The Holy Bible, containing the Old and New Testaments, with the Apocryphal books,

Here bigynneth the pistle to Filemon [Poulis epistle to Filemon. E. Here biginneth the pistil to Filemon. e. Here bigynith the pistil to Filemon. g. No initial rubric in CIKQRUXachk.] .

[verse 1] Poul, the boundun of Crist Jhesu, and Timothe, brother, to Filemon, bi|louyd, [verse 2] and oure helpere, and to Appia, most dere sister, and to Archip, oure euene kniȝt, and to the chirche that is [verse 3] in thin hous, grace be to ȝou, and pees of God oure fader, and of the Lord Jhesu Crist. [verse 4] I do thankingis to my God, euere more makinge mynde of thee in my [verse 5] preieris, heringe thi charite and feith,

that thou hast in the Lord Jhesu, and [Om. Rk.] [verse 6] to alle hooli men, that the comynyng of thi feith be maad opyn, in knowing of al good thing in Crist Jhesu. [verse 7] And Y hadde greet ioye and coumfort in thi charite, for the entrailis of hooli men restiden bi thee, brother. [verse 8] For which thing Y hauynge myche trist in Crist Jhesu, to comaunde to thee that that [verse 9] perteyneth to profit; but Y biseche more for charite, sithen thou art siche as the elde Poul, and now the boundun of Jhesu Crist. [verse 10] Y biseche thee for my sone One|syme, [verse 11] whom Y in boondis bigat, which sumtyme was vnprofitable to thee, but now profitable bothe to thee and to me; whom Y sente aȝen to thee. [verse 12] And res|seyue [verse 13] thou hym as myn entrailis; whom Y wolde withholde with me, that he schulde serue for thee to me in boondis [verse 14] of the gospel; but with out thi counseil Y wolde not do ony thing, that thi good schulde not be as of nede, but wilful. [verse 15] For perauenture therfor he departide fro thee [me I.] for a tyme, that thou schuldist [verse 16] resseyue hym with outen ende; now not as a seruaunt, but for a seruaunt a most dere brother, most to me; and how myche more to thee, bothe in fleisch and in the Lord? [verse 17] Therfor if thou hast me a felowe, resseyue [resceyue thou k.] hym as me; [verse 18] for if he hath ony thing anoied thee, ethir owith, arette thou this thing to me. [verse 19] Y Poul wroot with myn hoond, Y schal ȝelde; that Y seie not to thee, that also thou owist to me thi silf. [verse 20] So, brothir, Y schal vse thee in the Lord; fille thou myn entrails in Crist. [verse 21] Y trist|nynge [tristynge EIRak.] of thin obedience wroot to thee,

witynge that thou schalt do ouer that that Y seie. [verse 22] Also make thou redi to me an hous to dwelle in; for Y hope that [Om. R.] bi ȝoure preyeris Y schal be ȝouun to ȝou. [verse 23] Epafras, prisoner with me in Crist [verse 24] Jhesu, greetith thee [ȝou gk.] wel, and Mark, Aristark, Demas, Lucas, myn helperis. [verse 25] The grace of oure Lord Jhesu Crist be with ȝoure spirit. Amen.