The Holy Bible, containing the Old and New Testaments, with the Apocryphal books,

CAP. XX.

[verse 1] Done it is forsothe aftir the cercle of a [O A.] ȝeer, that tyme that kyngis ben wont to gon forth to batelis, Joab gaderde the hoost, and the streyngthe of knyȝthode, and waastide the lond of the sonys of Amon, and wente, and besegide Rabath; bot Dauid abood in Jerusalem, whan Joab smote Rabath, and distroyede it. [verse 2] Dauith forsothe toke the crowne of Melchon fro his heued, and foonde in it a talent of gold weiȝt, and most precious gemmes, and maad therof to hym a dyademe; also manye spoylis of the cytee he toke. [verse 3] The puple forsothe that was in it he ladde out, and maad vpon hem pestelis, and sledis, and prowd yren charis, to gon ouer, so that thei weren al to-kut and to|brosed alle; thus dide Dauid to alle the cytees of the sonys of Amon, and he is [Om. AB.] turned aȝeyn with alle his puple in to Jerusalem. [verse 4] Aftir thes [ther F. her H.] thingis bateil is gon in in Gaser aȝeinus Philisteis, in the whiche smote Sobachai Vsachites Saphai of the kynrede of Raphaym, and he lowede [bowide A.] hem. [verse 5] Another also bateil is don aȝeynus the Philisteis, in the whiche Adeodate, the sone of Saltus, Bethlam|yte, smote the brother of Goliath Je|thee,

whos spere schaft was as the beme of websters. [verse 6] Bot and another bateil fell in Geth, in [and BEF.] the whiche `a most [among H.] longe man was, hauynge sexe fyngers, that is, to gider foure and twenty, the whiche and he was of Raphaym lynage goten; this [verse 7] blasfemede Yrael, and [Om. B.] Jonathan, the sone of Sama, brother of Dauid, smote hym. Thes ben the sonys of Raphaym in Jeth, the whiche fellen in the hond of Dauid and of the seruauntis of hym.