The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And the halidai of therf [the therf IRS pr. m. ehiαβ.] looues, that is seid pask, neiȝede. [verse 2] And the princis of preestis and the [Om. k.] scribis souȝten, hou thei schulden sle Jhesu, but thei dredden the puple. [verse 3] And Sathanas entride in to Ju|das, that was [is k.] clepid Scarioth, oon of the twelue. [verse 4] And he wente, and spak with
the princis of preestis, and with the magistratis, hou he schulde bitray hym to hem. [verse 5] And thei ioyeden, and maden couenaunt to ȝyue hym money. [verse 6] And he bihiȝte, and he souȝte oportunyte, to bi|traye hym, with outen puple [the peple IKSX sec. m. gk.] . [verse 7] But the daies of therf looues camen, in whiche it was neede, that the sacrifice of pask were slayn. [verse 8] And he sente Petre and Joon, and seide, Go ȝe, and make ȝe [Om. S.] redi to vs the pask, that we ete. [verse 9] And thei seiden, Where wolt thou, that we make redi? [verse 10] And he seide to hem, Lo! whanne ȝe schulen entre in to the citee, a man berynge a vessel of watir schal meete ȝou; sue ȝe hym in to the hous, in to which he entrith. [verse 11] And ȝe schulen seie to the hosebonde man of the hous, The maister seith to thee, Where is a chaum|bre, where Y schal ete the pask with my disciplis? [verse 12] And he schal schewe to ȝou a greet soupyng place strewid, and there make ȝe redi. [verse 13] And thei ȝeden, and founden as he seide to hem, and thei maden redi the pask. [verse 14] And whanne the our was come, he sat to [at hi.] the [Om. k.] mete, and the twelue apostlis with hym. [verse 15] And he seide to hem, With desier Y haue desirid to ete with ȝou this pask, bifor that Y [verse 16] suffre; for Y seie to ȝou, that fro this tyme Y schal not ete it, til it be fulfillid [fillid P pr. m.] in the rewme of God. [verse 17] And whanne he hadde take the cuppe, he dide gracis, and seide, Take ȝe, and departe ȝe [Om. i.] among [verse 18] ȝou; for Y seie to ȝou, that Y schal not drynke of the kynde of this vyne, til the rewme of God come. [verse 19] And whanne he hadde take breed, he [and hi.] dide thankyngis, and brak, and ȝaf to hem, and seide, This is my bodi, that schal be ȝouun for ȝou;
do ȝe this thing in [in to i pr. m.] mynde of me. [verse 20] He took also the cuppe, aftir that he hadde soupid, and seide, This cuppe is the newe testament in my blood, that schal be sched for ȝou. [verse 21] Netheles lo! the hoond of hym that bitraieth me, is with me at the table. [verse 22] And mannus sone goith, `aftir that [as a.] it is determyned; netheles wo to that man, bi whom he schal be bitraied. [verse 23] And thei bigunnen to seke among hem, who it was of hem, that was to do this thing. [verse 24] And strijf was maad among hem, which of hem schulde be seyn to be grettest. [verse 25] But he seide to hem, Kyngis of hethen men ben lordis of hem, and thei that han power on [of hi.] hem ben clepid [verse 26] good doeris, but ȝe not so; but he that is grettest among ȝou, be maad as [as a hi.] ȝon|gere, and he that is [is a hi.] bifor goere, as a seruaunt. [verse 27] For who is gretter, he that sittith at the mete, or he that mynystrith? whether not he that sittith at the mete? And Y am in the myddil [myddes hi.] of ȝou, as he that mynystrith. [verse 28] And ȝe ben, that han dwellid with me in my temptaciouns; [verse 29] and Y dispose to you, as my fadir hath [verse 30] disposid to me, a rewme, that ȝe ete and drynke on my boord in my rewme, and sitte on trones [the trones i.] , and deme the twelue kynredis of Israel. [verse 31] And the Lord seide to Symount, Symount, lo, Satanas hath axid ȝou, that he schulde ridile [ridle ȝou Ksk.] as whete; [verse 32] but Y haue preyede for thee, that thi feith faile not; and thou sum tyme con|uertid, conferme thi britheren. [verse 33] Which [The whiche I.] seide to hym, Lord, Y am redi to go in to prisoun and in to deeth with thee. [verse 34] And he seide, Y seie to thee, Petir, the cok schal not crowe to dai, til thou thries
