The Holy Bible, containing the Old and New Testaments, with the Apocryphal books,

CAP. VI.

[verse 1] And Y sai, that the lomb hadde openyd oon of the seuene seelis. And Y herde oon of the foure beestis seiynge, as a vois of thundur [a thundir e.] , Come [Come thou RO.] , and se. [verse 2] And Y sai, and lo! a white hors [that is, holi chirche maad feir with baptem K sec. m. marg.] ; and he that sat on hym hadde a bouwe, and a coroun was ȝouun to hym. And he wente out ouercomynge, that he schulde ouercome. [verse 3] And whanne he hadde openyd the se|counde seel, I herde the secounde beest seiynge, Come `thou, and [and g. Om. k pr. m.] se. [verse 4] And an|other reed hors [that is, opene pursuers K sec. m. marg.] wente out; and it was ȝouun to hym that sat on hym, that he schulde take pees fro the erthe, and that thei sle to gidere hem silf; and a greet swerd was ȝouun to hym. [verse 5] And whanne he hadde openyd the thridde seel, Y herde the thridde beest seiynge, Come thou, and se. And lo! a blak hors [that is, hiding hire vicis to summe men with goode werkis K sec. m. marg.] ; and he that sat on hym hadde a balaunce in his hond. [verse 6] And Y herde `as a [Om. k pr. m.] vois in the myddil of the foure beestis, seiynge, A bilibre [a bilibre is a weiȝte of twey pound. V. that is, a weiȝte of twey pound. e.] of wheete for a [O CMRUXbcegoβ. OO EQRaα.] peny, and thre bilibris of barli for a [OO E. O Xegk.] peny; and hirte thou not wyn, ne oile. [verse 7] And whanne he hadde openyd the fourthe seel, Y herde a vois of the `foure beestis [fourthe beest RO.] , seiynge, Come thou, and se. [verse 8] And lo! a pale hors [that is, ipocritis shewing hem holie to the peple, thouȝ thei be not. K sec. m. marg.] ; and the name was Deth to hym that sat on hym, and helle [that is, men that neuere ben fulle of worldli goodis K sec. m. marg.] suede hym. And power was ȝouun to hym on foure partis of the erthe, for [Om. a.] to sle with swerd, and with hungur, and with deth, and with beestis of the erthe. [verse 9] And whanne he hadde opened the fyuethe seel, Y say vndur the auter the soulis of men slayn

for the word of God, and for the witness|ing that thei hadden. [verse 10] And thei crieden with a geet vois, and seiden, Hou long thou, Lord, that art hooli and trewe, demest not, and vengest not oure blood of these that dwellen in the erthe? [verse 11] And white stoolis, for ech soule a stoole, weren ȝouun to hem; and it was seide to hem, that thei schulden reste ȝit a litil tyme, til the noumbre of her felowis and of her britheren ben fulfillid, that ben to be slayn, as also thei. [verse 12] And Y say, whanne he hadde openyd the sixte seel, and lo! a greet erthe mouyng was maad; and the sunne was maad blak, as a sak of heire, and al the moone was maad as blood. [verse 13] And the sterris of heuene felden doun on the erthe, as a fige tre sendith his [Om. Egk pr. m.] vnripe figis, whanne it is mouyd of a [Om. Oβ.] greet wynd. [verse 14] And heuene wente awei, as a book wlappid in; and alle [alle the R.] munteyns and ilis [hilles a.] weren mouyd fro her placis. [verse 15] And kingis [the kingis K sec. m.] of the [Om. E.] erthe, and princis, and tribunes, and riche, and stronge, and ech bonde man, and freman, hidden hem in dennys and stoonys of [and b sup. ras.] hillis. [verse 16] And thei seien to hillis and to stoonys, Falle ȝe on vs, and hide ȝe vs fro the face of hym that sittith on the trone, and fro [verse 17] the wrath of the lomb; for the greet dai of her wraththe cometh, and who schal mowe stonde [withstonde gk pr. m.] ?