The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And whanne it was don, that we schul|den seile, and weren passid awei fro hem, with streiȝt cours we camen to Choum, and the day suynge to Rodis, and fro thennus to Patiram, and fro thennus to Myram. [verse 2] And whanne we founden a schip passinge ouer to Fenyce, we wenten vp in to it, and sailden forth. [verse 3] And whanne we apper|iden
to Cipre, we leften it at the left half, and seiliden in to Sirie, and camen to Tire. For there the schip schulde be vnchargid. [verse 4] And whanne we foundun disciplis, we dwelliden there seuene daies; whiche seiden bi spirit [seiden bi spi|rit; thei seiden not bi the Hooly Goost without meene, that Poul schulde not stiȝe to Je|rusalem; for the Hooly Goost seide to Poule, that he schulde stiȝe thidir; but these disciplis hadden bi the spirit of profe|cie, that if Poule stiȝide to Jeru|salem, he schulde suffre persecuscioun there; wher|fore thei had|den compas|sioun on hym, and counceil|eden bi her owne spirit, that he schulde not stiȝe thider. Lire here. ve.] to Poul, that he schulde not go vp to Jerusalem. [verse 5] And whanne the daies weren fillid, we ȝeden forth, and alle men with wyues and children ledden forth vs with outen the citee; and we kneliden in the see brenke, and we preieden. [verse 6] And whanne we had|den maad fare wel togidre, we [Om. A.] wenten vp into the [a CKO.] schip; and thei turneden aȝen in to her owne places. [verse 7] And whanne the schip sailinge was fillid fro Tire, we camen doun to Tolamayda, and whanne we hadden gret wel the britheren, we dwelliden o dai at hem. [verse 8] And another [the othir R.] dai we ȝeden forth, and camen to Ce|sarie. And we entriden in to the hous of Filip euangelist, that was oon of the seuene, and dwelliden at hym. [verse 9] And to hym weren foure douȝtris, virgyns, that profecieden. [verse 10] And whanne we dwelliden there bi [Om. k.] summe daies, a profete, Agabus bi name, cam ouer fro Judee. [verse 11] This [He this I.] whanne he cam to vs, took the girdil of Poul, and boond togidere hise feet and hoondis, and seide, The Hooli Goost seith these thingis, Thus Jewis schulen bynde in Jerusalem the man, whos is this gir|dil; and thei schulen bytake into [him into Rk.] he|thene mennys hoondis. [verse 12] Which thing whanne we herden, we preieden, and thei that weren of that place, that he schulde not go vp to Jerusalem. [verse 13] Thanne Poul answeride, and seide, What doen ȝe, wepinge and turmentinge myn herte? For Y am redi, not oonli to be boundun, but also to die in Jerusalem for the name of the Lord Jhesu. [verse 14] And whanne
we myȝten not counseile hym, we weren stille, and seiden, The wille of the Lord be don. [verse 15] And aftir these daies we weren maad redi, and wenten vp to Jerusalem. [verse 16] And summe of the [Om. I.] disciplis camen with vs fro Cesarie, and ledden with hem a man, Jason of Cipre, an elde disciple, at whom we schulden be herborid. [verse 17] And whanne we camen to Jerusalem, brithe|ren resseyueden vs wilfulli. [verse 18] And in the dai suynge Poul entride with vs to James, and alle the eldre men weren gaderid. [verse 19] Whiche whanne he hadde gret, he telde bi alle thingis, what God hadde doon in hethene men, bi the mynysterie of hym. [verse 20] And whanne thei herden, thei magnyfiden God, and seiden to hym, Brothir, thou seest how many thousyndis ben in Jewis, that han bileued to God, and alle ben loueris of the lawe. [verse 21] And thei herden of thee, that thou techist departing fro Moises of thilk Jewis that ben bi hethene men, that seien, that thei owen not circumcide [to circumcide CEIKMQRUXabceghkoαβ.] her sones, nether owen to entre by custom. [verse 22] Therfor what is? It bihoueth that the multitude come togidre; for thei schulen here, that thou art come. [verse 23] Therfor do thou this thing, that we seien to thee. Ther ben to vs foure men, that han a vow on hem. [verse 24] Take thou [ȝeue thou, etc.; that is, make thou an offring with hem, whiche is wont to be maad in suche thingis. V.] these men, and halowe thee with hem; honge on hem, that thei schaue her heedis; and that alle men wite, that the [these a. tho k.] thingis that thei herden of thee ben false, but that thou walkist, and thi silf kepist the lawe. [verse 25] But of these that bileueden of hethene men, we writen [han writen K pr. m.] , demynge that thei absteyne hem fro thing offrid to idols, and fro blood, and also fro stranglid thing, and fro for|nicacioun. [verse 26] Thanne Poul took the men, and in the dai [dayes g.] suynge he was purified
with hem, and entride in to the temple, and schewide the filling of daies of puri|fying, til the offring was offrid for ech of hem. [verse 27] And whanne seuene daies weren endid, the Jewis that weren of Asie, whanne thei saien him in the temple, stiriden al the puple, and leyden hondis [verse 28] on hym, and crieden, Men of Israel, helpe ȝe vs. This is the man, that aȝens the puple and the lawe and this place tech|ith euery where alle men, more ouer and hath led hethene men in to the temple, and hath defoulid this hooli place. [verse 29] For thei seyen Trofimus of Effesi in the citee with hym, whom thei gessiden that Poul hadde brouȝt [brouȝt with him a.] in to the temple. [verse 30] And al the citee was moued, and a rennyng to|gider of the puple was maad. And thei token Poul, and drowen him out of the temple; and anoon the ȝatis weren closid. [verse 31] And whanne thei souȝten to sle hym, it was teld to the tribune of the cumpany of knyȝtis, that al Jerusalem is con|foundid. [verse 32] Which anoon took knyȝtis, and centuriens, and ran to hem. And whanne thei hadden seen the tribune [centurien R.] , and the [Om. KO.] knyȝtis, thei ceessiden to smyte Poul. [verse 33] Thanne the tribune cam, and cauȝte hym, and comaundide, that he were boundun with twei cheynes; and axide [askide O.] , who he was, and what he hadde don. [verse 34] But othere crieden other thing among the puple. And whanne he miȝte `knowe no [not knowe K. not knowe no g.] certeyn thing for the noise, he comaundide hym to be led in to the castels. [verse 35] And whanne Poul cam to the grees, it bifel that he was borun of kniȝtis, for strengthe of the puple. [verse 36] For the multitude of the [Om. EIKQabceghoβ.] puple suede hym, and criede, Take hym awei. [verse 37] And whanne Poul bigan to be led in to the castels, he
seide to the tribune, Whether it is leue|ful `to me [Om. K pr. m.] , to speke ony thing to thee? And he seide, Kanst thou Greek? [verse 38] Whe|ther thou art not the Egipcian, which bifor these daies mouedist a noise [vois C.] , and leddist out in to desert foure thousynde of men, mensleeris? [verse 39] And Poul seide to hym, For Y am a Jew, of Tharse of Cilicie, a citeseyn, which citee is not vn|knowun. And Y preye thee, suffre me to speke to the puple. [verse 40] And whanne he suffride, Poul stood in the grees, and bikenede with the hoond to the puple. And whanne a greet silence was maad, he spak in Ebrew tunge, and seide,