The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] In that tyme Abya, the sone of Jero|boam, wexe sijke. [verse 2] And Jeroboam seide to his wijf, Ryse, and chaunge abijt, that thou be not knowun, that thow be the wijf of Jeroboam; and go in to Silo, where Ahya, the prophet, is, the which
spak to me, that I was to regne vpon this puple. [verse 3] Tak forsothe in thin hoond ten looues, and a litil kake, and a vessel of hony, and go to hym; forsothe he shal shewe to thee, what ben to come to this child. [verse 4] The wijf dide as Jeroboam seide, and arysynge she wente into Silo, and cam into the hows of Ahye; and he myȝte not se, for the eyen of hym hadden da|sewide for eeld. [verse 5] Forsothe the Lord seide to Ahyam, Loo! the wijf of Jeroboam is comen in, that she counsele thee vpon hire sone, that is sijk; thes thingys and thes thou shalt speke to hire. Thanne whanne she was comen yn, and hadde vnlikned hire self to be that she was, [verse 6] Ahias herde the soun of the feet of hire comynge in bi the dore, and seith, Cum in, wijf of Jeroboam; whi anothir thow feynest thee to be? Forsothe I am sent to thee an hard messagere. [verse 7] Go, and sey to Jeroboam, These thingis seith the Lord God of Irael, For I haue enhaunsid thee fro the myddis of the puple, and ȝaf thee [verse 8] duyk vpon my puple Irael, and kytte the rewme of the hows of Dauid, and ȝaf it to thee, and thow was not as my ser|uaunt Dauid, that kepte myn heestis, and folwide me in al his herte, doynge [verse 9] that was plesynge in my siȝt; but thou hast wrouȝt euil, ouere alle that weren before thee, and thou hast maad alien goddis to thee, and ȝoten, that thou terre me to wraththe, forsothe thou hast throwen me behynde thi bak. [verse 10] Therfor loo! I shal brynge yn yuels vpon the hows of Jeroboam, and I shal smyte fro Jeroboam vnto a pissere at the wal, and closide, and last in Yrael; and I shal clense the relikis of the hows of Jero|boam, as is wont to be clensid muk vnto [verse 11] the pure; forsothe thoo that weren deed of Jeroboam in the citee, houndis shulen eete hem; forsothe thoo that weren deed in the feeld, briddes of heuene shulen de|uowre [verse 12] hem; for the Lord spak. Thou
therfor ryse, and go into thin hows; and in that goynge in of thi feet in to the cytee the child shal dye. [verse 13] And al Yrael shal beweile hym, and berye; forsothe he alone shal be brouȝt yn of Jeroboam in to the sepulcre, for there is founden vpon hym a good word of the Lord God of Yrael, in the hows of Jeroboam. [verse 14] The Lord forsothe shal ordeyne to hym a kyng vpon Irael, that smyte the hows of Jeroboam, in this day and in this tyme; [verse 15] and the Lord God of Irael shal smyit, as a reede in water is wont to be moued; and he shal pulle vp Irael fro this good loond, that he ȝaf to the faders of hem, and he shal wyndowe hem beȝonde the flood, for thei maden to hem mawmet wodis [templis E pr. m.] , that thei terren the Lord. [verse 16] And the Lord God shal take Irael `to her ene|myes [Om. E pr. m.] , for the synnes [synne ABFH.] of Jeroboam, the which synnede, and made Irael to synne. [verse 17] And so the wijf of Jeroboam roos, and wente, and cam into Tharsa; and whanne she wente in the threshwold of the hows, the child dyede. [verse 18] And thei birieden hym; and al Irael weylide hym, aftir the word of the Lord, the which he spak in the hoond of his seruaunt, Ahye the prophete. [verse 19] The remenaunt forsothe of the wordis of Jeroboam, how he fauȝt, and how he regnede, loo! thei ben writen in the book of the wordis of the dais of the kyngis of Yrael. [verse 20] The dais forsothe, in [Om. BCEFH.] `the whiche [that C.] regnede Jeroboam, ben two and [Om. E.] twenti ȝeer; and Jeroboam slepte with his fa|dres, and Naadab, his sone, regnede for hym. [verse 21] Forsothe Roboam, the sone of Sa|lomon, regnede in Juda; of oon and fourti ȝeer was Roboam whanne he began to regne, and seuenteen [eiȝte|tene E pr. m.] ȝeer he regnede vpon Jerusalem, the citee that the Lord chees, that he putte his name there, of alle the lynagis of Irael. The name forsothe of his moder, Naama Amanyte.
[verse 22] And Juda dide yuel before the Lord, and thei terreden hym vpon alle thingis, that the faders of him diden in her synnes, that thei synneden. [verse 23] Forsothe and thei beeldiden [beelden A.] vp to hem self auterys, and ymagis, and mawmet wodis [templis E pr. m.] , vpon al heiȝ hil, and vndur eche tree ful of braunchis. [verse 24] But men maad wommanlich [wommannysch BCEFH.] weren in the loond, and thei diden alle the abhomynaciouns of hethen [the hethen E pr. m. H.] men, the whiche the Lord al to-trade before the face of the sonys of Irael. [verse 25] Forsothe in the fifthe ȝeer of the regne of Roboam, Sesac, the kyng of Egipt, stiede vp into [verse 26] Jerusalem; and he took the tresours of the hous of the Lord, and the kyngis tresours, and alle thingis he brak in [on CE.] two, and the golden sheeldis that Salomon made. [verse 27] For the whiche kyng Roboam made brasen sheeldis, and took hem in the hoond of the duykis sheeldberers, and of hem that watchiden before the doore of the hows of the kyng. [verse 28] And whanne the kyng wente into the hows of the Lord, thei beeren hem, that hadden the office of goynge before, and afterward thei brouȝten aȝen to the armerye place of the sheeldberers. [verse 29] The remnaunt for|sothe of the wordis of Roboam, and alle thingis that he dide, loo! ben writen in the book of the wordis of the dais of the kyngis of Juda. [verse 30] And there batayl was bitwix Roboam and Jeroboam alle dais. [verse 31] And Roboam slepte with his faders, and is biried with hem [Om. E pr. m.] in the citee of Da|uid. Forsothe name of his moder, Naama Amanyte; and Abya, his sone, regnede for hym.