The Holy Bible, containing the Old and New Testaments, with the Apocryphal books,

CAP. VI.

[verse 1] What euere seruauntis ben vndur ȝok, deme thei her lordis worthi al onour, lest the name of the Lord and the doc|tryn be blasfemyd. [verse 2] And thei that han feithful lordis, dispise hem not, for thei ben britheren; but more serue thei, for thei ben feithful and louyd, whiche ben parceneris of benefice. Teche thou these thingis, and moneste thou these thingis. [verse 3] If ony man techith [teche g.] othere wise, and acordith not to the hoolsum wordis of oure Lord Jhesu Crist, and to that tech|ing [verse 4] that is bi pitee, he is proud, and kan no thing, but langwischith aboute questiouns and stryuyng [striuyngis R.] of wordis, of the whiche ben brouȝt forth enuyes, stryues, blasfemyes [and blasfemes a.] , yuele suspiciouns, [verse 5] fiȝtingis of men, that ben corrupt in soule, and that ben pryued fro treuthe, that [and k.] demen wynnyng to be pitee. [verse 6] But a greet wynnyng is pitee, with suffici|ence. [verse 7] For we brouȝten in no thing in to this world, and no doute, that we moun not bere `awey ony thing [eny thing awey R.] . [verse 8] But we hauynge foodis, and with what thingus we schulen be hilid, be we paied [apaied hk.]

with these thingis. [verse 9] For thei that wolen be maad riche, fallen in to temptacioun, and `in to [into the R sec. m.] snare of the deuel, and in to many vnprofitable desiris and noyous, whiche drenchen men in to deth and perdicioun. [verse 10] For the rote of alle yuelis is coueytise [yuel coueitise k.] , which summen coueitinge erriden fro the feith, and bisettiden hem with many sorewis. [verse 11] But, thou, man of God, fle these thingis; but sue thou riȝt|wisnesse, pite, feith, charite, pacience, myldenesse. [verse 12] Stryue thou a good strijf of feith, catche euerlastinge lijf, in to which [the whiche I sec. m.] thou art clepid, and hast knou|lechid a good knouleching bifor many witnessis. [verse 13] I comaunde [comaundide A.] to thee bifor God, that quikeneth [quyketh c.] alle thingis, and bifor Crist Jhesu, that ȝeldide a witness|ing vnder Pilat of Pounce, a good con|fessioun, [verse 14] that thou kepe the comaunde|ment with out wem, with out repreef, in to the comyng of oure Lord Jhesu [verse 15] Crist; whom the blessid and aloone [aboue k.] miȝti [almiȝti Q pr. m.] king of kyngis and Lord of lordis schal schewe in his tymes. [verse 16] Which aloone hath vndeedlynesse, and dwellith in liȝt, to which [whiche liȝt I.] no man may come; whom no man say, nether may se; to whom glorie, and honour, and empire be with out ende. Amen. [verse 17] Comaunde thou to the [Om. R.] riche men of this world, that thei vndurstonde not hiȝli, nether that thei hope in vncerteynte of richessis, but in the [Om. R.] lyuynge God, that ȝyueth to vs alle [verse 18] thingis plenteuously to vse; to do wel, to be maad riche in good werkis, liȝtli [verse 19] to ȝyue, to comyne, to tresoure to hem silf a good foundement in to tyme to comynge, that thei catche euerlastinge

lijf. [verse 20] Thou Tymothe, kepe the thing bitakun to thee, eschewynge cursid no|ueltees of voicis, and opynyouns of fals [verse 21] name of kunnyng; which summen bi|hetinge, aboute the feith fellen doun. The grace of God be with thee. Amen.