The Holy Bible, containing the Old and New Testaments, with the Apocryphal books,

CAP. XVII.

[verse 1] These thingis Jhesus spak, and whanne he hadde cast vp hise iȝen in to heuene, he seide, Fadir, the our cometh, clarifie thi sone, that thi sone clarifie thee. [verse 2] As thou hast ȝouun to [Om. a.] hym power on [of plures.] ech fleisch, that al thing that thou hast ȝouun to hym, he ȝyue to hem euerlast|ynge lijf. [verse 3] And this is [Om. I.] euerlastynge lijf, that thei knowe thee very God aloone, and whom thou hast sent, Jhesu Crist. [verse 4] Y haue clarified thee on the [Om. C.] erthe, Y haue endid the werk, that thou hast ȝouun to [Om. R pr. m. bβ.] me to do. [verse 5] And now, fadir, clarifie thou [Om. Cβ.] me at thi silf, with the clerenesse that Y hadde at thee, bifor the world was maad. [verse 6] Y haue schewid thi name to tho men, whiche thou hast ȝouun to me of the world; thei weren thine, and thou hast ȝouun hem to me, and thei han kept thi word. [verse 7] And now thei han knowun, that alle thingis that thou hast ȝouun to me, ben of thee. [verse 8] For the wordis that thou hast ȝouun to me, Y ȝaf to hem; and thei han takun, and han knowun verili, that Y wente out fro thee; and thei bileueden, that thou sentist me. [verse 9] Y preie for hem, Y preye not for the

world, but for hem that thou hast ȝouun to me, for thei ben thine. [verse 10] And alle my thingis ben thine, and thi thingis ben myne; and Y am clarified in hem. [verse 11] And now Y am not in the world, and these ben in the world, and Y come to thee. Hooli fadir, kepe hem in thi name, whiche thou ȝauest [hast ȝouen I.] to me, that thei ben oon, as we ben [ben oon hik.] . [verse 12] While Y was with hem, Y kepte hem in thi name; thilke that thou ȝauest to me, Y kepte, and noon of hem perischide, but the sone of perdicioun, that the scripture be fulfillid. [verse 13] But now Y come to thee, and Y speke these thingis in the world, that thei haue my ioie fulfillid in hem silf. [verse 14] Y ȝaf to hem thi word, and the world hadde hem in hate; for thei ben not of the world, as [as also O.] Y am not of the world. [verse 15] Y preye not, that thou take hem awei fro the world, but that thou kepe hem fro yuel. [verse 16] They ben not of the world, as Y am not of the world. [verse 17] Halewe thou [Om. C.] hem in treuth [the treuthe S pr. m. g.] ; thi word is treuthe. [verse 18] As thou sentist me in to the world, also Y sente [sende gk.] hem `in to [in O.] the world. [verse 19] And Y halewe my silf for hem, that also thei ben halewid in treuthe. [verse 20] And Y preye not oneli for hem, but also for hem that schulden [verse 21] bileue in to me bi the word of hem; that all ben oon, as thou, fadir, in me, and Y in thee, that also thei in vs be oon; that the world bileue, that thou hast sent me. [verse 22] And Y haue ȝouun to hem the clerenesse, that thou hast ȝouun to me, that [and a sec. m.] thei [verse 23] ben oon, as we ben oon; Y [and I EPQSb pr. m. chik pr. m. a.] in hem, and thou in me, that thei be endid in to [Om. R pr. m.] oon; and that the world knowe, that thou sentist me, and hast loued hem, as thou hast loued also me. [verse 24] Fadir, thei [tho i.] whiche thou ȝauest [hast ȝouen I.] to me, Y wole that [Om. A.] where

Y am, that thei be with me, that thei see my clerenesse, that thou hast ȝouun to me; for thou louedist me bifor the mak|yng of the world. [verse 25] Fadir, riȝtfuli the world knew thee not, but Y knew thee, and these knewen, that thou sentist me. [verse 26] And Y haue maad thi name knowun to hem, and schal make knowun; that the loue bi which thou `hast loued [louedist O.] me, be in hem, and Y in hem.