The Holy Bible, containing the Old and New Testaments, with the Apocryphal books,

CAP. XII.

[verse 19] And the temple of God in heuene was openyd, and the arke of his testament was seyn in his temple; and leityngis [liȝtnyngis ko.] weren maad, and voices, and thondris, and `erthe mouyng [erthemouyngis Eh sec. m. k.] , and [and a β.] greet hail. [verse 1] And a greet signe apperide in heuene; a [and a A pr. m. I sec. m.] womman clothid with the [Om. k pr. m.] sunne, and the moone vndur hir feet, and in the heed of hir a coroun of twelue sterris. [verse 2] And sche hadde in wombe [the wombe a pr. m.] , and sche crieth [criede Ka.] , trauelynge of child, and is tur|mentid, that sche bere child. [verse 3] And an|other signe was seyn in heuene; and lo! a greet reede dragoun, that hadde seuene heedis, and ten hornes, and in the heedis of hym seuene diademes. [verse 4] And the tail of hym drow the thridde part of sterris of heuene, and sente hem in to the [Om. EI.] erthe. And the dragoun stood bi|fore the womman, that was to berynge child, that whanne sche hadde borun child, he schulde deuoure hir sone. [verse 5] And sche bar a knaue [man β.] child, that was to reulinge [gouerne R.] alle folkis in an yrun ȝerde; and hir sone was rauyschid to God, and

to his trone. [verse 6] And the womman flei in to wildirnesse, where sche hath a place maad redi of God, that he fede hir there a thousynde daies two hundrid and sixti. [verse 7] And a greet batel was maad in heuene, and Myȝhel and [with k pr. m.] hise aungels fouȝten with the dragoun. And the dragoun [verse 8] fauȝt, and hise aungels; and thei hadden not myȝt, nether the place of hem was foundun more in heuene. [verse 9] And thilke dragoun was cast doun, the greet elde serpent, that is clepid the Deuel, and Sathanas, that disseyueth al the world; he was cast doun in to the [Om. beh.] erthe, and hise aungels weren sent with hym. [verse 10] And Y herde a greet vois in heuene, seiynge, Now is maad helthe, and vertu, and kyngdom of [to be.] oure God, and the power of his Crist; for the accuser of oure bri|theren is cast doun, which accuside hem bifor the siȝte of oure God dai and nyȝt. [verse 11] And thei ouercamen hym for the blood of the lomb, and for the word of his witnessing; and thei louyden not her lyues til to deth [the deeth Rk.] . [verse 12] Therfor, ȝe heuenes, be ȝe glad, and ȝe that dwellen in hem. Wo to the erthe, and to the see; for the fend is come doun to ȝou, and hath greet wraththe, witynge that he hath litil tyme. [verse 13] And after that the dragoun sai, that he was cast doun to [in to ab pr. m.] the erthe, he pursuede the womman, that bare [hadde k pr. m.] the knaue [man β.] child. [verse 14] And twei wengis of a greet egle weren ȝouun to the womman, that sche schulde flee in to deseert, in to hir place, where sche is [was k pr. m.] fed by tyme, and [of b.] tymes, and half a tyme, fro the face of the serpent. [verse 15] And the serpent sente out of his mouth aftir the womman watir as a flood, that he schulde make hir to be drawun of the flood. [verse 16] And the erthe

helpide the womman, and the erthe openyde his mouth, and soop up the flood, that the dragoun sente of his mouth. [verse 17] And the dragoun was wrooth aȝens the womman, and he wente to make batel with othere of hir seed, that kepen [kepten Rhk sec. m.] the maundementis [comaundementis g pr. m. h.] of God, and han the witnessing of Jhesu Crist. [verse 18] And he stood on the grauel of the see.