The Holy Bible, containing the Old and New Testaments, with the Apocryphal books,

CAP. XII.

[verse 1] But of spiritual thingis, britheren, Y nyle that ȝe vnknowun. [verse 2] For ȝe witen, that whanne ȝe weren hethene men, hou ȝe weren led goynge to doumbe mau|metis. [verse 3] Therfor Y make knowun to ȝou, that no man spekynge in the spirit of God, seith departyng fro Jhesu; and no man may seie the Lord Jhesu, but in the Hooli Goost. [verse 4] And dyuerse graces ther [verse 5] ben, but it is al oon Spirit; and dyuerse seruyces ther ben, but it is al oon Lord; [verse 6] and dyuerse worchingis ther ben, but `al is [it al is A pr. m. it is al EKR sec. m. b pr. m. k. al R pr. m. b sec. m.] oon God, that worchith alle thingis in alle thingis. [verse 7] And to ech man the schewyng of spirit is ȝouun to profit. The [And the k pr. m.] word of wisdom is ȝouun to oon bi [verse 8] spirit; to another the word of kunnyng, [verse 9] bi the same spirit; feith to another, in the same spirit; to anothere, grace of helthis, [verse 10] in o spirit; to another, the [Om. R pr. m. kα.] worchyng of vertues; to another, profecie; to another, very knowyng of spiritis; to another, kyndis of langagis; to another, expown|yng of wordis. [verse 11] And oon and [in A pr. m. k pr. m.] the same spirit worchith alle these thingis, depart|ynge to ech bi hem silf as he wole. [verse 12] For as ther is o body, and hath many mem|bris, and alle the [Om. Rhoβ.] membris of the bodi whanne tho ben manye, ben o bodi, so also Crist. [verse 13] For in o spirit alle we ben

baptisid `in to [in k.] o bodi, ether Jewis, ether hethene, ether seruauntis, ether free; and alle we ben fillid with drink in o spirit. [verse 14] For the bodi is not o membre, but manye. [verse 15] If the [thi β.] foot seith [schal seie k pr. m. seie k sec. m.] , For Y am not the hoond, Y am [Om. R.] not of the bodi; not therfor it is not of the bodi. [verse 16] And if the ere seith, For Y am not the iȝe, Y am not of the bodi; not therfor it is not of the bodi. [verse 17] If al the bodi is the iȝe, where is heryng? and if al the bodi is heryng, where is smellyng? [verse 18] But now God hath set membris, and ech of hem in the bodi, as he wolde [wole R.] . [verse 19] That [And a.] if alle weren o membre, where were the bodi? [verse 20] But now ther ben many mem|bris, but o bodi. [verse 21] And the iȝe may not seie to the hond, Y haue no nede to thi werkis; or eft the heed to the feet, Ȝe ben not necessarie to me. [verse 22] But myche more tho that ben seyn to be the lowere membris of the bodi, ben more nedeful; [verse 23] and thilke that we gessen to be the [Om. bk.] vnworthier membris of the bodi, we [to hem we R.] ȝyuen more honour `to hem [Om. R.] ; and tho membris that ben vnonest, han more oneste. [verse 24] For oure oneste membris han nede of noon; but God tempride the bodi, ȝyuynge more worschip to it, to [verse 25] whom it failide, that debate be not in the bodi, but that the membris be bisi in to the same thing [thingis R.] ech for othere. [verse 26] And if o membre suffrith [suffre k.] ony thing, alle membris suffren therwith; ethir if o membre ioieth, alle membris ioien to|gidere. [verse 27] And ȝe ben the bodi of Crist, and membris of membre. [verse 28] But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward [after R.] graces of heelyngis, helpyngis, gouern|ails, kyndis of langagis, interpretaciouns

of wordis. [verse 29] Whether alle apostlis? whe|thir alle prophetis? whether alle tech|eris? [verse 30] whether alle vertues? whether alle men [Om. R.] han grace of heelyngis? whe|ther alle speken with langagis? whether alle expownen? [verse 31] But sue ȝe [we EQeg. Om. I pr. m.] the betere goostli ȝiftis. And ȝit Y schewe to ȝou a more exellent weye.