The Holy Bible, containing the Old and New Testaments, with the Apocryphal books,

CAP. XIV.

[verse 1] But it [And it R.] bifelde [felde K pr. m.] at Yconye, that thei entriden togidir in to the synagoge of Jewis, and spaken, so that ful greet mul|titude of Jewis and Grekis bileueden. [verse 2] But the Jewis that weren vnbileueful, reiseden persecucioun, and stiriden to wraththe the [Om. K pr. m.] soulis of hethene men aȝens the britheren; but the Lord ȝaf soone pees. [verse 3] Therfor thei dwelliden myche tyme, and diden tristili in the Lord, berynge witnessyng to the word of his grace, ȝyuynge signes and wondris to be maad bi the hondis of hem. [verse 4] But the multitude of the citee was departid, and sum weren with the Jewis, and sum with the apostlis. [verse 5] But whanne ther was maad `an asaute [asauȝt I. assaunte O.] of the hethene men and the [Om. R.] Jewis, with her princis, [verse 6] to turmenten and to stonen hem, thei vndurstoden, and fledden togidere to the citees of Licaonye, and Listris, and Derben, and into al the cuntre aboute. And thei prechiden there the gospel, and al the multitude was moued togider in the teching of hem. Poul and Bar|nabas dwelten at Listris. [verse 7] And a man at Listris was sijk in the feet, and hadde sete crokid fro his modris wombe, which neuer hadde goen. [verse 8] This [He this I.] herde Poul spekinge; and Poul biheld hym, and siȝ that he hadde feith, that he schulde [verse 9] be maad saaf, and seide with a greet vois, Rise thou `vp riȝt [vp b pr. m. gk pr. m.] on thi feet. And he lippide, and walkide. [verse 10] And the puple, whanne thei hadde seyn that [Om. K pr. m.] that Poul dide, reriden her vois in Licaon tunge, and seiden, Goddis maad lijk to men ben comun doun to vs. [verse 11] And thei clepiden Barnabas Jubiter, and Poul Mercurie, for he was ledere of the word. [verse 12] And the

preest of Jubiter that was bifor the citee, brouȝte boolis and crownes bifor the ȝatis, with puplis, and wolde haue maad sacrifice. [verse 13] And whanne the apo|stlis Barnabas and Poul herden this, thei to-renten her cootis [cootis kitt togidere K sec. m.] ; and thei skipten [verse 14] out among the puple, and crieden [thei crieden k.] , and seiden, Men, what don ȝe this thing? and we ben deedli men lijk ȝou, and schewen to ȝou, that ȝe be conuertid fro these veyn thingis to the lyuynge God, that maad heuene, and erthe, and the see, [verse 15] and alle thingis that ben in hem; which in generaciouns passid suffride alle folkis to gon in to her owne weies. [verse 16] And ȝit he lefte not hym silf with out witness|ing in [and Egk.] wel doyng, for he ȝaf reyns fro heuene [heuenes A pr. m. a.] , and times beringe [of beringe b.] fruyt, and fulfillide [fillide b.] ȝoure hertis with meete and gladnesse. [verse 17] And thei seiynge these thingis, vnnethis swagiden the puple, that thei offriden not to hem. [verse 18] But sum Jewis camen ouer fro Antioche and Iconye, and counseilden the puple, and stonyden Poul, and drowen [drowen him K sec. m. a.] out of the citee, and gessiden that he was deed. [verse 19] But whanne disciplis weren comun aboute him, he roos, and wente in to the citee; and in the dai suynge he wente forth with Bar|nabas in to Derben. [verse 20] And whanne thei hadden prechid to the ilk citee, and tauȝte manye, thei turneden aȝen to [into k.] Listris, and Iconye, and to Antioche; [verse 21] confermynge the soulis of disciplis [the disciplis k.] , and monestinge, that thei schulden dwelle in feith [the feith EIgkαβ.] , and seiden, That [Om. k pr. m.] bi many tribula|ciouns it bihoueth vs to entre in to the kingdom of heuenes. [verse 22] And whanne thei hadden ordeined prestis to hem bi alle citees, and hadden preied with fastyngis, thei bitoken hem to the Lord, in whom

thei bileueden. [verse 23] And thei passiden Per|sidie, [verse 24] and camen to Pamfilie; and thei spaken the word `of the Lord [Om. K pr. m.] in Per|gen, and camen doun in to Italie. [verse 25] And fro thennys thei wenten bi boot to An|tiochie, fro whennus thei weren takun to the grace of God, in to the werk that thei filliden. [verse 26] And whanne thei weren comun, and hadden gaderid the chirche, thei telden hou grete thingis God dide with hem, and that he hadde openyde to hethene men the dore of feith. [verse 27] And thei dwelliden not a litil tyme with the disciplis.