The Holy Bible, containing the Old and New Testaments, with the Apocryphal books,

CAP. XXV.

[verse 1] Therfor whanne Festus cam in to the prouynce, aftir the thridde dai he wente vp to Jerusalem fro Cesarie. [verse 2] And the princis of prestis, and the worthieste of the Jewis wenten to hym aȝens Poul, and [verse 3] preieden hym, and axiden grace aȝens hym, that he schulde comaunde hym to be led to Jerusalem; and thei settiden [set|ten k.] aspies to sle hym in the weie. [verse 4] But Festus answerde, that Poul schulde be kept in Cesarie; sotheli that he hym silf schulde procede more auisili [ether ripeli, or hastli K marg.] . Therfor he seide, [verse 5] Thei that in ȝou ben myȝti, come doun togidere; and if ony crime is in the man, accuse thei hym. [verse 6] And he dwellede among hem no more than eiȝte ether ten daies, and cam doun to Cesarie; and the to|ther [othir IRh.] dai he sat for domesman, and com|aundide Poul to be brouȝt. [verse 7] And whanne he was brouȝt forth, Jewis stoden aboute hym, whiche camen doun fro Jerusalem, puttynge aȝens hym many and greuouse causis, whiche thei miȝten not preue. [verse 8] For Poul ȝeldide resoun in alle thingis, That

nether aȝens the lawe of Jewis, nether aȝens the temple, nether aȝens the empe|roure, Y synnede ony thing. [verse 9] But Festus wolde do grace to the [Om. a.] Jewis, and an|sweride to Poul, and seide, Wolt thou gon vp to Jerusalem, and there be demyd of these thingis bifore me? [verse 10] And Poul seide, At the domplace of the emperour Y stonde, where it bihoueth me to be demed. Y haue not noied the Jewis, as thou knowist wel. [verse 11] For if Y haue noyed, ether don ony thing worthi deth, Y for|sake not to die; but if no thing of tho is, that thei accusen me, no man may ȝyue me to hem. Y appele to the em|perour. [verse 12] Thanne Festus spak with the counsel, and answerde, To the emperoure thou hast appelid, to the emperoure thou schalt go. [verse 13] And whanne summe daies weren passid, Agrippa kyng, and Bero|nyce camen doun to Cesarie, to welcome Festus. [verse 14] And whanne thei dwelliden there many daies, Festus schewide to the king of Poul, and seide, A man is [verse 15] left boundun of Felix, of which, whanne Y was at Jerusalem, princis of preestis and the [Om. o.] eldre men of Jewis [the Jewis a.] camen to me, and axiden dampnacioun aȝens hym. [verse 16] To whiche [whom I.] Y answeride, That it is not custom to Romayns, to dampne ony man, bifore that he that is accusid haue hise accuseris present, and take place of de|fending, to putte awei the crymes, that ben putte aȝens hym. [verse 17] Therfor whanne thei camen togidere hidir, withouten ony delaye, in the dai suynge Y sat for domesman, and comaundide the man to be brouȝt. [verse 18] And whanne hise accuseris stoden, thei seiden no cause, of whiche thingis [Om. R.] Y hadde suspicioun of yuel. [verse 19] But thei hadden aȝens hym summe questiouns of her veyn worschiping [ether religion K marg.] , and of oon

Jhesu deed, whom Poul affermyde to lyue. [verse 20] And Y doutide of siche maner questioun [questiouns ERhk.] , and seide, Whether he wolde go to Jerusalem, and ther be [to be IQRacekβ.] demyd of these thingis? [verse 21] But for Poul appelide, that he schulde be kept to the knowing of the emperoure, Y comaundide him to be kept, til Y sende hym to the empe|roure. [verse 22] And Agrippa seide to Festus, Y my [me A.] silf wolde here the man. And he seide, To morew thou schalt here hym. [verse 23] And on the tother [othir IRh.] day, whanne Agrippa and Beronyce camen with greet desire, and entriden in to the auditorie, with tribunes and the [Om. K pr. m.] principal men of the citee, whanne Festus bad, Poul was brouȝt. [verse 24] And Festus seide, King Agrippa, and alle men that ben with vs, ȝe seen this man, of which al the multitude of Jewis preyede me at Jerusalem, and axide [askide O.] , and criede, that he schulde lyue no lenger. [verse 25] But Y foond, that he hadde don no thing worthi of deth; and Y deme [demyde b.] to sende hym to the emperoure, for he appelide this thing. [verse 26] Of which man Y haue not certeyne, what thing Y schal write to the lord. For which thing Y brouȝte hym to ȝou, and moost to thee, thou king Agrippa, that whanne axing [askyng ao.] is maad, Y haue what Y schal write. [verse 27] For it is seyn to me with out resoun, to sende a boundun man [Om. R.] , and not to [Om. R.] signifie the cause of hym.