The Holy Bible, containing the Old and New Testaments, with the Apocryphal books,

CAP. XXIV.

[verse 1] And aftir fyue daies, Ananye, prince of preestis, cam doun with summe eldere men, and Terculle, a feir speker [ether aduocat K marg.] , which wenten to the precident aȝens Poul. [verse 2] And whanne Poul was somened, Terculle bi|gan to accuse hym, and seide, Whanne in myche pees we doon bi thee, and many thingis ben amendid bi thi wis|dom, [verse 3] euere more and euery where, thou best Felix, we han resseyued with al doyng of thankingis. [verse 4] But lest Y tarie thee [the A. Om. I.] lengere, Y preie thee, schortly here vs for thi mekenesse. [verse 5] We han foundun this wickid man stirynge dissencioun to alle Jewis in al the world, and auctour of dissencioun of the secte of Nazarenus; [verse 6] and he also enforside to defoule the tem|ple; whom also we token, and wolden deme, after oure lawe. [verse 7] But Lisias, the trybune, cam [cam aboof R.] with greet strengthe aboue [Om. R.] , and delyuerede hym fro oure hoondis; [verse 8] and comaundide hise accuseris to come to thee, of whom thou demynge, maist knowe of alle these thingis, of whiche we accusen hym. [verse 9] And Jewis putten [puttiden hk.] to, and seiden, that these thingis hadden hem so. [verse 10] And Poul answeride, whanne the president grauntide hym to seie, Of mony ȝeeris Y knowe thee, that thou art domesman `to this [of this X. of these a.] folk, and Y schal do ynowȝ for me with [by k.] good resoun. [verse 11] For thou maist knowe, for to me ben not more than twelue daies, sithen Y cam vp [verse 12] to worschipe in Jerusalem; and nether in the [Om. R.] temple thei founden me disput|inge with ony man, nether makynge con|cours

[ether rennyng togidere K marg.] of puple [the peple CXagk.] , nether in [in the I.] synagogis [synagoge E.] , [verse 13] nether in citee; nether thei moun preue to thee, of the [Om. h.] whiche thingis thei now accusen me. [verse 14] But Y knowleche to thee this thing, that aftir the secte which [of which b.] thei [ȝe oβ.] seien eresie, so Y serue to God the fadir, `and Y bileue [bileeuynge R.] to alle thingis that ben writun in the lawe and [of O.] profetis; [verse 15] and Y haue hope in God, whiche also thei hem silf abiden, the aȝenrisyng `to comynge [Om. Q.] of iust men and wickid. [verse 16] In this thing Y studie with outen hirtyng, to haue concience to God, and to men euermore. [verse 17] But after many ȝeeris, Y cam to do almes dedis to my folc, and of|fryngis, [verse 18] and auowis; in whiche thei founden me purified in the temple, not with company, nether with noise. And thei cauȝten me, and thei [Om. AQ.] crieden, and seiden, Take awei oure enemye. [verse 19] And summe Jewis of Asie, whiche it behofte to be now present at thee, and accuse, [verse 20] if thei hadden ony thing aȝens me, ether [neither g.] these hem silf seie, if thei founden in me ony thing of wickidnesse, sithen Y [verse 21] stonde `in the counsel, but oneli of this vois, by which Y criede stondynge [Om. gk pr. m.] among hem, For of the aȝenrisyng of deed men Y am demyd this dai of ȝou. [verse 22] Sothely Felix delayede [ether differride K marg.] hem, and knewe moost certeynli [Om. R.] of the weie, and seide, Whanne Lisias, the tribune, schal come doun, Y schal here ȝou. [verse 23] And he co|maundide to a centurien to kepe hym, and that he hadde reste, nethir to [for to g.] for|bede ony man to mynystre of his owne thingis to him. [verse 24] And after summe dayes Felix cam, with Drussille his wijf, that was a Jewesse, and clepide Poul, and herde of him the feith that is in Crist Jhesu. [verse 25] And while he disputide of riȝt|wisnesse,

and chastite, and of dom to comynge, Felix was maad tremblinge, and answerde, That [Whider it A sec. m. I. Whither a sec. m. k sec. m. α.] perteneth now, go; but in tyme couenable Y schal clepe thee. [verse 26] Also he hopide, that money schulde be ȝouun to hym of Poul; for which thing eft he clepide hym, and spak with hym. [verse 27] And whanne twei ȝeeris [ȝeer I.] weren fillid, Felix took a successoure, Porcius Festus; and Felix wolde ȝyue grace to Jewis [the Jewis K pr. m. bko.] , and lefte Poul boundun.