The Holy Bible, containing the Old and New Testaments, with the Apocryphal books,

CAP. XVIII.

[verse 1] Whanne Jhesus hadde seid these thingis, he wente out with hise disciplis ouer the strond of Cedron, where was a ȝerd [or a gardyn X sec. m. marg.] , in to which he entride [went O.] , and hise disciplis. [verse 2] And Judas, that bitrayede hym, knew the place, for ofte Jhesus cam thidur with hise disciplis. [verse 3] Therfor whanne Judas hadde takun a cumpany of knyȝtis, and mynystris of the bischopis and of the [Om. b pr. m.] Fariseis, he cam thidur with lanternys, and brondis, and armeris. [verse 4] And so Jhesus witynge alle thingis that weren to come on hym, wente forth, and seide to hem, Whom seken ȝe? [verse 5] Thei answer|iden [saiden O.] to hym, Jhesu of Nazareth. Jhe|sus seith to hem, Y am. And Judas that bitraiede hym, stood with hem. [verse 6] And whanne he seide to hem, Y am, thei wenten abak, and fellen doun on the erthe. [verse 7] And eft [eftsone O.] he axide hem, Whom seken ȝe? And thei seiden, Jhesu of Nazareth. [verse 8] He answeride [said O.] to hem, Y seide to ȝou, that Y am; therfor if ȝe seken me, suffre ȝe these to go awei. [verse 9] That the word which he seide schulde be fulfillid, For Y loste not ony of hem, whiche thou `hast ȝouun [ȝaf O.] to me. [verse 10] Ther|for Symount Petre hadde a swerd, and drow it out, and smoot the seruaunt of

the bischop, and kittide [kitte ISe pr. m. hik.] of his riȝt eer. And the name of the seruaunt was Mal|cus. [verse 11] Therfor Jhesus seide to Petre, Putte thou thi swerd in to thi schethe; wolt thou not, that [Om. Ca.] Y drynke the cuppe, that my fadir ȝaf to me? [verse 12] Therfor the cum|penye of knyȝtis, and the tribune, and the [Om. k.] mynystris of the Jewis, token Jhe|su, [verse 13] and bounden hym, and ledden hym first to Annas; for he was fadir of Caifas wijf, that was bischop of that ȝeer. [verse 14] And it was Caifas, that ȝaf counsel to the Jewis, that it spedith, that o man die for the puple. [verse 15] But Symount Petre suede Jhesu, and another disciple; and thilke disciple was knowun to the bischop. And he entride with Jhesu, in to the [verse 16] halle of the bischop; but Petre stood at the dore with outforth. Therfor `the tother [the oother I. that other a. thilke othir k.] disciple, that was knowun to the bischop, wente out, and seide to the wom|man that kepte the dore, and brouȝte in Petre. [verse 17] And the damysel, kepere of the dore, seide to Petre, Whether thou art also of this mannys disciplis? He seide, Y am not. [verse 18] And the seruantis and mynystris stooden at the coolis, for it was coold, and thei warmyden hem; and Petre was with hem, stondynge and warmynge hym. [verse 19] And the bischop axide Jhesu [him O.] of hise disciplis, and of his techyng. [verse 20] Jhesus answerde to hym, Y haue spokun opynli to the world; Y tauȝte euermore in the synagoge, and in the temple, whider alle the Jewis camen togidere, and in hiddlis Y spak no thing. [verse 21] What axist thou me? axe hem that herden [herden me O.] , what Y haue spokun to hem; lo [and O.] ! thei witen, what thingis Y haue seid. [verse 22] Whanne he hadde seid these thingis, oon of the mynystris stondynge niȝ, ȝaf a buffat to Jhesu, and seide, Answerist thou so to the bischop? [verse 23] Jhesus answer|ide to hym, If Y haue spokun yuel, bere

thou witnessyng of yuel; but if Y seide wel, whi smytist thou me? [verse 24] And Annas sente hym boundun to Caifas, the bi|schop. [verse 25] And Symount Petre stood, and warmyde him; and thei seiden to hym, Whether also thou art his disciple? He denyede, and seide, Y am not. [verse 26] Oon of the bischops seruantis, cosyn of [to O.] hym, whos eere Petre kitte of, seide, Saȝ Y thee not in the ȝerd with hym? [verse 27] And Petre eftsoone denyede, and anoon the cok crew. [verse 28] Thanne thei ledden Jhesu to Cayfas, in to the moot halle; and it was eerli, and thei entriden not in to the moot halle, that thei schulden not be defoulid, but that thei schulden ete pask. [verse 29] Therfor Pilat wente out [Om. k sec. m.] with outforth to hem, and seide, What accusyng brynge ȝe aȝens this man? [verse 30] Thei answeriden, and seiden to hym, If this were not a mysdoere, we hadden not bitakun hym to thee. [verse 31] Thanne Pilat seith to hem, Take ȝe hym, and deme ȝe him, after ȝoure lawe. And the Jewis seiden to hym, It is not leueful to vs to sle ony [verse 32] man; that the word of Jhesu schulde be fulfillid, whiche he seide, signifiynge bi what deth he schulde die. [verse 33] Therfor eft|soone Pilat entride in to the moot halle, and clepide Jhesu, and seide to hym, Art thou kyng of Jewis? [verse 34] Jhesus an|swerde, and seide to hym, Seist thou this thing of thi silf, ether [or O.] othere han seid to thee of me? [verse 35] Pilat answeride, Whether Y am a Jewe? Thi folc and bischops [thi bishops Xhi. the bischopis a.] bitoken [token O.] thee to me; what hast thou don? [verse 36] Jhesus answeride, My kingdom is not of this world; if my kingdom were of this world, my mynys|tris schulden [wolden Ia sec. m.] stryue, that Y schulde not be takun to the Jewis; but now my kingdom is not here. [verse 37] And so Pilat [Om. EPQSX pr. m. abcgα.]

seide to hym, Thanne `thou art [art thou g.] a king. Jhesus answeride, Thou seist, that Y am a king. To this thing Y am borun, and to this [this thing O.] Y `am comun [cam R.] in to the [this EIP.] world, to bere witnessing to treuthe. Eche that is of treuthe, herith my vois. [verse 38] Pilat seith to hym, What is treuthe? And whanne he hadde seid this thing, eft he wente out to the Jewis, and seide to hem, Y fynde no cause in hym. [verse 39] But it is a cus|tom to ȝou, that Y delyuere oon to ȝou in pask; therfor wole ȝe that Y dely|uere to ȝou the kyng of Jewis? [verse 40] Alle [alle thei I.] crieden eftsoone, and seiden, Not this, but Baraban. And Barabas was a theef.