The Holy Bible, containing the Old and New Testaments, with the Apocryphal books,

CAP. XVI.

[verse 1] He seide also to hise disciplis, Ther was a riche man, that hadde a baili [baylyf EPQX.] ; and this was defamed to him, as he hadde wastid his goodis. [verse 2] And he clepide hym, and seide to hym, What here Y this thing of thee? ȝelde reckynyng of thi baili, for thou miȝte not now be baili [baylif EQ.] . [verse 3] And the baili [bailyf EPQX.] seide with ynne him silf, What schal Y do, for my lord takith awei fro me the baili? delfe mai Y not, I schame to begge. [verse 4] Y woot what Y schal do, that whanne Y am remeued fro the baili, thei resseyue me in to [Om. k pr. m.] her hous [housis A sec. m. KQhi.] . [verse 5] Therfor whanne alle the dettours of his lord weren clepid togider, he seide to the firste, Hou myche owist thou to my lord? [verse 6] And he seide, An hundrid barelis of oyle. And he seide to hym, Take thi caucioun, and sitte soone, and write fifti. [verse 7] Aftirward he seide to another, And hou myche owist thou? Which answerde, An hundrid coris of whete. And he seide to hym, Take thi lettris, and write foure scoore. [verse 8] And the lord preiside the baili of wickydnesse, for he hadde do pru|dentli; for the sones of this world ben more prudent in her generacioun than the sones of liȝt. [verse 9] And Y seie to ȝou, make ȝe to ȝou freendis of the ritchesse [ritchessis chik.] of wickidnesse, that whanne ȝe schulen fayle, thei resseyue ȝou in to euerlastynge tabernaclis. [verse 10] He that is trewe in the

leeste thing, is trewe also in the more; and he that is wickid in a [Om. b.] litil thing, is wickid also in the more [more thing K.] . [verse 11] Therfor if ȝe weren not trewe in the wickid thing of ritchesse [richessis S sec. m. X.] , who schal bitake to ȝou that that is verry? [verse 12] And if ȝe weren not trewe in othere mennus thing, who schal ȝyue to ȝou that that is ȝoure? [verse 13] No seruaunt may serue to twei lordis; for ether he schal hate `the toon [the oon EQ. that oon Iek.] , and loue the tothir [oother I.] ; ethir he schal drawe to `the toon [the oon EQ. that oon Ik.] , and schal [Om. K pr. m.] dispise the tothir [oother I.] . Ȝe moun not serue to God and to ritchesse [ritchessis ik.] . [verse 14] But the Farisees, that weren coueytous, herden alle these thingis, and thei scorneden hym. [verse 15] And he seide to hem, Ȝe it ben, that iustifien ȝou bifor men; but God hath knowun ȝoure hertis, for that that is hiȝ to men, is abhomynacioun bifor God. [verse 16] The lawe and prophetis [the profetis Ek.] til to [Om. E.] Joon; fro that tyme the rewme of God is euangelisid, and ech man doith violence in to it. [verse 17] Forsothe it is liȝter heuene and erthe to passe, than that o titil falle fro the lawe. [verse 18] Euery man that forsakith his wijf, and weddith an other, doith letch|erie; and he that weddith the wijf for|sakun of the hosebonde, doith auowtrie. [verse 19] There was a riche man, and was clothid in purpur, and whit silk, and eete euery dai schynyngli. [verse 20] And there was a begger, Lazarus bi name, that lai at his ȝate ful [verse 21] of bilis, and coueitide to be fulfillid [fillid Ihi.] of the crummes, that fellen doun fro the

riche mannus boord, and no man ȝaf to hym; but houndis camen, and lickiden hise bilis. [verse 22] And it was don, that the begger diede, and was borun of aungels in to Abrahams bosum. [verse 23] And the riche man was deed also, and was [he was k.] biried in helle. And he reiside [reiside vp IS pr. m.] hise iȝen, whanne he was in turmentis, and say Abraham afer, and Lazarus in his bosum. [verse 24] And he criede, and seide, Fadir Abraham, haue merci on me, and sende Lazarus, that he dippe the ende of his fyngur in watir, to [and k.] kele my tunge; for Y am tur|mentid in this flawme. [verse 25] And Abraham seide to hym, Sone, haue [haue thou bhi.] mynde, for thou hast resseyued good thingis in thi lijf, and [Om. A pr. m. CEIKMPQRSXbcehikαβ.] Lazarus also yuel thingis; but he is now coumfortid, and thou art tur|mentid. [verse 26] And in alle these thingis a greet derk place is stablischid betwixe vs and ȝou; that thei that wolen fro hennus passe to ȝou, moun not, nethir fro thennus passe ouer hidur. [verse 27] And he seide, Thanne Y preie thee, fadir, that thou sende hym in to the hous of my fadir. [verse 28] For Y haue fyue britheren, that he wit|nesse to hem, lest also thei come in to this place of turmentis. [verse 29] And Abraham seide to him, Thei han Moyses and the prophetis; here thei hem. [verse 30] And he seide, Nay, fadir Abraham, but if ony of deed men go to hem, thei schulen do [not do k pr. m.] penaunce. [verse 31] And he seide to hym, If thei heren not Moises and prophetis [the profetis gk.] , nethir if ony of deed men rise aȝen, thei schulen bileue to hym.