The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] It is doon forsothe, whanne Salomon hadde perfourmed the beeldynge of the hows of the Lord, and the beeldynge of the kyng, and al that he desyryde, and [verse 2] wolde make, the Lord aperide to hym the secounde tyme, as he aperyde to hym in Gabaon. [verse 3] And the Lord seide to hym, I haue herd thin orisoun, and thi preyer, that thou preiedist before me; I haue
halwid this hows, that thou hast beeld [bildide BEFH.] , that I putte my name there into euer|more; and myn eyen and myn herte shulen be there alle days. [verse 4] Forsothe thou, if thou gost before me, as thi fader ȝede, in symplenes of herte, and euennesse, and dost alle thingis that I haue comaundid to thee, and my domys, and my lawful [verse 5] thingis kepest, I shal sette the trone of thi rewme vpon Irael in to euermore, as I spak to Dauid, thi fader, seiynge, There shal not be doon awey a man of thi kyn|rede fro the see of Irael. [verse 6] Forsothe if bi turnynge awey ȝe and ȝoure sonys weren turned a weye, not folwynge me, ne kep|ynge myn heestis and cerymonyns, that I purposide to ȝow, but ȝe goon awey, and herein alyen goddis, and honouren [verse 7] hem, I shal doo awey Irael fro the vtter|moost of the erthe that I haue ȝeuen to hem; and the temple that I haue halwid to my name, I shal throwe awey fro my siȝt; and Irael shal be into prouerbe and into fable [fablis A.] , to alle puplis. [verse 8] And this hows shal be into exsaumple; alle that passen bi it, shulen wondre, and whistlen, and seyn, Whi dide the Lord thus to this [thi AFH.] loond, and to this hows? [verse 9] And thei shulen answere, For thei forsoken the Lord her God, that ladde out the faders of hem fro the loond of Egipt; and thei folweden alien goddis, and herieden hem, and honourden hem; therfor the Lord brouȝte yn vpon hem al this yuel. [verse 10] For|sothe fulfillid twenti ȝeer, after that Salo|mon hadde beeldid two howsis, that is, the hows of the Lord, and the hows of [verse 11] the kyng, Iram, the kyng of Tire, ȝeu|ynge to kyng Salomon cedre and firre trees, and gold, after al that he hadde nede; thanne Salomon ȝaf to Iram twenti burȝ touns in the loond of Galilee. [verse 12] And Yram wente out fro Tyro for to se the burȝ touns, that Salomon hadde ȝeuen to [verse 13] hym, and thei plesiden not to hym; and he seith, Whether thes ben the citees that
thou hast ȝeuen to me, brother? And he clepide hem the loond of Chabul, vnto this day. [verse 14] Forsothe Iram sente to kyng Salo|mon an hundrid and twenti talentis of gold. [verse 15] This is the summe of the expensis, that kyng Salomon offrede to beelde the hows of the Lord, and his hows of Mello, and the wal of Jerusalem, and Ezer, and Magedo, and Gazer. [verse 16] Pharao, the kyng of Egipt, stiede vp, and took Gazer, and brente it vp with fier; and Chanane that dwellide in the citee he slewȝ, and ȝaf it into dower to his douȝter, Salomons wijf. [verse 17] Thanne Salomon beeldide vp Gazer, and [verse 18] the nethir Bethron, and Balaad, and Pal|myram [verse 19] in the loond of wildirnes, and alle the touns that to hym perteyneden, and weren withouten wal; and he made sikir the citees of charis [tourys E pr. m.] , and the cytees of horsmen, and what euere thing to hym pleside for to beelde in Jerusalem, and in Liban, and in al the loond of his power. [verse 20] Al the puple that abood stylle of Amor|reis, Ethees, and Pherezeis, Euees, and Jebuseis, that ben not of the sones of [verse 21] Irael, of thes the sones that abiden stille in the loond, that is, whom the sones of Irael myȝten not throwe out, Salomon made tributaries into this day. [verse 22] Of the sones forsothe of Irael kyng Salomon ordeynde not eny man to serue, but thei weren men fiȝters, and the seruauntis of hym, and princis, and duykis, and pre|fectis of charis and of hors. [verse 23] Forsothe thei weren princis vpon alle the werkis of Salomon, prouostis fyue hundrid and fifti, that hadden the puple subiect, and to the ordeynd werkis comaundiden. [verse 24] The douȝter forsothe of Pharao stiede vp fro the citee of Dauid in to hir hows, that Salomon hadde beeldid to hire; thanne he bieldide Mello. [verse 25] Forsothe Salomon offride three sithes bi eche ȝeer brent sa|crifices
`and pesible slayn [Om. F.] sacrifices [Om. E pr. m. F.] , vpon the auter that he hadde beeldid to the Lord; and he brente the maad encense [cense E.] before the Lord, and perfite is the temple. [verse 26] Forsothe kyng Salomon made a nauee in Aziongaber, that is besyde Haylam, in the brenk of the Reed see, in Ydume loond. [verse 27] And Yram sente in that nauee his seruauntis, shipmen, and wise of the [verse 28] see, with the [Om. A.] seruauntis of Salomon; the whiche whanne thei weren comen in to Oofer, thens the taken gold of foure hun|drid and twenti talentis thei brouȝten to kyng Salomon.