forsake that thou knowist me. [verse 35] And he seide to hem, Whanne Y sente ȝou with outen sachel, and scrippe, and schone, whether ony thing failide to ȝou? [verse 36] And thei seiden, No thing. Therfor he seide to hem, But now he that hath a sachel, take also and [Om. EIK pr. m. R sec. m. scghik pr. m.] a scrippe; and he that hath noon, selle his coote, and bigge [bie CEKMUXβ. bye Peα. biȝe R.] a swerd. [verse 37] For Y seie to ȝou, that ȝit it bihoueth that thing that is writun to be fulfillid in me, And he is arettid with wickid men; for tho thingis that ben of me han ende [an ende sb.] . [verse 38] And thei seiden, Lord, lo! twei swerdis here. And he seide to hem, It is ynowȝ. [verse 39] And he ȝede out, and wente aftir the custom in to the hille of Olyues; and the disciplis sueden hym. [verse 40] And whanne he cam to [into Ai pr. m.] the place, he seide to hem, Preye ȝe, lest ȝe entren in to temptacioun. [verse 41] And he was taken awei fro hem, so [as IX.] myche as is [Om. U.] a stonys cast; [verse 42] and he knelide, and preyede, and seide, Fadir, if thou wolt, do awei this cuppe fro me; netheles not my wille be don, but thin. [verse 43] And an aungel apperide to hym [hem a.] fro heuene, and coumfortide hym. And he was maad in agonye, and prey|ede [verse 44] the lenger; and his swot was maad as dropis of blood rennynge doun in to the erthe. [verse 45] And whanne he was rysun fro preier, and was comun to hise disci|plis, he foond hem slepynge for heuy|nesse. [verse 46] And he seide to hem, What slepen ȝe? Rise ȝe, and preye ȝe, that ȝe entre not in to temptacioun. [verse 47] Ȝit while he spak, lo! a company, and he that was clepid Judas, oon of the twelue, wente bifor hem; and he cam to Jhesu, to kisse hym. [verse 48] And Jhesus seide to hym, Judas [Om. P pr. m.] , `with a coss [Om. EP.] `thou bytrayest [bitraiest thou CEPQXa.]
`mannys sone [m. s. with a cosse EPQ.] . [verse 49] And thei that weren aboute hym, and sayn that that was to come, seiden to hym, Lord, whether we smyten with swerd? [verse 50] And oon of hem smoot the seruaunt of the prince of preestis, and kittide [kitte i.] of his riȝt eere. [verse 51] But Jhesus answerde, and seide, Suffre ȝe til [til to hi.] hidir. And whanne he hadde touchid his eere, he heelide hym. [verse 52] And Jhesus seide to hem, that camen to hym, the princis of preestis, and [and the i.] maiestratis of the temple, and eldre men, As to a theef ȝe han gon out with swerdis and staues? [verse 53] Whanne Y was ech dai with ȝou in the temple, ȝe streiȝten not out hondis in to me; but this is ȝoure our, and the power of derknessis. [verse 54] And thei token him, and ledden to the hous of the prince of prestis; and Petir suede hym afer. [verse 55] And whanne a fier was kyndelid in the myddil of the greet hous, and thei saten aboute, Petir was in the myddil of hem. [verse 56] Whom whanne a damysel hadde seyn sittynge `at the [atte P pass.] liȝt, and hadde biholdun hym, sche seide, And this [he this I.] was with hym. [verse 57] And he denyede hym, and seide, Womman, Y knowe hym not. [verse 58] And aftir a litil another man siȝ hym, and seide, And thou art of hem. But Petir seide, A! man, Y am not. [verse 59] And whanne a space was maad as of on our, another afferm|yd, and seide, Treuli this [he this I.] was with hym; for also he is of Galilee. [verse 60] And Petir seide, Man, Y noot [ne wot I. woot not Kb.] what thou seist. And anoon ȝit while he spak, the cok crewe. [verse 61] And the Lord turnede aȝen, and bihelde Petre; and Petre hadde mynde on [of S.] the word of Jhesu, as he hadde seid, For [Om. b.] bifor that [Om. K pr. m.] the cok
crowe, thries thou schalt denye me. [verse 62] And Petre ȝede out, and wepte bittirli. [verse 63] And the men that helden hym scorneden hym [Om. k pr. m.] , and smyten hym. [verse 64] And thei blyn|felden hym, and smyten his face, and axiden hym, and seiden, Arede, thou Crist, to vs, who is he that smoot thee? [verse 65] Also thei blasfemynge seiden aȝens hym many other thingis. [verse 66] And as the day was come, the eldre men of the puple, and the princis [prynce hi.] of prestis [the prestis i.] , and the scribis camen togidir, and ledden hym [verse 67] in to her councel, and seiden, If thou art Crist, seie to vs. [verse 68] And he seide to hem, If Y seie to ȝou, ȝe schulen [wil I.] not bileue to me; and if Y axe, ȝe schulen [wil i.] not answere to me, nethir ȝe [Om. S.] schulen [woln I.] delyuere me. [verse 69] But aftir this tyme man|nys sone schal be sittynge on the riȝt half of the vertu of God. [verse 70] Therfor alle seiden, Thanne art thou the sone of God? And he seide, Ȝe seien that Y am. [verse 71] And thei seiden, What ȝit desiren we wit|nessyng? for we vs [our E.] silf han herd of his mouth.