The Holy Bible, containing the Old and New Testaments, with the Apocryphal books,

CAP. XXXIII.

[verse 1] Of twelue ȝeer was Manasses, whanne he hadde begunne to regnen, and fyue and fyfty ȝeer he regned in Jerusalem. [verse 2] Forsothe he dide euyl before the Lord aftir the abomynacyouns of Gentilis, the whiche the Lord turnede vpsadoun be|fore the sonus of Irael. [verse 3] And turnede he enstored the heeȝe thingus, `the whiche [that C.] Ezechie, his fadir, hadde distruyede. And he sette up auters of Baalym, and maad mawmete wodus, and honourede al the knyȝthode of heuen, and heriede it. [verse 4] And he bilde up auters in the hous of the Lord, of the whiche the Lord hadde seyde, In Jerusalem schal ben my name without eend. [verse 5] Forsothe he bilde up hem to al the hoost of heuen in the two porchis of the hous of the Lord. [verse 6] And he made his sonus to passen thoruȝ fijr in the valey of Hennon; and he weytide sweuens, and he folowede deuynynge in briddes, and he enseruede to enchaunt|yng craftis, and he hadde with hym de|uynours and enchaunters, and many euyls wrouȝt [he wroȝte C.] before the Lord, that he terre hym. [verse 7] Grauen also and ȝoten tookne

he putte in the hous of the Lord, of the [Om. C.] whiche God spac to Dauid, and to Salo|mon, his sone, seyinge, In this hous and in Jerusalem, that I chees of alle the lynagis of Irael, I schal putte my name [verse 8] in to euermore; and I schal not maken to meuen the fote of Irael fro the lond that I toke to [fro ABFH.] the fadirs of hem, so oonly ȝif thei kepyn to don that I comaundide to hem, and al the lawe, and cerymonyes, and domys, by the hond of Moyses. [verse 9] Thanne Manasses deceyuede Judam, and the dwellers of Jerusalem, that thei diden euyl ouer alle Gentylis, `the whiche [that C.] the Lord ouerturnede fro the face of the sonus of Irael. [verse 10] And the Lord spac to hym, and to his puple; and thei wolden not taken heede. [verse 11] Therfore he ouerladde in to hem princis and hoostis of the kyng of As|siries; and thei tooken Manassen, and bounden with cheynes and with gyues thei brouȝten hym in to Babyloyne. [verse 12] The which aftir that he was to gydre an|guyscht, he preyde the Lord his God, and dide penaunce gretely before the God of his fadirs. [verse 13] And he preyede hym, and halsende [hilsnede C.] ententijfly; and he herde the orisoun of hym, and he brouȝte hym aȝein in to Jerusalem in to his kyngdam; and Manasses knewȝ, that the Lord he is God. [verse 14] After thes thingus he bilde a wal withoute the cytee of Dauid, at the west of Gyon, in the grete valey, fro the entre of the ȝate of fischis, bi enuyroun vnto Ofel; and he enhauncide it hugeli; and he sette princis of the hoost in alle the strengthed cytees of Juda. [verse 15] And he toke awey alien goddis and symulacres fro the hous of the Lord; the auters also that he hadde maad in the hil of the hous of the Lord and in Jerusalem, and al he threwȝ aferre out of the cite. [verse 16] Bot he enstorede the auter of the Lord, and offrede vpon

it slayn sacrifices, and pesible, and preys|ynge; and he comaundede to Jude, that he schulde seruen to God of Irael. [verse 17] Neuer the later ȝit the puple offrede in heeȝe thingus to the Lord his God. [verse 18] The rem|naunt forsothe of the dedis of Manasse, and the obsecracioun of hym to his God, the wordis also of the seearis, that speeken to hym in the name of the Lord God of Irael, ben conteenede in the wordis of the kingus of Irael. [verse 19] The preyer also of hym, and heering, and alle the synnes, and dis|pitis, also the places in the whiche he bilde up heeȝe thingus, and maad maw|mete [mamnet C.] wodis and ymagis, before that he dide penaunce, ben writen in the wordis of Ozai. [verse 20] Forsothe Manasses slepte with his faders, and they birieden hym in his hous; and Amon, his sone, regnede for hym. [verse 21] Of two and twenty ȝeer was Amon, whanne he hadde begunne to regnen; and two ȝeer he regnede in Jerusalem. [verse 22] And he dide euyl in the siȝte of the Lord, as hadde done Manasses, his fader; and to alle the mawmetis, that Manasses hadde forgide, he offride, and seruede. [verse 23] And he dradde not the face of the Lord, as dradde Manasses, his fadir; and manye more thingus trespasside. [verse 24] And whanne his seruauntis hadden sworn to gydre aȝeinus hym, thei slowen hym in his hous. [verse 25] But the tother multitude of the puple, hem slayn that hadden smyten Amon, thei setten Joziam, his sone, kyng for hym.