begunne to regnen, and thre monethis he regnede in Jerusalem. [verse 3] For|sothe the king of Egipt, whanne he was
commen to Jerusalem [Irael B.] , remeuede hym, and condempnede the lond in an hundrith talentis of syluer and a talent of gold. [verse 4] And he sette king for hym Elyachyn, his brother, vpon Judam and Jerusalem; and he turnede his name Joachym. Hym forsothe Joachaz he toke with hym, and brouȝt in to Egipt. [verse 5] Of fyue and twenty ȝeer was Joachym, whanne he hadde be|gunne to regnen, and elleuen ȝeer he reg|nede in Jerusalem, and he dide euyl be|forn the Lord his God. [verse 6] Aȝeins this steiȝid up Nabugodonosor, king of Caldeis, and bounden with cheynes ladde in to Baby|loyne. [verse 7] To the whiche and the vessels of the Lord he translatide, and putte hem in [in to B.] his temple. [verse 8] The remnaunt forsothe of the wordis of Joachym, and his abomynaciouns that he wrouȝte, and that ben founden in hym, ben contened in the boke of the kingus of Irael and of Juda. Thanne Joachym, his sone, regnede for hym. [verse 9] Of eiȝt ȝeer was Joachym, whanne he hadde begunn to regnen, and thre monethis and tenn days he regned in Jerusalem, and he dide euyl in the siȝt of the Lord. [verse 10] And whanne the cercle of oo ȝeer were turned, king Nabugodonosor sente hem, the whiche and brouȝten hym into Babiloyne, born awey togider the most precious vessels of the hous of the Lord. Forsothe he sette Sedechie, his vncle, kyng vpon Judam and Jerusalem. [verse 11] And of oon and twenty ȝeer was Sede|chias, whanne he hadde begunne to reg|nen, and elleuen ȝeer he regned in Jeru|salem. [verse 12] And he dide euyl in the eeȝen of the Lord his God, ne he schamyde the face of Jeremye, the prophete, spekinge to hym of the mouth of the Lord. [verse 13] Also fro king Nabugodonosor he wente awei, the whiche hadde adiurede hym bi God;
and he endurede his nolle and herte, that he were not turnede aȝein to the Lord God of Irael. [verse 14] Bot and alle the princis of prestis and the puple trespaseden wickid|ly [wickeli C.] , after alle the abomynaciouns of gen|tilis; and thei defouleden the hous of the Lord, that he halowede to hym in Jeru|salem. [verse 15] The Lord forsothe God of their fadirs sente to hem bi the hond of his messagers, fro nyȝt rijsyng, and eche day togydre monestynge; forthi that he wolde sparen to the puple, and to his dwellynge place. [verse 16] And thei vndremow|eden the messagers of God, and [and at litil E pr. m.] dis|piseden his wordis, and scorneden to the prophetis; to the tyme that schulde steiȝ vp the woodnesse of the Lord vpon his puple, and were no medecyne. [verse 17] And he brouȝt vpon hem the king of Caldeis; and he slowȝ the ȝong men of hem with swerd in the hous of the seyntuarye; and he hadde not reuth of the ȝong waxe man, and of the meyden, and of the olde man, ne forsothe of the ful feble for eeld, bot alle he toke in his hondis. [verse 18] And alle the vessels of the hous of the Lord, bothe more and lasse, and the tresores of the temple, and of the kyng, and of the princis, he bare ouer in to Babiloyne. [verse 19] Enmyes brenden up the hous of the Lord, distruyeden the wal of Jerusalem, alle the toures brenden, and whateuer was precyous thei waastiden. [verse 20] Ȝif eny hadde scapid the swerd, lad in to Baby|loyne, seruede to the king and his sonus; to the tyme that the kyng of Persis [verse 21] hadde empyre, and were fulfild the word of the Lord of the mouth of Jeremye, and the lond schulde halowen their holy
days. Forsothe alle the days of deso|lacioun he dide saboth, vnto the whijl seuenty ȝeer weren fulfild. [verse 22] Forsothe the first ȝeer of Cirus, kyng of Persis, to ful|fille the word of the Lord, that he hadde spoken by the mouth of Jeremye, the Lord stired the spirite of Cirus, kyng of Persis, that comaundide to ben prechide to al his rewme also by scripture, sey|inge, [verse 23] Thes thingus seith Cirus, kyng of Persis, Alle the rewmes of the erth ȝaf to me the Lord God of heuen, and he comaundide to me, that I schulde bilde up to hym an hous in Jerusalem, the whiche is in Jude. Who of ȝou is in al the puple of hym? be the Lord his God with hym, and steiȝe he up. Lord God [This preyere of Manasses is not in Ebrue. AEH.] Almyȝty of our faders, Abraham, Ysaac, and Jacob, and to the riȝtwise seede of hem, the whiche madist heuen and erth with al the ournynge of hem, `the whiche [that C.] markedist the se with the word of thin heste, whiche [that C. the whiche E.] closedist the depnesse, and merkedist to thi ferful and preysable name, that alle inwardly dreeden, and tremblen fro thi chere of thi vertue, and vnsuffrable wrath vpon the synnful of thi thretynge. Forsothe with oute me|sure grete and vnserchable the mercy of thi beheste; for thou art Lord alther|heeȝest vpon al erth, long abidyng and miche mercyful, and othinkyng vpon the malices of men. Thou forsothe, Lord, af|ter thi goodnesse hast bihoten penaunce of remissioun of synnes; and thou, God of riȝtwijs men, hast not putte penaunce to the riȝtwijse, Abraham, Ysaac, and Jacob, to hem that to thee synnede not. For I haue synnede ouer the noumbre of grauel of the see; multiplied ben my
wickidnesses [wickenessis C.] . I am myche croked with myche bond of yren, and there is not aȝeyn brething to me; for I stirede thi wrath, and euyl before thee I dide, set|tyng abomynacyouns and multiplying of|fenciouns. And nowe I bowe the knees of myn herte, preyinge of thee goodnesse, Lord. I synnede, Lord, I synnede, and my wickidnesse [wickenesse C.] I knowe. I aske, prey|inge thee, Lord; forȝeue to me, forȝeue to me, ne togidre leese thou me with my wickidnesses [wickenessis C.] , ne without eend reserue thou euyls to me. For [For me E pr. m.] vnworthi thou schalt sauen me [Om. H.] after thi grete mercy, and I schal preysen thee euermore alle the days of my lyue; for thee preyseth al the vertue of heuens, and to thee is glorie in to world [worldus C.] of worldis. Amen.