[verse 6] Be ȝe nothing bisi, but in al preyer and biseching, with doyng of thankyngis, be ȝoure axyngis [axynge k. askyngis o.] knowun at God. [verse 7] And the [Om. b.] pees of God, that passith al wit, kepe ȝoure hertis and vndurstondingis in Crist Jhesu. [verse 8] Fro hennus forth, bri|theren, what euere [Om. R.] thingis ben sothe, what euere thingis chast, what euere thingis iust, what euere thingis hooli, what euere thingis able to be louyd, what euere thingis of good fame, if ony vertu, if ony preising of discipline, [verse 9] thenke ȝe these thingis, that also ȝe han lerud [lernid EKQRegkoαβ.] , and take, and heed, and seyn in me. Do ȝe these thingis, and God of pees schal be with ȝou. [verse 10] But Y ioyede greetli in the Lord, that sum tyme aftir|ward ȝe floureden aȝen to feele for me, as also ȝe feeliden. But ȝe weren ocupied, [verse 11] Y seie not as for nede, for Y haue lerud [lerned alii.] to be sufficient in whiche thingis Y am. [verse 12] And Y can also be lowid, Y can also haue plentee. Euery where and in alle thingis Y am tauȝt to be fillid, and to hungur, and to abounde [abounde, eithir to be plenteuous R.] , and to suffre myseiste [myseyse Ig.] . [verse 13] Y may alle thingis in hym that coumfortith me. [verse 14] Netheles ȝe han doon wel, comynynge to my tribulacioun. [verse 15] For [Om. e.] and [also CEQXa pr. m. b sec. m. cegkα. Om. KMRU a sec. m. b pr. m. hoβ.] ȝe, Filipensis, witen [witen also KMUa sec. m. b pr. m. hoβ.] , that in the bigynnyng of the gospel, whanne Y wente forth fro Macedonye, no chirche comynede with me in resoun of thing ȝouun and takun, but ȝe aloone. [verse 16] Whiche senten to Tessalonyk onys and twies also in to vss to me. [verse 17] Not for Y seke ȝifte, but Y requyre fruyt aboundinge in ȝoure resoun. [verse 18] For Y haue alle thingis, and abounde [I abounde ek.] ; Y am fillid with tho thingis takun of Epafrodite, whiche ȝe
