The Holy Bible, containing the Old and New Testaments, with the Apocryphal books,

CAP. X.

[verse 1] Philisteis forsothe fouȝten aȝeinus Yrael, and the sonys of Yrael flowen Palestynes, and woundide thei fellen in the hil of Jesboe. [verse 2] And whenn Philisteis hadden neyȝid pursuynge Saul and his sonys, thei smyten Jonathan, and Abynadab, and Melchisue, the sonys of Saul. [verse 3] And the batayle is agreggid aȝeins Saul; and ther founden hym men scheters, and woundiden with dartis. [verse 4] And Saul seyde to his squyer, Drawȝe out thi swerd, and slee me, lest perauenture the vncircum|cidid commen, and scorne to me. For|sothe his squyer wolde not done that, by dreed agast; thanne Saul cauȝte a swerde, and felle in it. [verse 5] The whiche whanne his squyer hadde seen, that is, Saul to ben deed, also he felle in to his swerde, and is deed. [verse 6] Thanne Saul died, and his thre sonys, and al the hous of hym to gydre fel. The whiche thing whan the men of Yrael hadden seen, that dwelliden in the wijlde feeldis, flowen; and Saul and his sonys deed, they for|soken

their cytees, and [Om. H.] hidir and thidir ben scatered; and Philisteis camen, and dwelliden in hem. [verse 8] Thanne the tother day the Philisteis drawynge aweye the spuylis of the slayn men, founden Saul and his sones lyinge in the hil of Jelboe. [verse 9] And whanne thei haden spuylid hym, and gird of the heued, and nakenyd [nakyd H.] fro armys, thei senten in to their lond, that he schuld be born about, and be schewid to the templis of mawmetis and peplis; [verse 10] the armys forsothe of hym thei sacriden in the temple of their god, and the heued thei fitchiden in the temple of Dagon. [verse 11] That thing whan the men of Jabes Ga|laad hadden herd, that is, alle thingis [verse 12] that the Philisteis dyden vpon Saul, echon of the stronge men rysen to gyder, and token the careyns of Saul and his sonys, and brouȝten hem in to Jabes, and biri|eden the bones of hem vndir an ook, that was in Jabes; and thei fastiden seuen days. [verse 13] Thanne Saul is deed for his wick|idnessis [wickidnes A.] , for thi that he brake the maunde|ment of the Lord, that he hadde co|maundide, and kept it not, bot ouermore [verse 14] also he councelide a wytche, and hopid not in the Lord; and for the whiche thing he slewȝ hym, and translatyde the rewme of hym to Dauid, the sone of Ysay.