The Holy Bible, containing the Old and New Testaments, with the Apocryphal books,

CAP. VII.

[verse 1] Forsothe Salomon beeldide his hows in thretene ȝeer, and vnto parfite brouȝte forth. [verse 2] And he bildide the hows of the wijld wode of Liban, of an hundrid cu|bitis of length, and of fifti cubitis of brede, and of thretti cubitis of heiȝt; and foure aluris betwixe the cedre pilers; for|sothe the cedre trees he hewȝ into pilers. [verse 3] And he clothide al the chaumbre with cedre table beeldyngis; the which chaum|bre was born vp with fyue and fourti pilers. The too ordre forsothe hadde [verse 4] fifteen pilers, sette togidre aȝens hem [verse 5] self, and `for aȝen [fro the regioun E pr. m. forn aȝen E sec. m.] hem self beholdynge, with euen space betwixe the pilerys; and vpon the pilers foure cornerd trees, in alle thingis euen. [verse 6] And the chaumbre of pilers he made of fifti cubitis of length, and of thretti cubitis of brede; and another chaumbre into the face of the more chaumbre; and pilers, and the heedis vpon the pilers he made. [verse 7] For|sothe the chaumbre of the see, in the which is the chayer of dom, he made; and couerde with cedre trees, fro the pawment vnto the cop. [verse 8] And the litil hows, in the which he sat to deme, was in the mydil chaumbre, lijk maner werk. Forsothe he made an hows to the douȝ|ter of Pharao, whom Salomon weddide, siche maner werk as this chaumbre. [verse 9] Alle thingis with precious stoonus, `the whiche [that C pr. m.] at a maner rewle and mesure, both with ynforth and with outforth, weren loken, fro the foundement vnto the cop of the

wallis, and with ynforth and vnto the more halle. [verse 10] The foundementis [foundement A.] forsothe of precious stoonus, the greet stoonus of [verse 11] ten, or of eiȝt cubitis; and there aboue precious stoonus of euen mesure weren hewen [dyuydid E pr. m.] ; and [Om. A.] lijk maner of cedre. [verse 12] And the more halle rownd, of thre ordres of hewen stonus, and of oon ordre of planed cedre; also and in [Om. AFH.] the innermore porche of the hows of the Lord, and in the ȝaat hows of the hows of the Lord. [verse 13] And [verse 14] kyng Salomon sente, and took Yram, the sone of the widowe womman, fro Tyro, of the lynage of Neptalym, fader of the cuntre of Tyre, a crafti man of metal, and ful of wisdom, and vndurstondynge, and of lore, to doo al werk of metal. Which whanne he was comen to kyng Salomon, he made al the werk of hym; [verse 15] and made two brasen pilers, of eiȝteen cubitis of heiȝt o piler; and a liyn of twelue cubitis wente [and wente A.] about either piler. [verse 16] And two heed coueryngys he made, that shulden be putte vpon the heedis of the pilers, ȝoten of bras; of fyue cubitis of heiȝt oon heed couerynge, and of fyue cubitis of heiȝt another heed [verse 17] couerynge; and as in maner of a nette, and of cheynys wouyn togidre to hem self, in o werk. And either heed couer|ynge of the pilers was ȝoten; seuen litil nettis of verse in the toon heed couer|ynge, and seuen lytil nettis in the tothir heed couerynge. [verse 18] And he fulfillide the pilers, and the two ordris bi enuyroun of alle the litil nettis, that thei coueren the heed coueryngis, that weren vpon the cop of the powmgarnettis; and the same wise he made to the secounde heed couer|ynge. [verse 19] Forsothe the heed coueryngis, that weren vpon the heedis of the pilers, as in werk of a lilye weren forgid, in the ȝaat|hows, [verse 20] of foure cubitis; and eft other heed coueryngis in the cop of the pilers aboue,

aftir the mesure of the piler aȝens the litil nettis; forsothe two hundryd ordres of powmgarnettis weren in enuyroun of the secounde heed couerynge. [verse 21] And he sette two pilers in the ȝaat hows of the temple; and whanne he hadde sette the riȝt piler, he clepide it bi name Jachym; lijk maner he reride the secounde piler, and clepide the name of it Booz. [verse 22] And vpon the heedis of the pilers he sette a werk in maner of a lilye; and fulfillid is the werke of the pilers. [verse 23] He made for|sothe the ȝoten see, of ten cubitis fro lippe vnto lippe, rounde in enuyroun; the heiȝt of hym of fyue cubitis; and the littil nette of thretti cubitis girdide it [Om. E pr. m.] by enuyroun. [verse 24] And the grauynge vndur the lippe wente about it bi ten cubitis, goynge about the see; two ordris [verse 25] of storye grauyngis weren ȝoten, and stoden vpon twelue oxen; of the whiche three beheelden to the north, and three to the weste, and [Om. A.] three to the south, and thre to the este; and the see was there aboue vpon hem, whos alle the hyndir|more parties lurkiden with ynforth. [verse 26] The greetnes forsothe of the watyr vessel was of three ouncis, and the lippe of it [hym E pr. m.] as the lippe of a chalice, and as a leef of a lilye to be `aȝen bowid [aparailid E pr. m.] ; it [and it AF.] conteynede two thousand mesuris of thre quartis, thre thousand mesuris neeȝ of a potel. [verse 27] And he made ten brasen feet, eche foot of foure cubitis of length, and of foure cubitis of brede, and of foure cubitis of heiȝt. [verse 28] And that werk of the feet was betwix grauyngis playn; and grauyngis betwix the ioynturis. [verse 29] And betwix the litil crownes and wyndyngis, liouns, and oxen, and cherubin; and in the ioynturis lijk maner aboue [Om. AH.] ; and vndur the lyouns and oxen as bridils of brasse hongynge. [verse 30] And foure whelis bi eche feet, and brasen

