The Holy Bible, containing the Old and New Testaments, with the Apocryphal books,

CAP. IX.

[verse 1] And aftir sixe daies Jhesus took Petre, and James, and Joon, and ledde hem bi hem silf aloone in to an hiȝ [Om. R pr. m. k.] hille; and he was transfigurid bifor hem. [verse 2] And hise clothis weren maad ful schynynge and white as snow, whiche maner white clothis a fuller may not make on erthe. [verse 3] And Helie with Moises apperide to hem, and thei spaken with Jhesu. [verse 4] And Petre answeride, and seide to Jhesu, Maister, it is good vs [to vs E.] to be here; and [Om. A sec. m. I sec. m. b pr. m.] make we here thre tabernaclis, oon to thee, oon to Moyses, and oon to Helie. [verse 5] For he wiste not what he schulde seie; for thei weren agaste bi drede. [verse 6] And ther was maad a cloude overschadew|ynge hem; and a vois cam of [out of k.] the cloude, and seide, This is my moost derworth sone, here ȝe hym. [verse 7] And anoon thei bihelden aboute, and sayn no more ony man, but Jhesu oonli with hem. [verse 8] And whanne thei camen doun fro the hille, he comaundide hem, that thei schulden not telle to ony man tho thingis that thei hadden seen, but whanne mannus sone hath risun aȝen fro deeth. [verse 9] And thei helden the word at hem silf, sek|ynge what this schulde be, whanne he hadde risun aȝen fro deth. [verse 10] And thei axiden hym, and seiden, What thanne

seien Farisees and scribis, for [that X.] it bi|houeth `Helie to [that Elie k.] come first. [verse 11] And he answeride, and seide to hem, Whanne Helie cometh, he schal first restore alle thingis; and as it is writun of mannus sone, that he suffre many thingis, and be dispisid. [verse 12] And Y seie to ȝou, that Helie is comun, and thei diden to hym what euer thingis thei wolden, as it is writun of hym. [verse 13] And he comynge to hise disci|plis, saiȝ a greet cumpany aboute hem, and scribis disputynge with hem. [verse 14] And anoon al the puple seynge Jhesu, was astonyed, and thei dredden; and thei ren|nynge gretten hym. [verse 15] And he axide hem, What disputen [disputiden A pr. m.] ȝe among ȝou? [verse 16] And oon of the cumpany answerde, and seide, Mayster, Y haue brouȝt to thee my sone, that hath a doumbe spirit; [verse 17] and where euer he takith hym, he hurtlith [hurtith S. hurlith hi.] hym doun, and he [Om. k.] fometh [vometh IKQR. ether frotheth K marg.] , and betith togidir with teeth, and wex|ith drye. And Y seide to thi disciplis, that thei schulden caste hym out, and thei myȝten not. [verse 18] And he answeride to hem, and seide, A! thou generacioun out of bileue, hou longe schal Y be among ȝou, hou [and hou X sec. m.] longe schal Y suffre ȝou? Brynge ȝe hym to me. [verse 19] And thei brouȝten hym. And whanne he had seyn him, anoon the spirit troublide him; and was [he was EPQR pr. m. S sec. m. X C sec. m. α.] throw doun to grounde [the grounde e.] , and wale|wide, and fomede. [verse 20] And he axide his fadir, Hou longe `is it [it is IR pr. m.] , sith this `hath falle [hap fel EP. hath bifalle R.] to hym? And he seide, Fro child|hode; [verse 21] and ofte he hath put hym in to fier [the fyr EIPR.] , and in to watir, to [for to k.] leese hym; but if thou maiste [may i.] ony thing, helpe vs, and [Om. b pr. m. k.] haue merci on vs. [verse 22] And Jhesus seide to hym, If thou maiste bileue, alle thingis

