The Holy Bible, containing the Old and New Testaments, with the Apocryphal books,

CAP. III.

In the fiftenthe ȝeer of the empire of [verse 1] Tiberie, the emperoure, whanne Pilat of Pounce gouernede Judee, and Eroude

was prince of Galilee, and Filip, his brothir, was prince of Iturye, and of the cuntre of Tracon, and Lisanye was [verse 2] prince of Abilyn, vndir the princis of prestis Annas and Caifas, the word of the Lord was maad on Joon, the sone of Zacarie, in desert. [verse 3] And he cam in to al the cuntre of Jordan, and prechide baptym of penaunce in to remyssioun of synnes. [verse 4] As it is wrytun in the book of the wordis of Isaye, the prophete, The voice of a crier in desert, Make ȝe redi the weie of the Lord, make ȝe hise pathis riȝt. [verse 5] Ech valey schal be fulfillid, and euery hil and litil hil schal be maad lowe; and schrewid thingis schulen ben in to dressid thingis, and scharp [verse 6] thingis in to pleyn weies; and euery fleisch schal se the heelthe of God. [verse 7] Therfor he seid to the puple, which wente out to be baptisid of hym, Kynd|lyngis of eddris, who schewide to ȝou to fle fro the [Om. CK pr. m.] wraththe to comynge? [verse 8] Ther|for do ȝe worthi fruytis of penaunce, and bigynne ȝe not to seie, We han a fadir Abraham; for Y seie to ȝou, that God is myȝti to reise of these stoonys the sones of Abraham. [verse 9] And now an axe is sett to the roote of the tree; and therfor euery tre that makith no [not KMSXc sec. m. egkα.] good fruyt, schal be kit doun, and schal be cast in to the fier. [verse 10] And the puple axide hym, and seiden, What thanne schulen we do? [verse 11] He answeride, and seide to hem, He that hath twei cootis, ȝyue [ȝyue he A pr. m.] to hym that hath noon; and he that hath metis, do in [on k.] lijk maner. [verse 12] And pupplicans camen to be baptisid; and thei seiden to hym, Mais|ter, what schulen we do? [verse 13] And he seide

to hem, Do ȝe no thing more, than that that is ordeyned to ȝou. [verse 14] And knyȝtis axiden hym, and seiden, What schulen also we do? And he seide to hem, Smyte ȝe wrongfuli no man, nethir make ȝe fals chalenge, and be ȝe apayed [paied R.] with ȝoure sowdis. [verse 15] Whanne al the puple gesside, and alle men thouȝten in her hertis of Joon, lest perauenture he were [verse 16] Crist, Joon answeride, and seide to alle men, Y baptize you in watir; but a stronger than Y schal come aftir me, of whom Y am not worthi to vnbynde the lace of his schoon; he schal baptize ȝou in the Hooli Goost and fier. [verse 17] Whos `wynewyng tool [vanne I.] in [is in gβ.] his hond, and he schal purge his floor of corn, and [and he αβ.] schal gadere the whete in to his berne; but the chaffis [chaff I.] he schal brenne with fier vn|quenchable. [verse 18] And many othere thingis also he spak, and prechide to the puple. But Eroude tetrark [tetrark also k pr. m.] , whanne he was blamed of Joon for Erodias, the wijf of his brother, and for alle the [Om. R.] yuelis that [verse 20] Eroude dide, encreside [he encreeside Ik pr. m.] this ouer alle, and schitte Joon in prisoun. [verse 21] And it was don, whanne al the puple was baptised, and whanne Jhesu was baptised, and preiede, heuene was openyd. [verse 22] And the Hooli Goost cam doun in bodili licnesse, as a dowue on hym; and a vois was maad fro heuene [heuenes k.] , Thou art my der|worth sone, in thee it hath plesid [wel plesid b.] to me. [verse 23] And Jhesu hym silf was bigyn|ninge as of thritti ȝeer, that he was gessid the sone of Joseph, which was of [verse 24] Heli, which was of Mathath, which was of Leuy, which was of Melchi, that was

[verse 25] of Jamne, that was of Joseph, that was of Matatie, that was of Amos, that was of Naum, that was of Hely, that [verse 26] was of Nagge, that was of Mathath, that was of Matatie, that was of Semei, that was of Joseph, that was of Juda, [verse 27] that was of Johanna, that was of Re|sa, that was of Zorobabel, that was of [verse 28] Salatiel, that was of Neri, that was of Melchi, that was of Addi, that was of Cosan, that was of Elmadan, that was of [verse 29] Her, that was of Jhesu, that was of Eleasar, that was of Jorum, that was of [verse 30] Matath, that was of Leuy, that was of Symeon, that was of Juda, that was of Joseph, that was of Jona, that was of [verse 31] Eliachym, that was of Melca, that was of Menna, that of Mathatha, that was [verse 32] of Nathan, that was of Dauid, that was of Jesse, that was of Obeth, that was of Boz, that was of Salmon, that was of [verse 33] Nason, that was of Amynadab, that was of Aram, that was of Esrom, that was [verse 34] of Fares, that was of Judas, that was of Jacob, that was of Isaac, that was of Abraham, that was of Tare, that was [verse 35] of Nachor, that was of Seruth, that was of Ragau, that was of Faleth, that was [verse 36] of Heber, that was of Sale, that was of Chaynan, that was of Arfaxath, that was of Sem, that was of Noe, that was [verse 37] of Lameth, that was of Matussale, that was of Enok, that was of Jareth, that was of Malaliel, that was of Cainan, [verse 38] that was of Enos, that was of Seth, that was of Adam, that was of God.