The Holy Bible, containing the Old and New Testaments, with the Apocryphal books,

CAP. II.

[verse 1] Mi britheren, nyle ȝe haue the feith of oure Lord Jhesu Crist of glorie, in accep|cioun of persoones. [verse 2] For if a man `that hath [hauynge k.] a goldun ring, and in a feire cloth|ing, cometh in ȝoure cumpany, and a [verse 3] pore man entrith in a foul clothing, and if ȝe biholden in to hym that is clothid with clere [clene k.] clothing, and if [Om. k pr. m.] ȝe seie to hym, Sitte thou here wel; but to the

pore man ȝe seien, Stonde thou there, ethir sitte vndur the stool of my feet; [verse 4] whether ȝe demen not anentis ȝou [ȝour E.] silf, and ben maad domesmen of wickid thouȝtis? [verse 5] Heere ȝe, my moost dere|worthe britheren, whethir God chees not pore men in this world, riche in feith, and eiris of the kyngdom, that God bi|hiȝte to men that louen him? [verse 6] But ȝe han dispisid the pore man. Whether riche men oppressen not ȝou bi power, and thei drawen ȝou to domes? [verse 7] Whether thei blasfemen not the good name, that is clepid to help on ȝou? [verse 8] Netheles if ȝe performen the kingis lawe, bi scripturis, Thou schalt loue thi neiȝbour as thi silf, ȝe don wel. [verse 9] But if ȝe taken persones, ȝe worchen synne, and ben repreued of the lawe, as trespasseris. [verse 10] And [Om. gk pr. m.] who euere kepith al the lawe, but offendith in oon, he is maad gilti of [in k.] alle [he is maad gilty of alle; as to payne of harm, either dampnacioun, which is want|ing of Goddis siȝt, but he getith gretter peyne of wit, either of feel|ing, that doth mo trespassis; and that this is vndirstonden of the peyne of harm, the lettre schewith su|ynge, whanne it is seid, for he that seide, Thou schalt not do leccherie, &c. Ve. for alle the heestis ben of oo God, and therfore he is offendid, for the breking of oon. Lire here. v.] . [verse 11] For he that seide, Thou schalt do no letcherie, seide also, Thou schalt not sle; that if thou doist not [no Eb.] letcherie, but thou sleest, thou art maad trespassour of [aȝens k.] the lawe. [verse 12] Thus speke ȝe, and thus do ȝe, as bigynnynge to be demyd bi the lawe of [of perfite R.] fredom. [verse 13] For whi dom with out merci is to hym, that doith no mercy; but merci aboue reisith dom. [verse 14] Mi britheren, what schal it pro|fite, if ony man seie that he hath feith, but he hath not the [Om. Q.] werkis? whether feith schal mowe saue hym? [verse 15] And if a brother ethir [or ER.] sister be nakid, and han [verse 16] nede of ech daies lyuelode, and if ony of ȝou seie to hem, Go ȝe in pees, be ȝe maad hoot, and be ȝe fillid; but if ȝe ȝyuen not to hem tho thingis that ben neces|sarie to bodi [the bodi Igk. here bodi R.] , what schal it profite? [verse 17] So also feith, if it hath [haue Rgk.] not [no a.] werkis, is deed in it silf. But summan schal seie [schal seie; that is, may seie resonably in repreuinge him that bi|leeueth that feith withoute werkis saueth. thou hast feith bi thi seiynge, schewe thou to me thi feith without werkis, as if he seie, Thou maist not, but I may, for I haue werkis. Lire here. ve.] , [verse 18] Thou

hast feith, and Y haue werkis; schewe thou to me thi feith with out werkis, and Y schal schewe to thee my feith of werkis. [verse 19] Thou bileuest, that o God is; thou doist wel; and deuelis bileuen, and tremblen. [verse 20] But wolt thou wite, thou veyn man, that feith with out werkis is idul? [verse 21] Whether [Wher EI.] Abraham, oure fadir, was not iustified of werkis, offringe Ysaac, his sone, on the auter? [verse 22] Therfor thou seest, that feith wrouȝte with hise werkis, and his feith was fillid of werkis. [verse 23] And the scripture was fillid, seiynge, Abraham bileuede to God, and it was arettid to hym to riȝtwisnesse, and he was clepid the freend of God. [verse 24] Ȝe seen that a man is iustified of werkis, and not of feith oneli. [verse 25] In lijk maner, and [Om. R.] whether also Raab, the hoore, was not iustified of werkis, and resseyuede the [Om. a.] messangeris, and sente hem [Om. k pr. m.] out bi anothir weie? [verse 26] For as the bodi with out spirit is deed, so also feith with out werkis is deed.