The Holy Bible, containing the Old and New Testaments, with the Apocryphal books,

CAP. V.

[verse 1] And it was don, whanne the puple cam [camen plures.] fast to Jhesu, to here the word of God, he stood bisidis the pool of Gena|sereth, [verse 2] and saiȝ two bootis stondynge bisidis the pool; and the fischeris weren go doun [Om. k.] , and waischiden her nettis. [verse 3] And he wente vp in to a boot, that was Symoundis, and preiede hym to lede it a litil fro the loond; and he seet, and tauȝte the puple out of the boot. [verse 4] And as he ceesside to speke, he seide to Sy|mount, Lede thou [out M pr. m. thou out M sec. m.] in to the [Om. CEPQS sec. m. UXchiβ.] depthe, and slake [slake ȝe IKk. ȝe slake S.] ȝoure nettis to take fisch. [verse 5] And Symount answeride, and seide to hym, Comaundoure, we traueliden al the nyȝt, and token no thing, but in thi word Y schal leye out the net. [verse 6] And whanne thei hadden do this thing, thei closiden togidir a greet multitude of fischis; and her net was brokun. [verse 7] And thei biken|yden to felawis, that weren in anothir boot, that thei schulden come, and helpe hem. And thei camen, and filliden bothe the [Om. EIKM pr. m. PQSXbcgβ.] bootis, so that thei weren almost drenchid. [verse 8] And whanne Symount Petir saiȝ this thing, he felde doun to the knees of Jhesu, and seide, Lord, go fro me, for Y am a synful man. [verse 9] For he

was on ech side astonyed, and alle that weren with hym, in the [Om. k pr. m.] takyng of fischis whiche thei token. [verse 10] Sotheli in lijk maner James and Joon, the sones of Zebedee, that weren felowis of Symount Petre. And Jhesus seide to Symount, Nyle thou drede; now fro this tyme thou schalt take men. [verse 11] And whanne the bootis weren led vp to the loond, thei leften alle thingis, and thei sueden hym. [verse 12] And it was don, whanne he was in oon of the citees, lo! a man ful of lepre; and seynge Jhesu felle doun on his face, and prey|ede hym, and seide, Lord, if thou wolt, thou maist make me clene. [verse 13] And Jhesus held forth his hoond, and touchide hym, and seide, Y wole, be thou maad cleene. And anoon the lepre passide awei fro hym. [verse 14] And Jhesus comaundide to hym, that he schulde seie to no man; But go, schewe thou [Om. hi.] thee to a preest, and offre for thi clensyng, as Moises bad, in to witnessyng to hem. [verse 15] And the word walkide aboute the more of hym; and myche puple camen togidere, to here, and to be heelid of her siknessis. [verse 16] And he wente in to desert, and preiede. [verse 17] And it was don in oon of the [Om. b.] daies, he [and Jhesus A sec. m.] sat, and tauȝte; and there weren Farisees sittynge, and doctouris of the lawe, that camen of [fro k.] eche castel of Galilee, and of Judee, and of Jerusalem; and the vertu of the Lord was to heele sike men. [verse 18] And lo! men beren in a bed a man that was sijk [Om. AE.] in the [Om. Ce.] palsye, and thei souȝten to bere hym in, and sette bifor hym. [verse 19] And thei founden not in what partie thei schul|den bere hym in, for the puple, `and thei [Om. A pr. m. CEK pr. m. b sec. m. e pr. m. α. and Ib pr. m. e sec. m. gk. thei US pr. m. β.] wenten on [vpon U.] the roof, and bi the sclattis [ether tyles K marg.] thei leeten hym doun with the bed, in to the myddil [middis k.] , bifor Jhesus. [verse 20] And whanne

Jhesu saiȝ the feith of hem, he seide, Man, thi synnes ben forȝouun to thee. [verse 21] And the scribis and Farisees [the Farisees Eei.] bigunnen to thenke, seiynge, Who is this, that spekith blasfemyes? who may forȝyue synnes, but God aloone? [verse 22] And as Jhesus knewe the thouȝtis of hem, he answeride, and seide to hem, What thenken ȝe yuele thingis in ȝoure hertes? [verse 23] What is [is it Eb pr. m.] liȝter to seie, Synnes ben forȝouun to thee, or to seie, Rise vp, and walke? [verse 24] But that ȝe wite, that mannus sone hath power in erthe to forȝyue synnes, he seide to the sijk man in palesie, Y seie to thee, ryse vp, take thi bed, and go in to thin hous. [verse 25] And anoon he roos vp bifor hem, and took the bed in which he lay, and wente in to his hous, and magnyfiede God. [verse 26] And greet wondur took alle, and thei magnyfieden God; and thei weren ful|fillid with greet drede, and seiden, For we han seyn merueilouse thingis to dai. [verse 27] And after these thingis Jhesus wente out, and saiȝ a pupplican, Leuy bi name, sittynge at the tolbothe. And he seide [verse 28] to hym, Sue thou me; and whanne he hadde left alle thingis, he roos vp, and suede hym. [verse 29] And Leuy made to hym a greet feeste in his hous; and ther was a greet cumpanye of pupplicans, and of othere that weren with hem, sittynge at the mete. [verse 30] And Farisees [the Farisees K pr. m. X sec. m. ehik.] and the [Om. MQRS.] scribis of hem grutchiden, and seiden to hise disciplis, Whi eten ȝe and drynken with pupplicans and synful men? [verse 31] And Jhesus answeride, and seide to hem, Thei that ben hoole han no nede to a leche, but [verse 32] thei that ben sijke; for Y cam not to clepe iuste men, but synful men to pen|aunce. [verse 33] And thei seiden to hym, Whi the [Om. Ig.] disciplis of Joon fasten ofte, and maken preieris, also and of [Om. b.] Farisees [the Farisees CEIKMPQRSXbceghikαβ.] , but thine eten and drynken? [verse 34] To whiche [whom I.]

he seide, Whether ȝe moun make the sones of the spouse to faste, while the spouse is with hem? [verse 35] But daies schulen come, whanne the spouse schal be takun awei fro hem, and thanne thei schulen faste in tho daies. [verse 36] And he seide to hem also a liknesse; For [Forsothe I.] no man takith a pece fro a newe cloth, and puttith it [him C. Om. M pr. m.] in [Om. A.] to an oold clothing; ellis bothe [Om. e pr. m. k sec. m. and k pr. m.] he brekith the newe, and the pece of the newe acordith not to the elde. [verse 37] And no man puttith newe wyne in to oolde botels; ellis the newe wyn schal breke the botels, and the wyn schal be sched out, and the botels schulen perische. [verse 38] But newe wyne owith to be put in to newe botels, and bothe ben kept. [verse 39] And no man drynkynge the elde, wole anoon the [Om. CEPQXα.] newe; for he seith, The olde is the betere.