The Holy Bible, containing the Old and New Testaments, with the Apocryphal books,

CAP. XVII.

[verse 1] And Jhesu seide to hise disciplis, It is impossible [vnpossible k.] that sclaundris come not; but wo to that man, bi whom thei comen.

[verse 2] It is more profitable to him, if a mylne stoon be put aboute his necke, and he be cast in to the see, than that he sclaundre oon of these litle. [verse 3] Take ȝe hede ȝou [to ȝou CIXe sec. m. kα. ȝour EPQ sec. m. RC sec. m. g.] silf; if thi brothir hath synned aȝens thee, blame hym; and if he do penaunce, for|ȝyue hym. [verse 4] And if seuene sithis in the dai he do synne aȝens thee, and seuene sithis in the dai he be conuertid to thee, and seie, It forthenkith me, forȝyue thou hym [to hym MRXb sec. m. hi.] . [verse 5] And the apostlis [postlis ISg.] seiden to the Lord, Encrese to vs feith. [verse 6] And the Lord seide, If ȝe han feith as the corn of seneuei, ȝe schulen seie to this more tre, Be thou drawun vp bi the rote, and be ouerplauntid in to the see, and it schal obeie to ȝou. [verse 7] But who of ȝou hath a seruaunt erynge, or lesewynge oxis [oxen KRk.] , which seith to hym, whanne he turneth aȝen fro the feeld, Anoon go, and sitte to [verse 8] mete; and seith not to hym, Make redi, that Y soupe, and girde thee, and serue me, while Y ete and drynke, and aftir this [verse 9] thou schalt ete and drynke; whether he hath [haue k.] grace to that seruaunt, for he dide that that he comaundide hym? Nay, Y gesse. [verse 10] So ȝe, whanne ȝe han don alle thingis that ben comaundid to ȝou, seie ȝe, We ben vnprofitable ser|uauntis, we han do that that [Om. ci.] we ouȝten to do. [verse 11] And it was do, the [Om. IRhi.] while Jhesus wente in [Om. S sec. m. b.] to Jerusalem, he passide thorou the myddis [myddil CEIMPQRSUX bceghikαβ.] of Samarie, and Galilee. [verse 12] And whanne he entride in to a castel, ten

leprouse men camen aȝens hym, whiche [the whiche I.] [verse 13] stoden afer, and reiseden her voys, and seiden, Jhesu, comaundoure, haue merci on vs. [verse 14] And as he say hem, he seide, Go ȝe [Om. kb.] , `schewe ȝe [scheweth I.] ȝou to the [Om. k.] prestis. And it was don, the [Om. Ihik.] while thei wenten, thei weren clensid. [verse 15] And oon of hem, as he saiȝ that he was clensid, wente aȝen, magnifiynge God with grete [a greet CEIKMPQRSUXbcghik.] vois. [verse 16] And he fel doun on the face bifore hise feet, and dide thankyngis; and this was a Samaritan. [verse 17] And Jhesus answerde, and seide, Whether ten ben not clensid, and where ben the nyne? [verse 18] There is noon foundun, that turnede aȝen, and ȝaf glorie to God, but this alien. [verse 19] And he seide to hym, Rise vp, go thou; for thi feith hath maad thee saaf. [verse 20] And he was axid of Farisees [the Farisees PQXc pr. m. k.] , whanne the rewme of God cometh. And he answerde to hem, and seide, The rewme of God cometh not [verse 21] with aspiyng, nether thei schulen seie, Lo! here, or lo there; for lo! the rewme of God is with ynne ȝou. [verse 22] And he seide to hise disciplis, Daies schulen come, whanne ȝe schulen desire to se o dai of mannus sone, and ȝe schulen not se. [verse 23] And thei schulen seie to ȝou, Lo! here, and lo there. Nyle ȝe go, nether sue ȝe [Om. Ig.] ; [verse 24] for as leyt schynynge from vndur heuene schyneth in to tho thingis that ben vn|dur heuene, so schal mannus sone be in his dai. [verse 25] But first it bihoueth hym to suffre many thingis, and to be repreued of this generacioun. [verse 26] And as it was doon in the daies of Noe, so it schal be in the daies of mannys sone. [verse 27] Thei eeten and drunkun, weddiden wyues, and weren ȝouun to weddyngis, til in to the

dai in the [Om. I.] whych Noe entride in to the [Om. hi.] schip; and the greet flood cam, and loste alle. [verse 28] Also as it was don in the daies of Loth, thei eeten and drunkun, bouȝten and seelden, plauntiden and bildiden; [verse 29] but the [in the EC sec. m. k pr. m.] dai that Loth wente out of So|dome, the Lord reynede fier and brym|stoon fro heuene, and loste alle. [verse 30] Lijk this thing it schal be, in what dai mannys sone schal be schewid. [verse 31] In that our he that is in the roof, and his vessels in the hous, come he not doun to take hem awei; and he that schal be in the feeld, also turne not aȝen bihynde. [verse 32] Be ȝe myndeful of the wijf of Loth. [verse 33] Who euer seketh [seke A et plures αβ.] to make his lijf saaf, schal leese it; and who euer leesith it, schal quykene it. [verse 34] But Y seie to ȝou, in that nyȝt twei schulen be in o bed, oon schal [verse 35] be takun, and the tothir [oother I.] forsakun; twei wymmen schulen be gryndynge togidir, `the toon [the oon EI. that oon e.] schal be takun, and `the tother [the oother I. that other e.] forsakun; twei in a feeld, `the toon [that oon Iek.] schal be takun, and `the tother [the oother I. that other e.] left [forsaken k.] . [verse 36] Thei answeren, and seien to hym, Where, Lord? [verse 37] Which seide to hem, Where euer the bodi schal be, thidur schulen be gaderid togidere [Om. Ah pr. m.] also the eglis.