The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And whanne the twelue apostlis weren clepid togidir, Jhesus ȝaf to hem vertu and power on alle deuelis, and that thei schulden heele sijknessis. [verse 2] And he sente hem for [Om. Ibcegk.] to preche the kyngdom of God, and to heele sijk men. [verse 3] And he seide to hem, No thing take ȝe in the weie, nether ȝerde [a ȝerde IKbg.] , ne scrippe, nether breed, ne mo|ney,
and nether haue ȝe two cootis. [verse 4] And in to what hous that [Om. k.] ȝe entren, dwelle ȝe there, and go ȝe not out fro thennus. [verse 5] And who euer resseyuen not ȝou, go ȝe out of that citee, and schake ȝe of the poudir of ȝoure feet in to witnessyng on [to gk. of hi.] hem. [verse 6] And thei ȝeden forth, and wenten aboute bi castels, prechynge and helynge euery where. [verse 7] And Eroude tetrak herde alle thingis that weren don of hym, and [verse 8] he doutide, for that [Om. IKR pr. m. bg.] it was seide of sum men, that Joon was risen fro deth; and of summen, that Elie hadde apperid; but of othere, that oon of the elde pro|phetis was risun. [verse 9] And Eroude seide, Y haue biheedid Joon; and who is this, of whom Y here siche thingis? And he souȝte to se hym. [verse 10] And the apostlis [postlis Ig.] turneden aȝen, and tolden to hym alle thingis that [Om. b.] thei hadden don. And he took hem, and wente bisidis in to a de|sert place, that is Bethsada. [verse 11] And whanne the puple knewen this, thei folewiden hym. And he resseyuede hem, and spak to hem of the kyngdom of God; and he heelide hem that hadden neede of cure. [verse 12] And the dai bigan to bowe doun, and the twelue camen, and seiden to hym, Leeue the puple, that thei go, and turne in to castels [the castels IRgk.] and townes, that ben aboute, that thei fynde mete, for we ben here in a [Om. EIg.] desert place. [verse 13] And he seide to hem, Ȝyue ȝe to [Om. Ihk.] hem to ete. And thei seiden [seiden to him k.] , Ther ben not to vs mo than fyue looues and twei fischis, but per|auenture that [Om. k.] we go, and bie meetis to al this [the CIKRUc sec. m. k. Om. A pr. m. EMPQS bceghiαβ.] puple [puplis S.] . [verse 14] And the men weren al|most fyue thousynde. And he seide to
hise disciplis, Make ȝe [Om. g pr. m.] hem sitte [to sitte S sec. m. ghi.] to mete bi cumpanyes, a fifti to gidir. [verse 15] And thei diden so, and thei maden alle men sitte to mete. [verse 16] And whanne he hadde take the fyue looues and twei fischis, he biheeld in to heuene, and blesside hem, and brak, and delide to hise disciplis, that thei schulden sette forth [Om. A.] bifor the cumpanyes [cumpanye A pr. m.] . [verse 17] And alle men eeten, and weren fulfillid; and that that lefte to hem of brokun metis was takun vp, twelue cofyns. [verse 18] And it was don, whanne he was aloone preiynge, hise disciplis weren with hym, and he axide hem, and seide, Whom seien the puple that Y am? [verse 19] And thei answeriden, and seiden, Joon Bap|tist, othir [othere men IKg.] seien Elie, and othir seien, o profete of the formere is risun. [verse 20] And he seide to hem, But who [whom R.] seien ȝe that Y am? Symount Petir answeride, and seide, The Crist of God. [verse 21] And he blam|ynge hem comaundide that thei schulden [verse 22] seie to no man, and seide [he seide k pr. m.] these thingis, For it bihoueth mannus sone to suffre many thingis, and to be repreued of the elder men, and of the princis of prestis, and of scribis [the scribis eα.] , and to be slayn, and the thridde dai to rise aȝen. [verse 23] And he seide to alle, If ony wole come aftir me, denye he hym silf, and take he his cross euery dai, and sue he me. [verse 24] For he that wole make his lijf saaf schal leese it; and he that leesith his lijf for me, schal make it saaf. [verse 25] And what profitith it [Om. k.] to [Om. k pr. m.] a man, if he wynne al the world, and leese hym|silf, and do peiryng of him silf. [verse 26] For who so schameth me and my wordis, mannus sone schal schame hym, whanne
