The Holy Bible, containing the Old and New Testaments, with the Apocryphal books,

CAP. XI.

[verse 1] And a reed [ether mesure K sec. m. marg.] lijk a ȝerde was ȝouun to me, and it was seid to me, Rise thou, and meete the temple of God, and the auter, and men that worschipen [worschipiden g.] in [togidere in K pr. m. Om. R.] it. [verse 2] But caste thou out the forȝerd, that is with out the temple, and mete not it; for it is ȝouun to hethene men, and thei schulen defoule the hooli citee bi fourti monethis and tweyne. [verse 3] And Y schal ȝyue `to my [Om. k pr. m.] twey witnessis [that is, Enok and Elye K marg.] , and thei schulen prophesie a thousynde daies two hun|drid and sixti [sixty and sixe I pr. m.] , and schulen be clothid with sackis. [verse 4] These [There k.] ben tweyne [two h.] olyues, and twei [two Rh.] candilstikis [candilstikis schynynge I pr. m.] , and thei stonden in the siȝt of the Lord of the erthe. [verse 5] And if ony man wole anoye [noie R.] hem, fier schal go out of the mouth of hem, and schal deuoure her enemyes. And if ony wole hirte hem, thus it bihoueth hym to be slayn. [verse 6] These han power to close heuene, that it reyne not in the daies of her pro|phesie; and thei han power on watris, to turne hem [Om. R.] in to blood; and to smyte the erthe with euery plage, and as ofte as thei wolen. [verse 7] And whanne thei schulen

ende her witnessing, the beeste that sti|eth vp fro depnesse, schal make batel aȝens hem, and schal ouercome hem, and schal sle hem. [verse 8] And the bodies of hem schulen ligge in the stretis of the greet citee, that is clepid goostli Sodom, and Egipt, where the Lord of hem was cru|cified. [verse 9] And summe of [of the gk pr. m.] lynagis, and of puplis, and of langagis, and of [of the k.] hethene men, schulen se the bodies of hem bi thre daies and an half; and thei schulen not suffre the bodies of hem to be put in biriels. [verse 10] And men enhabitynge the erthe schulen haue ioye on hem; and thei schulen make myrie [myrthe gk.] , and schulen sende ȝiftis togidere, for these twei pro|phetis turmentiden hem that dwellen on the [Om. ehko.] erthe. [verse 11] And aftir thre daies and an half, the spirit of lijf of God entride in to hem; and thei stoden on her feet, and greet [a greet k pr. m.] dreed felle on hem that sayn hem. [verse 12] And thei herden a greet vois fro heuene, seiynge to hem, Come [Cometh I. Come ȝe K.] vp hidir. And thei stieden in to heuene in a cloude, and the enemyes of hem sayn hem. [verse 13] And in that our a greet erthe mouyng was maad, and the tenthe part of the citee felle doun; and the names of men seuene thousynde weren slayn in the erthe mou|yng; and the tother [othere IRk.] weren sent in to drede, and ȝauen glorie to God of heuene. [verse 14] The secounde wo is gon, and lo! the thridde wo schal come soone. [verse 15] And the seuenthe aungel trumpide, and grete voicis [vois k pr. m.] weren maad in heuene, and seiden, The rewme of this [the k pr. m.] world is maad `oure Lordis [oure Lord A pr. m. Q sec. m. C. of oure Lorde A sec. m. EQ pr. m. gk pr. m. α.] , and of Crist, his sone; and he schal regne in to worldis of worldis. Amen. [verse 16] And the foure and twenti eldre

men, that saten in her seetis in the siȝt of the Lord, fellen on her faces, and [verse 17] worschipiden God, and seiden, We don thankyngis to thee, Lord God almyȝti, which art, and which were, and which art to comynge; which hast takun thi greet vertu, and hast regned. [verse 18] And folkis ben wrooth, and thi wraththe cam, and tyme of dede men to be demyd, and to ȝelde mede to thi seruauntis, and pro|phetis, and halewis, and dredynge thi name, to smale and to grete, and to di|strie hem that corrumpiden [corrumpen g. corruptiden k. corruppiden, or defouliden o.] the erthe.