The Holy Bible, containing the Old and New Testaments, with the Apocryphal books,

CAP. IV.

[verse 1] Thanne Jhesus was led [lad out S sec. m.] of a spirit in to desert, to be temptid of the feend. [verse 2] And whanne he hadde fastid fourti daies and fourti nyȝtis, aftirward he hungride. [verse 3] And the tempter cam nyȝ, and seide to hym, If thou art [be S.] Goddis sone, seie that thes stoones be maad looues. [verse 4] Which answer|ide, and seide to hym, It is writun, Not oonli in breed luyeth man [a man EIKPRgk pr. m. a.] , but in ech word that cometh [cometh forth S.] of Goddis mouth. [verse 5] Thanne the feend took hym in to the hooli citee, and settide hym on the py|nacle [verse 6] of the temple, and seide to hym, If thou art Goddis sone, sende thee adoun; for it is writun, That to hise aungels he comaundide of thee, and thei schulen take thee in hondis, lest perauenture thou hirte thi foot at a stoon. [verse 7] Eftsoone Jhesus seide to hym, It is writun, Thou shalt not tempte thi Lord God. [verse 8] Eftsoone the feend took hym in to a ful hiȝ hil, and schewide to hym alle the rewmes of the [verse 9] world, and the ioye of hem; and seide to hym, Alle these `Y schal [schal Y Ae.] ȝyue to thee, if thou falle doun and worschipe me. [verse 10] Thanne Jhesus seide to hym, Goo, Sa|thanas; for it is writun, Thou schalt worschipe thi Lord God, and to hym aloone thou shalt serue. [verse 11] Thanne the feend lafte hym; and lo! aungels camen nyȝ, and serueden to hym. [verse 12] But whanne Jhe|sus

hadde herd that Joon was takun, he wente in to Galilee. [verse 13] And he lefte the citee of Nazareth, and cam, and dwelte in the citee of Cafarnaum, biside the [Om. e.] see, in the coostis of Zabulon and [verse 14] Neptalym, that it shulde be fulfillid, that was seid by Ysaie, the profete, seiynge, [verse 15] The lond of Sabulon and the lond of Neptalym, the weie of the see ouer Jor|dan, [verse 16] of Galilee of hethen men, the puple that walkide in derknessis saye greet liȝt, and while men satten in the cuntre of shadewe of deth, liȝt aroos [roos K.] to hem. [verse 17] Fro that tyme Jhesus bigan to preche, and seie, Do ȝe penaunce, for the kyngdom of heuenes [heuene S.] schal come niȝ. [verse 18] And Jhe|sus walkide bisidis the see of Galilee, and saye twei britheren, Symount, that is clepid Petre, and Andrewe, his bro|thir, castynge nettis in to the see; for thei weren fischeris. [verse 19] And he seide to hem, Come ȝe aftir me, and Y shal make ȝou to be maad [Om. C.] fisscheris of men. [verse 20] And anoon thei leften the nettis, and sueden hym. [verse 21] And he ȝede forth fro that place, and saie tweyne othere britheren, James of Zebede, and Joon, his brother, in a schip with Zebede, her fadir, amendynge her nettis, and he clepide hem. [verse 22] And anoon thei leften the [her A.] nettis and the fadir, and sueden hym. [verse 23] And Jhesus ȝede aboute al Galilee, techynge in the synagogis of hem, and prechynge the gospel of the kyngdom, and heelynge euery languor and eche sekenesse among the puple. [verse 24] And his fame wente in to al Sirie; and thei brouȝten to hym alle that weren at male ese, and that weren take with dyuerse languores and tur|mentis, and hem that hadden feendis, and lunatike men, and men in palesy, and he heelide hem. [verse 25] And ther sueden

hym myche puple of Galile, and of De|capoli, and of Jerusalem, and of Judee, and of biȝende Jordan.