The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] Lordis, ȝyue ȝe to seruauntis that that is iust and euene, witinge that also ȝe han a Lord in heuene. [verse 2] Be ȝe bisi in preier, and wake in it, in doynge of [verse 3] thankyngis; and preie [preieth E. preie ȝe R.] ech for othere, and for vs, that God opene to vs the dore of word, to speke the misterie [mynysterie bek.] of [verse 4] Crist; for which also Y am boundun, that Y
schewe it, so as it bihoueth me to speke. [verse 5] Walke ȝe in wisdom to hem that ben with outen forth, aȝenbiynge tyme. [verse 6] Ȝoure word be sauered in [with gk.] salt eueremore in grace; that ȝe wite, hou it bihoueth ȝou to answere to ech man. [verse 7] Titicus, most dere brother, and feithful mynyster, and my felowe in the Lord, schal make alle thingis knowun to ȝou, that ben aboute me. [verse 8] Whom Y sente to ȝou to this same thing, that he knowe what thingis ben aboute ȝou, and coumforte ȝoure hertis, [verse 9] with Onesyme, most [my moost k.] dere and feithful brother, which is of ȝou; whiche schulen make alle thingis that ben doon here, knowun to ȝou. [verse 10] Aristark, prisoner with me, gretith ȝou wel, and Mark, the co|syn of Barnabas, of whom ȝe han take maundementis; if he come to ȝou, res|seyue [verse 11] ȝe hym; and Jhesus, that is seid Just; whiche ben of circumcisioun; thei aloone ben myn helperis in the kingdom of God, that weren to me in solace. [verse 12] Epafras, that is of ȝou, the seruaunt of Jhesu Crist, gretith ȝou wel; euere bisi for ȝou in preyeris, that ȝe stonde perfit and ful in al the wille of God. [verse 13] And Y bere witnessyng to hym, that he hath myche trauel for ȝou, and for hem that ben at Loadice [Laodice C et alii.] , and that ben at Ierapo|lim. [verse 14] Luk, the leche most dere, and De|mas, greten ȝou wel. [verse 15] Grete ȝe wel the britheren that ben at Loadice [Laodice C et alii.] , and the womman Nynfam, and the chirche that is in hir hous. [verse 16] And whanne this pistle is red among ȝou, do ȝe, that it be red in the chirche of Loadicensis [Laodicencis C et alii.] ; and rede ȝe that pistle that is of [at b.] Loadicensis [Laodicencis C et alii.] . [verse 17] And seie ȝe to Archippus, Se the myn|ysterie, that thou hast takun in the Lord, that thou fille it. [verse 18] My salutacioun, bi the hoond of Poul. Be ȝe myndeful of my
