The Holy Bible, containing the Old and New Testaments, with the Apocryphal books,

CAP. XXIII.

[verse 1] Thanne Dauid olde and ful of days ordeynede Salomon, his sone, king vpon Yrael. [verse 2] And he gaderde alle the princis [verse 3] of Irael, and prestis, and Leuytis; and the Leuytis ben noumbred fro twenty ȝeer and aboue, and there ben founde eyȝt and thritty thousand of men. [verse 4] Of thes ben chosen, delid in to the seruyse of the house of the Lord, foure and twenty thousand; of prouostes forsothe, [verse 5] and of domesmen, sixe thousand; bot foure thousand porters, and as fele saw|trers, syngynge in orgnys, that Dauith maad to syngyn. [verse 6] And Dauith departyde hem by whiles of the sonys of Leuy, that [verse 7] is, Jersan, and Caath, and Merary, and Jersam, and Leadan, and Semei. [verse 8] The sones of Leadan; prince Jehiel, and E|than, and Joel, thre. [verse 9] The sonys of Se|mei; Salomyth, and Osiel, and Aram, thre; thes the princes of the meynes of Leadan. [verse 10] Bot the sonys of Semei; Leeth, and Sisa, and Jaus, and Baria, thes the sonys of Semei, foure. [verse 11] Forsothe Leeth was the rather, and Sisa the secounde; bot [lo H.] Jaus and Baria hadden no mo sonys, and therfore in oon meyne and in oon hous thei ben countid. [verse 12] The sonys of Caath; Amram, and Ysaar, Ebron, and Osiel, foure. [verse 13] The sonis of Amram;

Aaron and Moyses; and Aaron is se|uerd, that he mynystre in to the holy of halowis, he and the sonys of hym in to euermore, and that thei brennen encens to the Lord aftir his riȝt, and blessen to [vnto H.] his name vnto [into A.] with oute eend. [verse 14] The sonis also of Moises, the man of God, ben noumbred in the lynage of Leuy. [verse 15] The sonys of Moysi; Jersan, and Eliazar. [verse 16] The sonys of Jersan; Sobuel the first. [verse 17] There weren forsothe sonys of Eliasar, Roboia the first, and ther weren not of Eliasar other sonys; bot the [Om. A.] sonis of Robie ben multiplied ful myche. [verse 18] The sonys of Ysaar; Salomyth the first. [verse 19] The sonis of Ebron; Jeriahu the first, Ama|rias the secounde, Jasiel the thrid, Jehe|mehan the firth. [verse 20] The sonis of Osiel; Mycha the first, Josia the secound. [verse 21] The sonis of Mereri; Mooli and Musi. The sonys of Mooly; Eliasar, and Cis. [verse 22] Elia|sar forsothe is deed, and hadde no sonis, bot douȝters; and the sonis of Cis token hem, and the bretheren of hem. [verse 23] The sonys of Musi; Mooli, and Heder, and Jeremyth, thre. [verse 24] Thes the sonis of Leuy in kynredis, and in [Om. E.] their meynese, princis be whilis, and noumbre of alle the heuedis, the whiche dyden the bysy|nesse of the seruyse of the hous of the Lord, fro twenty ȝeer and aboue. [verse 25] Dauid forsothe seid, The Lord God of Yrael hath ȝeuen rest to his puple, and a dwell|ynge in Jerusalem in to with outen eend; [verse 26] ne it schal ben of the office of Leuytis, that eny more thei beren the tabernacle, and alle the vessels of it to mynystren. [verse 27] And aftir the laste hestis [heste FH.] of Dauith there schal ben countid a noumbre of the sonys of Leuy fro twenty ȝeer and [verse 28] aboue; and thei schul ben vndir the hond of the sonys of Aaron, in to heriynge of the hous of the Lord, in vestiaries, and in chaumbres, and in place of purify|inge,

and in the [Om. ABFH.] seyntuarye, and in alle werkis of the seruyce of the temple of the Lord. [verse 29] The prestis forsothe vpon the looues of proposicioun, and [in A.] to the sacri|fice of tryed floure, and to the thynne kakis, and to the therf looues, and to the fryinge panne, and the boylynge tryed floure, and to turnen, and vpon the weiȝt and mesure. [verse 30] The Leuytes for|sothe, that thei [Om. ABFH.] stoden [stonde C.] erly, to know|lechen and syngen to the Lord, and lijc [verse 31] maner at euen, as wele in offrynge of brent sacrifices of the hous of the Lord, as in sabotis, and kalendis, and other solempnytese, aftir the noumbre and cery|monyes of eche thing besily before the [verse 32] Lord; and kepe thei the obseruauncis of the tabernacle of the pese couenaunt, and the rijt of the seyntuarye, and the obseruauncis of the sonys of Aaron, their bretheren, that they mynystren in the hows of the Lord.