ben possible to man [a man ghi.] that bileueth. [verse 23] And anoon the fadir of the child criede with teeris, and seide, Lord, Y bileue; Lord [Om. A sec. m.] , helpe thou [Om. C.] myn vnbileue [vnbileuefulnesse C sec. m. k.] . [verse 24] And whanne Jhesus hadde seyn the puple rennynge togidere, he manasside the vnclene spi|rit, and seide to hym, Thou deef and doumbe spirit, Y comaunde thee, go out fro hym, and entre no more in to hym. [verse 25] And he criynge, and myche to breidynge [debreiding be.] him, wente out fro hym; and he was maad as deed, so that many seiden, that he was deed. [verse 26] And Jhesus helde his hoond, and lifte hym vp; and he roos. [verse 27] And whanne he hadde entrid in to an hous, hise disciplis axiden hym priueli, Whi myȝten not we caste hym out? [verse 28] And he seide to hem, This kynde in no thing may go [be cast k.] out, but in preier [preiynge k.] and fastyng. [verse 29] And thei ȝeden fro thennus, and wente forth in to Galile; and thei wolden not, that ony man wiste. [verse 30] And he tauȝte hise disciplis, and seide to hem, For [Forsothe I pr. m.] mannus sone schal be bitrayed in to the hondis of men, and thei schulen sle hym, and he slayn schal ryse aȝen on the thridde day. [verse 31] And thei knewen not the word, and [and thei Ik.] dredden to axe hym. And thei camen to Cafarnaum. [verse 32] And whanne thei weren in the hous, he axide hem, What tretiden ȝe in the weie? [verse 33] And thei weren stille; for thei disput|iden among hem in the weie, who of hem schulde be grettest. [verse 34] And he sat, and clepide the twelue, and seide to hem, If ony man wole [wolde A pr. m. schal E.] be the firste among ȝou, he schal be the laste of alle, and the mynyster of alle. [verse 35] And he took a child, and sette [settide k.] hym in the myddil of hem; and whanne he hadde biclippid hym, he [verse 36] seide to hem, Who euer resseyueth oon

of such children in my name, he res|seyueth me; and who euer resseyueth me, he resseyueth not me aloone, but hym that sente me. [verse 37] Joon answeride to hym, and seide, Maister, we sayn oon castynge out feendis in thi name, which sueth not vs, and we han forbodun hym. [verse 38] And Jhesus seide, Nyle ȝe forbede him; for ther is no man that doith vertu in my name, and may soone speke yuel of me. [verse 39] He that is not aȝens vs, is for vs. [verse 40] And who euer ȝyueth ȝou [Om. P pr. m.] a cuppe of coold water to drynke in my name, for ȝe ben of Crist, treuli Y seie to ȝou, he schal not leese his mede. [verse 41] And who euer schal [Om. k.] sclaundre oon of these litle [Om. k.] that bileuen [bileeueth R.] in me, it were betere to hym that a mylne stoon `of assis [Om A pr. m. CEIPQUXb pr. m. ckα.] were don aboute his necke, and he were cast in to the see. [verse 42] And if thin hoond sclaun|dre thee, kitte it awey; it is betere to thee to entre feble in to lijf, than haue [to haue IPRhi.] two [twei EP. tweyne RX.] hondis, and go in to helle [hellis X.] , in to [verse 43] fier [the fyr RSbk.] that neuer schal be quenchid, where the worm of hem dieth not, and the fier is not quenchid. [verse 44] And if thi foote sclaundre thee, kitte it of; it is betere to thee to entre crokid in to euerlastynge lijf, than haue [to haue Ik.] twei feet, and be sent in to helle of fier, that neuer schal be [verse 45] quenchid, where the worme of hem dieth not, and the fier is not quenchid. [verse 46] That if thin iȝe sclaundre [sclaundrith Rbce.] thee, cast it out; it is betere to thee to entre gogil iȝed in to the reume of God, than haue [to l aue k sec. m.] twey iȝen, and be sent in to helle of fier, [verse 47] where the worme of hem dieth not, and the fier is not quenchid. [verse 48] And euery man schal be saltid with fier, and euery

slayn sacrifice schal be maad sauery with salt. [verse 49] Salt is good; if salt be vnsauery, in what thing schulen ȝe make it sauery? Haue ȝe salt among ȝou, and haue ȝe pees among ȝou.