The Holy Bible, containing the Old and New Testaments, with the Apocryphal books,

CAP. XIX.

[verse 1] Therfor Pilat took thanne Jhesu, and scourgide [scourgide him CIKb sec. m. k.] . [verse 2] And kniȝtis writhen a coroun of thornes, and setten on his heed [heued O.] , and [verse 3] diden aboute hym a cloth of purpur, and camen to him, and seiden, Heil, kyng of Jewis. And thei ȝauen to him buffatis. [verse 4] Eftsoone Pilat wente out, and seide to hem, Lo! Y brynge hym out to ȝou, that ȝe knowe, that Y fynde no cause in him. [verse 5] And so Jhesus wente out, berynge a coroun of thornes, and a cloth of pur|pur. And he seith to hem, Lo! the man. [verse 6] But [Om. O.] whanne the bischopis and mynystris hadden seyn hym, thei crieden, and seiden, Crucifie, crucifie hym. Pilat seith to hem, Take ȝe hym, and crucifie ȝe [Om. Rih.] , for Y fynde no cause in hym. [verse 7] The Jewis answeriden to hym, We han a lawe, and bi the lawe he owith to die, for he made hym Goddis sone. [verse 8] Therfor whanne Pilat hadde herd this word, he dredde the more. [verse 9] And he wente in to the moot halle eftsoone [eftsons O passim.] , and seide to Jhesu [him I.] , Of whennus art thou? But Jhesus ȝaf

noon answere to him. [verse 10] Pilat seith to him, Spekist thou not to me? Woost [Wotist R.] thou not, that Y haue power to crucifie thee, and Y haue power to delyuere thee? [verse 11] Jhesus answeride, Thou schuldist not `haue ony power aȝens me, but [but if K sec. m.] it were ȝouun to thee from aboue; therfor he that bitook me to thee, hath the more synne. [verse 12] Fro that tyme Pilat souȝte to delyuere hym; but the Jewis crieden, and seiden, If thou delyuerist this man [Om. CEKMPQRSUXabceghikα.] , thou art not the emperouris freend; for ech man that makith hym silf king, aȝen seith the emperoure. [verse 13] And Pilat, whanne he hadde herd these wordis, ledde Jhesu forth, and sat for domesman in a place, that is seid Licostratos, but in Ebrew Golgatha. [verse 14] And it was pask eue [euyn CEIKPQRUXacegkα.] , as it were the sixte our. And he seith to the Jewis, Lo! ȝoure king. [verse 15] But thei crieden, and seiden, Take awei, take awei; cru|cifie him. Pilat seith to hem, Schal I crucifie ȝoure king? The bischops an|sweriden, We han no king but the emperour. [verse 16] And thanne Pilat bitook him to hem, that he schulde be crucified. And thei token Jhesu, and ledden him out. [verse 17] And he bar to hym silf a cros, and wente out in to that place, that is seid [verse 18] of [Om. CEIPQS sec. m. eα.] Caluarie, in Ebreu Golgatha; where thei crucifieden him, and othere tweyne with him, oon on this side and oon on that side, and Jhesus in the myddil. [verse 19] And Pilat wroot a title, and sette on the cros; and it was writun, Jhesu of Nazareth, king of Jewis. [verse 20] Therfor manye of the Jewis redden this title, for the place where Jhesus was crucified, was niȝ the citee, and it [Om. O.] was writun in Ebreu, Greek, and Latyn. [verse 21] Therfor the

bischops of the Jewis seiden to Pilat, Nyle thou write kyng of Jewis, but for [that C.] he seide, Y [that Y k.] am king of Jewis. [verse 22] Pilat answeride, That that Y haue writun, Y haue writun. [verse 23] Therfor the knyȝtis whanne [whan that O.] thei hadden crucified hym, token hise clothis, and maden foure partis, to ech knyȝt a part, and a coot. And the coot was without seem, and wouun al aboute. [verse 24] Therfor thei seiden togidere, Kitte we not it, but caste we lot, whos it is; that the scripture be fulfillid, seiynge, Thei partiden my clothis to hem, and on my cloth thei casten [castiden EOPabgh sec. m. i. kesten Rα.] lot. And the kniȝtis diden these thingis. [verse 25] But bisidis the cros of Jhesu stoden his modir, and the sistir of his modir, Marie Cleofe, and Marie Maudeleyne. [verse 26] Therfor whanne Jhesu hadde seyn his modir, and the disciple stondynge, whom he louyde, he seith to hise modir, Wom|man, lo thi sone. [verse 27] Aftyrward he seith to the disciple, Lo! thi modir. And fro that our the disciple took hir in to his modir. [verse 28] Aftirward Jhesus witynge, that now alle thingis ben endid, that the scripture were fulfillid, he seith, Y thirste. [verse 29] And a vessel was set ful of vynegre [aysel a sec. m. eisel I.] . And thei `leiden in isope aboute the spounge ful of vynegre [leiden in isope aboute the spounge ful of aisel a sec. m. token a spounge full of eisel puttinge it aboute with ysope I. Om. S pr. m.] , and putten [profriden it I. puttiden EPK.] to his mouth. [verse 30] Therfor [And I.] whanne Jhesus hadde `takun the vynegre [taken the aisel a sec. m. tastid this eisel I.] , he seid, It is endid. And `whanne his heed was bowid doun [he bowide doun the heed I.] , `he ȝaf vp the goost [and sente out the spirit I.] . [verse 31] Therfor for it was the [Om. EPQ.] pask eue [euyn CEKP QRSIUXacegkα.] , that the bodies schulden not abide on the cros in the sabat, for that was a greet sabat dai, the Jewis preiden Pilat, that the hipis of hem schulden be brokun, and thei [Om. R pr. m.] takun awei. [verse 32] Therfor [And therfore O.] knyȝtis camen, and thei braken the thies [hippis I.] of the firste,

and of the tothere [oother I.] , that was crucified with hym. [verse 33] But whanne thei weren comun to Jhesu, as thei sayn him deed [verse 34] thanne, thei braken not hise thies; but oon of the knyȝtis openyde his side with a spere, and anoon blood and watir wenten out. [verse 35] And he that saiȝ, bare witnessyng, and his witnessing is trewe; and he woot that he seith trewe thingis, that ȝe bileue. [verse 36] And these thingis weren don, that the scripture schulde be [were I.] ful|fillid [fillid CMPQRXabceghiα. fullid E.] , Ȝe schulen not breke [ether make lesse K marg.] a boon of hym. [verse 37] And eftsoone another scripture seith, Thei schulen se in [in to CEI KMPQRSUXabceghikαβ.] whom thei piȝten thorow. [verse 38] But after these thingis Joseph of Armathi preyede Pilat, that he schulde take awei the bodi of Jhesu, for that he was a [Om. b.] disciple of Jhesu, but priui [priueli A pr. m. a.] for drede of the Jewis. And Pilat suffride. And so he cam, and took awei the bodi of Jhesu. [verse 39] And Nycho|deme cam also, that hadde come to hym first bi nyȝt, and brouȝte a meddlynge of myrre and aloes, as it were an hundrid pound. [verse 40] And thei token the bodi of Jhesu, and boundun it in lynun clothis with swete smellynge oynementis, as it is custom to Jewis for [Om. IK pr. m.] to birie. [verse 41] And in the place where he was crucified, was a ȝerd [gardyn I.] , and in the ȝerd [gardyn I.] a newe graue, in which ȝit no man was leid. [verse 42] Therfor there thei putten [puttiden Ei.] Jhesu, for the vigilie [vigile EORbcehikαβ.] of Jewis feeste, for the sepulcre was niȝ.