The Holy Bible, containing the Old and New Testaments, with the Apocryphal books,

III. JOHN.

[Here bigynneth the thridde pistle of Joon [The thridde epistle of Joon. E. Here sueth the iii. pistil of John. R. The thridde pistil of Joon. k. No initial rubric in CIKMQXabcghoα.] .]

[verse 1] THE eldere man to Gayus, most dere brother, whom Y loue in treuthe. [verse 2] Most dere brothir, of alle thingis Y make preyer, that thou entre, and fare wele|fuly, as thi soule doith welefuli. [verse 3] Y ioyede greetli, for britheren camen, and baren witnessing to thi treuthe, `as thou walkist in treuthe [Om. gk pr. m.] . [verse 4] Y haue not more grace of these thingis, than that Y here [herde β.] that [Om. EQk pr. m.] my sones walke in treuthe. [verse 5] Most dere bro|ther, thou doist feithfuli, what euer thou worchist in britheren, and that in to pil|grymys, [pilgrimes; here pilgrimes ben seid feith|ful men, whiche the vnfeithful men castiden out of her citees for the feith of Crist. whiche; pilgrimes, whanne thei comen to thee. thou leddest forth; that is, susteynest with thin almesse deedis, that thei passe fro thennes to othere placis. Ve. worthily to God; that is, to Goddis on|our. Lire here. v.] [verse 6] which ȝeldiden [ȝeelden R.] witnessing to thi charite, in the siȝt of the chirche; which thou leddist forth, and doist wel worthili to God. [verse 7] For thei wenten forth [wenten forth; that is, weren compellid to goo out of her placis, and weren spoilid either robbid of her owne goodis. Ve. for his name; that is, for the feith of o verey God. taken noo thing of hethene men; that is, of her citeseyns, and men of her lynagis, as the Glose seith, not these feithful men myȝten not take, but for vnfeithful men not ȝeue, that thei schulde be compellid by nedynesse to come aȝen bi ydolatrie of hethene puple. we owen res|seyue, etc.; with oure costis. Joon seith this, not for he hadde richecchis, but for riche men diden such thingis bi his counceil, and for he dispend|ide in Effesus the goodis of the chirche ȝouen for pore men, as othere apostlis in Je|rusalem in iiij. c^o. of Deedis. Lire here. v.] for his name, and token no thing of hethene men. [verse 8] Therfor we owen to resseyue siche [suche maner men Rhoβ.] , that we be euen worcheris of treuthe. [verse 9] I hadde write perauenture to the chirche, but this Diotrepes, that loueth to bere primacie in hem, resseyueth [reseeiuen Egk.] not vs [Om. R.] . [verse 10] For this thing, if Y schal come, Y schal moneste hise werkis, whiche he doith, chidinge aȝens vs with yuel word|is. And as if these thingis suffisen [sufficeden ghk pr. m.] not to hym, nether he resseyueth britheren,

and forbedith hem that resseyuen, and puttith out of the chirche. [verse 11] Moost dere brothir, nyle thou sue yuel thing, but that that is good thing. He that doith wel, is of God; he that doith yuel, seeth not God. [verse 12] Witnessing is ȝoldun to Deme|trie of alle men, and of treuthe it silf; but also we beren witnessing, and thou knowist, that oure witnessing is trewe. [verse 13] Y hadde many thingis to wryte to thee, but Y wolde not write to thee bi enke and penne. [verse 14] For Y hope soone to se thee, and we schulen speke mouth to mouth. Pees be to thee. Frendis greten thee wel. Greete thou [ȝe k.] wel frendis bi name.

Here endith the thridde pistle of John, and bigynneth the pistle of Ju|das [From CQXachα. Heere endith the thridde epistle of Joon, and biginnith the epistle of Judas. I. Here endeth the thridde pistle of Joon; se now the pistle of Judas. K. Here endith the thridde pistle of Joon, and here bigynneth the pistle of Judas. Mb. Here endith the pistilis of Jon, and bigynith the pistil of Judais. g. Here endith the iij ^e. pistil of Joon, and bigynneth the pistil of Judas, the brother of James. O. Heere eendith the thridde pistil of Joon, and now bigynneth the pistil of Jude. Y. No final rubric in AERUek.] .