The Holy Bible, containing the Old and New Testaments, with the Apocryphal books,

CAP. X.

[verse 1] And aftir these thingis the Lord Jhesu ordeynede also othir seuenti and tweyn, and sente [he sente Sg.] hem bi tweyn and tweyn bifor his face in to euery citee

and place, whidir he was to come. [verse 2] And he seide to hem, There is myche ripe corn, and fewe werke men; therfor preie ȝe the lord of the ripe corn, that he sende werke men in to his ripe corn. [verse 3] Go ȝe, lo! Y sende ȝou as lambren among wolues. [verse 4] Therfor nyle ȝe bere a sachel, nethir scrippe, nethir schoon, and greete ȝe no man bi the weie. [verse 5] In to what hous that ȝe entren, first seie ȝe, Pees to this hous. [verse 6] And if a sone of pees be there, ȝoure pees schal reste on hym; but if noon, it schal turne aȝen to ȝou. [verse 7] And dwelle ȝe in the same hous, etynge and drynkynge tho thingis that ben at hem; for a werk man is worthi his hire. Nyle ȝe passe from hous in to hous. [verse 8] And in to what euer citee ȝe entren, and thei resseyuen ȝou, ete ȝe tho thingis that ben [verse 9] set to ȝou; and heele ȝe the [Om. A.] sijke men that ben in that citee. And seie ȝe to hem, The kyngdom of God schal neiȝe in [Om. S.] to ȝou. [verse 10] In [And in xhi.] to what citee ȝe entren, and thei resseyuen ȝou not, go ȝe out in [verse 11] to the streetis of it, and seie ȝe, We wipen of aȝens ȝou the poudir that cleued to vs of ȝoure citee; netheles wite ȝe this thing, that the rewme of God schal come nyȝ. [verse 12] Y seie to ȝou, that to Sodom it schal be esiere than to that citee in that dai. [verse 13] Wo to thee, Corosaym; wo to thee, Bethsaida; for if in Tyre and Sidon the vertues hadden be don, whiche han be don in ȝou, sum tyme thei wolden haue sete in heyre and asches, and haue don penaunce. [verse 14] Netheles to Tire and Sidon it schal be esiere in the doom than to ȝou. [verse 15] And thou, Cafarnaum, art enhaunsid `til to [vnto Ii. til into Rgk.] heuene; thou schalt be drenchid `til in to [vnto I. til to hi.] helle. [verse 16] He that herith ȝou, herith me; and he that dispisith ȝou, dispisith me; and he that

dispisith me, dispisith hym that sente me. [verse 17] And the two and seuenti disciplis turneden aȝen with ioye, and seiden, Lord, also deuelis ben suget to vs in thi name. [verse 18] And he seide to hem, Y saiȝ Sathnas fallynge doun fro heuene, as leit. [verse 19] And lo! Y haue ȝouun to ȝou power to trede on serpentis, and on [Om. EIKQRbceghikαβ.] scorpyouns, and on al the vertu of the enemy, and nothing schal anoye [noie hik.] ȝou. [verse 20] Netheles nyle ȝe ioye on [in EKQRbceghikαβ. of I sec. m.] this thing, that spiritis ben suget [sugetis A.] to ȝou; but ioye ȝe, that ȝoure names ben writun in heuenes. [verse 21] In thilk our he gladide in the Hooli Goost, and seide, Y knouleche to thee, fadir, Lord of heuene and of erthe, for thou hast hid these thingis fro wise men and prudent, and hast schewid hem to smale children. Ȝhe, fadir, for so it ples|ide bifor thee. [verse 22] Alle thingis ben ȝouun to me of my fadir, and no man woot, who is the sone, but the fadir; and who is the fadir, but the sone, and to whom the sone wole schewe. [verse 23] And he turnede to hise disciplis, and seide, Blessid ben the iȝen, that seen tho thingis that ȝe seen. [verse 24] For Y seie to ȝou, that many pro|phetis and kyngis wolden haue seie tho thingis, that ȝe seen, and thei sayn not; and here tho thingis, that ȝe heren, and thei herden not. [verse 25] And lo! a wise man of the lawe ros vp, temptynge hym, and seiynge, Maister, what thing schal Y do to haue euerlastynge lijf? [verse 26] And he seide to hym, What is writun in the lawe? hou redist thou? [verse 27] He answeride, and seide, Thou schalt loue thi Lord God of al thin herte, and of al thi soule, and of alle thi strengthis, and of al thi mynde; and thi neiȝbore as thi silf. [verse 28] And Jhesus seide to hym, Thou hast answerid riȝtli; do this thing, and thou schalt lyue. [verse 29] But

he willynge to iustifie hym silf, seide to Jhesu [him k.] , And who is my neiȝbore? [verse 30] And Jhesu biheld, and seide, A man cam doun fro Jerusalem in to Jerico, and fel among theues, and thei robbiden hym, and woundiden hym, and wente awei, and leften the man half alyue. [verse 31] And it bifel, that a prest cam doun the same weie, and passide forth, whanne he hadde seyn hym. [verse 32] Also a dekene, whanne he was bisidis the place, and saiȝ him, pass|ide forth. [verse 33] But a Samaritan, goynge the weie, cam bisidis hym; and he siȝ hym, [verse 34] and hadde reuthe on hym; and cam to hym, and boond togidir hise woundis, and helde in oyle and wynne; and leide hym on his beest, and ledde [ledde him QSbg.] in to an ostrie, and dide the cure of hym. [verse 35] And another dai he brouȝte forth twey pans, and ȝaf to the ostiler, and seide, Haue the cure of hym; and what euer thou schalt ȝyue ouer, Y schal ȝelde [ȝeue hi.] to [Om. I pr. m.] thee, whanne Y come aȝen. [verse 36] Who of these thre, semeth to thee, was neiȝbore to hym, that fel among theues? [verse 37] And he seide, He that dide merci in to hym. And Jhesus seide to hym, Go thou, and do thou on [in R.] lijk maner. [verse 38] And it was don, while thei wenten, he entride in to a castel; and a womman, Martha bi name, resseyuede hym in to hir hous. [verse 39] And to this was a sistir, Marie bi name, which also sat bisidis the feet of the Lord, and herde his word. [verse 40] But Martha bisiede aboute the ofte seruyce. And sche stood, and seide, Lord, takist thou no kepe, that my sistir hath left me aloone to serue? therfor seie thou to hir, that sche helpe me. [verse 41] And the Lord an|swerde, and seide to hir, Martha, Mar|tha,

thou art bysi, and art troublid [verse 42] aboute ful many thingis; but o thing is necessarie. [verse 43] Marie hath chosun the best part, which schal not be takun awei fro hir.