The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And he seide to hem also a parable, that it bihoueth to preye euer more, and [verse 2] not faile; and seide [he seide k pr. m.] , There was a iuge in a citee, that dredde not God, nether schamede of men. [verse 3] And a widowe was
in that citee, and sche cam to hym, and [verse 4] seide, Venge me of myn aduersarie; and he wolde not longe tyme. But aftir these thingis he seide with ynne hym silf, Thouȝ Y drede not God, and schame [verse 5] not of man, netheles for this widewe is heuy to me, Y schal venge hir; lest at the laste sche comynge condempne me. [verse 6] And the Lord seide, Here ȝe, what the [verse 7] domesman of wickidnesse seith; and whe|ther God schal not do veniaunce of hise chosun, criynge to hym dai and nyȝt, and schal haue pacience in hem? [verse 8] Sotheli Y seie to ȝou, for soone he schal do veniaunce of hem. Netheles gessist thou, that mannus sone comynge schal fynde feith in erthe? [verse 9] And he seide also to sum men, that tristiden in hem silf, as thei weren riȝtful, and dispiseden othere, [verse 10] this parable, seiynge, Twei men wenten [ȝeden S.] vp [Om. c.] in to the temple to preye; the [that Iek.] toon [oon EIk. toon was K.] a Farisee, and [Om. EP.] the [that E.] tother [oothir Ie.] a pupplican. [verse 11] And the Farisee stood, and preiede bi hym silf these thingis, and seide, God, Y do thankyngis to thee, for Y am not as other men, raueinouris [rauenous EP.] , vniust, auou|treris [verse 12] [auouteris IS.] , as also this pupplican; Y faste twies in the woke, Y ȝyue tithis of alle thingis that Y haue in possessioun. [verse 13] And the pupplican stood afer, and wolde [nolde k.] nether [not Q.] reise hise iȝen to [in to E.] heuene, but smoot his brest, and seide, God be mer|ciful to me, synnere. [verse 14] Treuli Y seie to ȝou, this [he this I.] ȝede doun in to his hous, and was iustified fro the other [tother EKPRSUXbghik.] . For ech that enhaunsith hym [hym self i.] , schal be maad low, and he that mekith hym [him self hi.] , schal be enhaunsid. [verse 15] And thei brouȝten to hym ȝonge children, that he schulde touche
hem; and whanne the disciplis saien this thing, thei blameden hem. [verse 16] But Jhesus clepide togider hem, and seide, Suffre ȝe children to come to me, and nyle ȝe for|bede hem, for of siche is the kyngdom of heuenes. [verse 17] Treuli Y seie to ȝou, who euer schal not take the kyngdom of God as a child, he schal not entre in to it. [verse 18] And a prince axide hym, and seide, Goode maister, in [Om. EP.] what thing doynge schal Y weilde euerlastynge lijf? [verse 19] And Jhesus seide to hym, What seist thou me [to me EP pr. m.] good? No man is good, but God aloone. [verse 20] Thou knowist the comaunde|mentis, Thou schalt not sle, Thou schalt not do letcherie, Thou schalt not do theft, Thou schalt not seie fals witness|yng, Worschipe thi fadir and thi [Om. EP.] mo|dir. [verse 21] Which seide, Y haue kept alle these thingis fro my ȝongthe [ȝouthe EPQk.] . [verse 22] And whanne this thing was herd, Jhesus seide to hym, Ȝit o thing failith `to thee [Om. E.] ; sille thou alle thingis that thou hast, and ȝyue to pore men, and thou schalt haue tresour in heuene; and come, and sue thou me. [verse 23] Whanne [And whanne A pr. m.] these thingis weren herd, he was soreful, for he was ful ryche. [verse 24] And Jhesus seynge hym maad sorie, seide, How hard thei that han money schulen entre in to the kyngdom [verse 25] of God; for it is liȝter a camel to passe thorou a nedlis iȝe, than a riche man to entre in to the kyngdom of God. [verse 26] And thei that herden these thingis seiden, Who may be maad [Om. S.] saaf? [verse 27] And he seide to hem, Tho thingis that ben im|possible [vnpossible Pk.] anentis men, ben possible anen|tis God. [verse 28] But Petir seide, Lo! we han left alle thingis, and han sued thee. [verse 29] And
he seide to hym, Treuli Y seie to ȝou, there is no man that schal forsake hous, or fadir, modir [and modir EIPQRbceghiα. or modir A pr. m. KSkβ.] , or britheren, or wijf, or children, or feeldis, for the rewme of [verse 30] God, and schal not resseyue many mo thingis in this tyme, and in the world to comynge euerlastynge lijf. [verse 31] And Jhe|sus took hise twelue disciplis, and seide to hem, Lo! we gon vp to Jerusalem, and alle thingis schulen be endid, that ben writun bi the prophetis of mannus sone. [verse 32] For he schal be bitraied to hethen men, and he schal be scorned, and [verse 33] scourgid, and bispat; and aftir that [Om. hi.] thei han scourgid [scourgid him K.] , thei schulen sle hym, and the thridde dai he schal rise aȝen. [verse 34] And thei vndurstoden no thing [thingis hi.] of these; and this word was hid fro hem, and thei vndurstoden not tho thingis that weren seid. [verse 35] But it was don, whanne Jhesus cam nyȝ to Jerico, a blynde man sat bisidis the weie, and beggide. [verse 36] And whanne he herde the puple passynge, he axide, what this was. [verse 37] And thei seiden to hym, that Jhesus of Nazareth passide. [verse 38] And he criede, and seide, Jhe|su, the sone of Dauyd, haue mercy on me. [verse 39] And thei that wenten bifor blam|yden hym, that he schulde be stille; but he criede myche the more, Thou sone of Dauid, haue mercy on me. [verse 40] And Jhesus stood, and comaundide hym to be brouȝt forth to hym. And whanne he cam nyȝ, [verse 41] he axide hym, and seide, What wolt thou that Y schal do to thee? And he seide, Lord, that Y se. [verse 42] And Jhesus seide to hym, Biholde; thi feith hath maad thee saaf. [verse 43] And anoon he say, and suede hym, and magnyfiede God. And al the puple, as it say, ȝaf heriyng to God.