The Holy Bible, containing the Old and New Testaments, with the Apocryphal books,

CAP. XIV.

[verse 1] But take ȝe a sijk man in bileue, not in demyngis [deemynge k.] of thouȝtis. [verse 2] For another man leueth, that he mai ete alle thingis [ete alle thingis; that is, a man per|fit lerned in the newe lawe bileueth, that he mai lawe|fuly ete alle maner metis forbedun in Moyses lawe. Lyre here. e.] ; but he that is sijk, ete wortis. [verse 3] He that etith, dispise not hym that etith not; and he that etith not, deme not hym that etith. For God hath take him to hym. [verse 4] Who art thou, that demest an|othris seruaunt? To his lord he stond|ith, or fallith fro hym. But he schal stonde; for the Lord is myȝti to make hym parfit. [verse 5] For whi oon demeth a day [demeth a day; that is, can deme of the cerimonyals of Moyses lawe bynding not after Cristis deeth. be plen|teuouse in his wit; that is, be left to his owne consci|ence in such etinge of metis til to the pup|plisching of the gospel. Lyre here. e.] bitwixe a dai, another demeth ech dai. [verse 6] Ech man encrees in his wit. He that vnderstondith the dai, vnderstond|ith to the Lord. And he that etith, etith to the Lord, for he doith thankyngis to God. And he that etith not, etith not to the Lord, and doith thankyngis to God. [verse 7] For no man of vs lyueth to hymsilf, and no man dieth to hymself. [verse 8] For whether we lyuen, we lyuen to the Lord; and whethir we dien, we dien to the Lord. Therfor whethir we lyuen or dien, we ben of the Lord. [verse 9] For whi for this thing Crist was deed, and roos aȝen, that he be Lord bothe of quyke [quike men EKk pr. m.] and of [Om. K pr. m.] deed men [Om. K.] . [verse 10] But what demest thou thi brothir? or whi dispisist thou thi brothir? for alle we schulen stonde bifore the trone of Crist. [verse 11] For it is writun, Y lyue, seith the Lord, for to

me ech kne schal be bowid, and ech tunge schal knouleche to God. [verse 12] Therfor ech of vs schal ȝelde resoun to God for hym silf. [verse 13] Therfor `no more deme we [deme ȝe no more k pr. m.] ech other; but more deme ȝe this thing, that ȝe putte not hirtyng, or sclaundre, to a brothir. [verse 14] I woot and triste in the Lord Jhesu, that no thing is vnclene [comun, or vncleene EX. comoun IQeg pr. m.] bi [to k.] hym, no but to him that demeth ony thing to be vnclene, to him it [that a.] is vnclene. [verse 15] And if thi brother be maad sori in conscience for mete, now thou walkist not aftir charite. Nyle thou [Om. b et C pr. m.] thorouȝ thi mete lese hym, for whom Crist diede. [verse 16] Therfor be not oure [ȝoure Rk pr. m.] good thing blasfemed. [verse 17] For whi the rewme of God is not mete and drynk, but riȝt|wisnesse and pees and ioye in the Hooli Goost. [verse 18] And he that in this thing [Om. R pr. m.] serueth Crist, plesith God, and is proued to men. [verse 19] Therfor sue we tho thingis that ben of pees, and kepe we togidere `tho thingis [Om. E.] that ben of [Om. Eg. to e.] edi|ficacioun [that is, to bilde soulis to heuene. that deemeth; that is, makith not himsilf damp|nable. in that that he preu|eth; that is, knoweth that it is leful to him to ete metis forbedun in Moyses lawe, while he ceesith to ete for the charyte of brithren, to eschewe sclaun|dre. not of feith; that is, he doith this not of consci|ence. Lyre here. e.] . [verse 20] Nyle thou for mete distrie the werk of God. For alle thingis ben clene, but [for a.] it is yuel to the [a k.] man that etith bi offendyng. [verse 21] It is good to not ete fleisch, and to not drynke wyn, nethir in what thing thi brother offend|ith, or is sclaundrid, or is maad sijk. [verse 22] Thou hast feith anentis thi silf, haue thou bifore God. Blessid is he that demeth not hym silf in that thing that he preueth. [verse 23] For he that demeth, is dampned, if he etith; for it is not of feith. And al thing that is not of feith, is synne.