CAP. XV.
[verse 1] And Y say another signe in heuene, greet and wondurful; seuene aungels hauynge `seuene the laste [the laste E. the laste seuene K pr. m. the seuene laste α.] veniauncis, for the wraththe of God is endid in hem. [verse 2] And Y say as a glasun see meynd with fier, and hem that ouercamen the beeste, and his ymage, and the noumbre of his name, stondynge aboue the glasun see, [verse 3] hauynge the harpis of God; and syng|ynge the [Om. h.] song of Moises, the seruaunt of God, and the song of the lomb, and seiden, Grete and wondurful ben thi werkis, Lord God almyȝti; thi weies ben iust and trewe, Lord, kyng of worldis. [verse 4] Lord, who schal not drede thee, and magnyfie thi name? for thou aloone art merciful; for alle folkis schulen come, and worschipe in thi siȝt, for thi domes ben open. [verse 5] And aftir these thingis Y say, and lo! the temple of the taber|nacle of witnessyng was opened in he|uene; [verse 6] and seuene aungels hauynge se|uene plagis, wenten out of the temple, and weren clothid with a [Om. b.] stoon [stoole CKMQRU e sec. m. hkoβ.] clene and white, and weren bifor gird with goldun girdlis about the brestis. [verse 7] And oon of the foure beestis ȝaf to the seuene aungels seuene goldun viols, ful of the wraththe of God, that lyueth in to
