The Holy Bible, containing the Old and New Testaments, with the Apocryphal books,

CAP. XIII.

[verse 1] If Y speke with tungis of men and of aungels, and Y haue not charite, Y am maad as bras sownynge, or a cymbal tynkynge [tinglinge E. tynclynge Iα.] . [verse 2] And if Y haue prophecie, and knowe alle mysteries, and al kun|nynge, and if Y haue al feith, so that Y meue hillis fro her place, and Y haue not charite, Y am nouȝt. [verse 3] And if Y de|parte alle my goodis in to the metis of pore men, and yf Y bitake my bodi, so that Y brenne, and if Y haue not [no R.] cha|rite, it profitith to me no thing. [verse 4] Charite is pacient, it is benygne; charite enuyeth not, it doith not wickidli [ether gilefulli K marg.] , it is not [verse 5] blowun, it is not coueytouse, it sekith not tho thingis that ben hise owne, it is not stirid to wraththe, it thenkith not [verse 6] yuel, it ioyeth not on wickidnesse, but it [verse 7] ioieth togidere to treuthe; it suffrith alle thingis, it bileueth alle thingis, it hopith alle thingis, it susteyneth alle thingis. [verse 8] Charite fallith neuere doun, whether prophecies schulen be voidid, ethir lan|gagis schulen ceesse, ethir science schal be distried. [verse 9] For a parti we knowun, [verse 10] and a parti we prophecien; but whanne that schal come that is parfit, that

thing that is of parti schal be auoidid. [verse 11] Whanne Y was a litil child, Y spak as a litil child, Y vndurstood as a litil child, Y thouȝte as a litil child; but whanne Y was maad a man, Y auoidide [voidide IQ.] tho thingis that weren of a litil child. [verse 12] And we seen now bi a myrour in derknesse, but thanne face to face; now Y knowe of [a R.] parti, but thanne Y schal knowe, as Y am knowun. [verse 13] And now dwellen [dwelleth Rg.] feith, hope, and [Om. k pr. m.] charite, these thre; but the most of these is charite.