he cometh in his maieste, and [Om. k.] of the fadris [fadir X sec. m. k.] , and of the hooli aungels. [verse 27] And Y seie to ȝou, verily ther ben summe stondynge here, whiche schulen not taste deeth, til thei [ȝe A pr. m.] seen the rewme of God. [verse 28] And it was don aftir these wordis almest eiȝte daies, and he took Petre and James and Joon, and he stiede in to an hil, to preye. [verse 29] And while he preiede, the lic|nesse of his cheer was chaungid, and his clothing was whit schynynge. [verse 30] And lo! [verse 31] two men spaken with hym, and Moises and Helie weren seen in maieste; and thei sayn [seiden e sec. m.] his goyng out, which he schulde fulfille in Jerusalem. [verse 32] And Petre, and thei that weren with hym, weren heuy of sleep, and thei wakynge saien his majeste, and the twey men that stoden with hym. [verse 33] And it was don, whanne thei departiden fro hym, Petir seide to Jhesu, Comaundour, it is good that we be here, and make we here thre tabernaclis, oon to thee, and oon to Moises, and oon to Elie. And he wiste not what he schulde seie. [verse 34] But while he spak these thingis, a cloude was maad, and ouerschadewide hem; and thei dredden, whanne [and whanne k pr. m.] thei entriden in to the cloude. [verse 35] And [Om. k pr. m.] a vois was maad out of the cloude, and seide, This is my der|worth sone, here ȝe hym. [verse 36] And while the vois was maad, Jhesu was foundun aloone. And thei weren stille, and to no man seiden [thei seiden k pr. m.] in tho daies ouȝt [ony b.] of tho [these b.] thingis, that thei hadden seyn. [verse 37] But it was doon in the dai suynge, whanne thei camen doun of the hil, myche puple mette hem. [verse 38] And lo! a man of the cumpany criede, and seide, Maister, Y biseche thee, biholde my sone, for Y
[verse 39] haue no mo; and lo! a spirit takith hym, and sudenli he crieth, and hurtlith [hurtith g.] doun, and to-drawith hym with fome, and vnneth he goith awei al to-draw|ynge hym. [verse 40] And Y preiede thi disciplis, that thei schulden caste hym out, and thei myȝten not. [verse 41] And Jhesus answerde and seide to hem, A! vnfeithful genera|cioun and weiward, hou long schal Y be at [anentis I.] ȝou, and suffre ȝou? brynge hidur thi sone. [verse 42] And whanne he cam nyȝ, the deuel hurtlide hym doun, and to-braid|ide [to-braide EIPRbceghikαβ.] hym. And Jhesus blamyde the vnclene spirit, and heelide the child, and ȝeldide [took Qkα.] him to his fadir. [verse 43] And alle men wondriden greetli in the [Om. I.] gretnesse of God. And whanne alle men wondriden in alle thingis that he dide, he seide to [verse 44] hise disciplis, Putte ȝe these wordis in ȝoure hertis, for it is to come, that man|nus sone be bitrayed in to the hondis of men. [verse 45] And thei knewen not this [the k.] word, and it [that k.] was hid bifor hem, that thei feeliden it not; and thei dredden to axe hym of this word. [verse 46] But a thouȝt entride in to hem, who of hem schulde be gret|test. [verse 47] And Jhesu, seynge the thouȝtis of the herte of hem, took a child, and [verse 48] settide hym bisidis hym; and seide to hem, Who euer resseyueth this child in my name, resseyueth me; and who euer resseyueth me, resseiueth him that sente me; for he that is leest among ȝou alle, is the grettest. [verse 49] And Joon answeride and seide, Comaundoure, we sayn a man castynge out feendis in thi name, and we han forbedun hym, for he sueth not thee with vs. [verse 50] And Jhesus seide to hym, Nyle ȝe forbede, for he that is not aȝens vs, is for vs. [verse 51] And it was don, whanne the daies of his takyng vp weren fulfillid,
he settide [sette k.] faste his face, to go to Jeru|salem, [verse 52] and sente messangeris bifor his siȝt. And thei ȝeden, and entriden in to a citee of Samaritans, to make redi to hym. [verse 53] And thei resseyueden not hym, for the face `was of hym [of hym was A pr. m. IKS.] goynge in to Jerusalem. [verse 54] And whanne James and Joon, hise disciplis, seyn, thei seiden, Lord, wolt thou that we seien, that fier come doun fro heuene, and waste hem? [verse 55] And he turnede, and blamyde hem, and seide, Ȝe witen not, whos spiritis ȝe ben; [verse 56] for mannus sone cam not to leese men|nus soulis, but to saue. And thei wenten in to another castel. [verse 57] And it was don, whanne thei walkeden in the weie, a man seide to hym, Y schal sue thee, whidur euer thou go. [verse 58] And Jhesus seide to hym, Foxis han dennes, and briddis of the eir han nestis, but mannus sone hath not where he reste [shal reste X sec. m. k.] his heed. [verse 59] And he seide to another, Sue thou me. And he seide, Lord, suffre me first to go, and birie my fadir. [verse 60] And Jhesus seide to hym, Suffre that deede men birie hir deede men; but go thou, and telle the kyngdom of God. [verse 61] And another seide, Lord, Y schal sue thee, but first suffre me to leeue `alle thingis [al thing A pr. m.] that ben at hoom. [verse 62] And Jhesus seide to hym, No man that puttith his hoond to the plouȝ, and bi|holdynge bacward, is able to the rewme [kingdam K.] of God.