axtrees; and bi foure partyes as litil shul|dres vndur the water vessel ȝoten, aȝens hem self beholdynge. [verse 31] And the mouth of the watir vessel with ynforth was in the cop of the heed, and that, that with outforth aperide, was of o cubite, and alle round, and togidre hadde o cubite and an half; in [and in AH.] the corners forsothe of the pilers [piler E sec. m.] weren dyuers grauyngis, and the mene pilers [piler E sec. m.] betwix squaar [quarre BC pr. m. F.] , and not round. [verse 32] Forsothe the foure whelis, that weren bi the foure corners of the foot, cleueden to|gidre to hem self vndir the foot; o whele hadde of heiȝt a cubite and an half. [verse 33] For|sothe the whelis weren siche, as ben wont to be maad in a chaar; and the axtre [axtrees CE.] of hem, and the spokys, and the felijs [felys E sup. ras.] , and the naue, alle ȝoten. [verse 34] For thoo ilke [Om. CE sec. m.] foure [Om. E pr. m.] litil shuldres, bi alle the corners of o foot, fro that foot weren ȝoten, and ioyned. [verse 35] In the cop forsothe of the foot was a maner roundnes, of a cubite and a half, so forgid, that the watir vessel myȝte be sette there aboue, hauynge his dy|uerse endentyngis, and grauyngis of hym [hem A.] self. [verse 36] Forsothe he grauede in the table beeldyngis, that weren of brasse, and in the corners, cherubyn, and liouns, and palmys, as into the [Om. AFH.] lickenesse of a man stondynge, that thei shulen be seen not grauen, but leid to bi enuyroun. [verse 37] And in this maner he made ten feet, bi o ȝet|ynge and mesure, and with lijk maner grauynge. [verse 38] Forsothe he made ten brasen water vessels; o water vessel heelde fourti mesuris of thre quaartis, and was of foure cubitis; and alle the water vessels he putte vpon alle the feet, that is, vpon ten feet. [verse 39] And he ordeynde the [tho A.] ten feet, fyue at the ryȝt partie of the temple, and fyue at the left; forsothe the see he putte at the riȝt parti of the temple, aȝens the este at the south. [verse 40] And Iram made caw|drones, and fier pannys, and wyn violis; and he parformede al the werk of kyng

Salomon in the temple of the Lord. [verse 41] Two pilers, and two lytil cordis of the heed coueryngis vpon the heedis of the pilers, and two litil nettis, that thei coueren the two litil coordis, that weren vpon the heedis of the pilers. [verse 42] And foure hundrid powmgarnettis in the two litil nettis; two vers of powmgarnettis in [and AHF.] eche litil nettis, to the litil coordis to be couerd of the heed coueryngis, that weren vpon the heedis of the pilers. [verse 43] And the ten feet, and the ten water vessels vpon the feet; [verse 44] and oon see, and twelue oxen vndir the [verse 45] see; and cawdrones, and fijr pannys, and wyn vyolis. Alle the vessels, that Iram made to kyng Salomon in the hows of the Lord, weren of latoun. [verse 46] And in the wijld feeldy regioun of Jordan the kyng ȝetide hem, in the cleyye [cleye AB.] erthe, betwix Socoht and Sarcham. [verse 47] And Salomon putte alle the vessels in the hows; for the mych multitude forsothe there was no weiȝt of the brasse. [verse 48] And Salomon made alle the vessels in the hows of the Lord; forsothe a golden auter, and a golden bord, on [vpon BEFCH.] the [Om. C.] which shulden be leyd the [verse 49] looues of proposicioun; and fyue golden candelstickis at the riȝt side, and fyue at the left, aȝens Goddis answerynge place, of moost pure gold; and as flouris of lilie, and golden lanterns there aboue, [verse 50] and golden snytters; and stenys, and flesh hookis, and vyolis, and morters, and censerys, of moost pure gold; and the heengis of doris of the ynnermore hows of the holy of halowis, and of the dorys of the hows of the temple, weren of gold. [verse 51] And he parfourmede al the werk, that Salomon made in the hows of the Lord; and he brouȝte in the thingis that Dauid, his fader, hadde halowid; siluer, and gold, and vessels; and he leide vp in the tresours of the hows of the Lord.