The Holy Bible, containing the Old and New Testaments, with the Apocryphal books,

CAP. V.

[verse 1] And it was don, as hethene men herden in cumpas, that the auter was bildid, and the seyntuarie as bifore, thei weren wroth greetli. [verse 2] And thei thouȝten for to do awei, `ether distrie [Om. R.] , the kyn of Jacob, that was among hem; and thei bigunnen for to sle of the puple, and pursue. [verse 3] And Judas ouercam the sones of Esau in Ydume, and hem that weren in Arabathane, for thei saten aboute men of Israel; and he smoot hem with a greet wounde. [verse 4] And he thouȝte on the malice of sones [the sones FR.] of Bean, that weren in to gnare [snare IR.] , and in to sclaundre to the puple of Israel, and aspieden it, `ether settiden [ether setten F. Om. R.] `buysche|mentis to it [Om. R.] , in the weie. [verse 5] And thes [thei A pr. m. e.] weren closid togidere fro hym in [in to F.] the [Om. R.] touris; and he appliede to hem, and curs|ide hem, and brente with fier the touris of hem, with alle men that weren in hem. [verse 6] And he passide to the sones of Amon, and foond strong hond, and plenteuouse

puple, and Tymothe, duyk of hem. [verse 7] And he smoot many batels with hem, and thei weren [weren also R.] brokun in siȝt [the siȝt IR.] of hym; and he smoot hem. [verse 8] And he took the citee Jaser, and vilages therof; and he turnede aȝen in to Judee. [verse 9] And hethene men that weren in Galaad, weren gaderid aȝens Israel|itis, that weren in [in the I.] coostis of hem, for [Om. A.] to do awei hem; and thei fledden in to the strengthing of Datheman. [verse 10] And thei senten lettris to Judas, and hise britheren, and seiden, Hethene men ben gaderid aȝens vs [verse 11] bi cumpas, that thei do awei vs; and thei maken redi for to come, and ocupie the strengthing, in to which we [thei N.] fledden; and Tymothe is duyk of the oost of hem. [verse 12] Now therfor come thou, and delyuere vs fro her hondis, for a multitude of vs felle [verse 13] doun; and alle oure britheren that weren in places of Tubyn, euerywhere ben slayn; and thei ledden awei caitif the wyues of hem, and children, and token spuylis, and killiden there almeste a thousynde men. [verse 14] And ȝit epistlis weren rad, and lo! othere messangeris camen fro Galile, with cootis [verse 15] to-rent, and telden bi these wordis, and seiden, that men camen togidere aȝens hem fro [and N.] Tolomaida, and Tire, and Sidon, and al Galile is fillid with aliens, for to distrie vs. [verse 16] Sotheli as Judas herde, and the puple, these wordis, a greet chirche cam togidere, for to thenke what thei schulden do to her britheren, that weren in tribulacioun, and weren ouer comun of hem. [verse 17] And Judas seide to Symount, his brother, Chese to thee men, and go, and delyuere thi britheren in Galile; Y for|sothe and my brother Jonathas schulen go in to Galatithym. [verse 18] And he lefte Josa|fus, sone of Sacarie, and Azarie, duykis of the puple, with the residue oost in Judee [verse 19] to kepyng; and comaundide to hem, and seide, Be ȝe souereyns to this puple, and nyle ȝe smyte batel aȝens hethene men, til we turnen aȝen. [verse 20] And men weren ȝouun to Simount thre thousyndis, for to go in

to Galile; to Judas sotheli eiȝte thou|synde, in [to go in I marg.] to Galatithym. [verse 21] And Symount wente in to Galile, and ioynede many batels with hethene men. And hethene men weren al to-brokun fro his face, and [verse 22] he pursuede hem til [til to CEFHKMQRSUY. to I.] the ȝate of Tolo|maida. And there fellen doun of hethene [verse 23] men almest thre thousynde [thousandis N.] of men; and he took the spuylis of hem. And he took hem that weren in Galile, and in Arba|this, with wyues, and children, and alle thingis that weren to hem; and brouȝte in to Judee with greet gladnesse. [verse 24] And Judas Machabeis, and Jonathas, and hise britheren passiden Jordan, and wenten forth the weie of thre daies in to desert. [verse 25] And Nabutheis camen aȝens hem, and resseyueden hem [Om. N.] pesibli, and telden to hem alle thingis that bifellen to her bri|theren [verse 26] in Galadithym; and that manye of hem weren takun in Barasa, and Bosor, and in Alymys, and in Casphor, and Mathet, and Carnaym; alle these were strong citees and grete. [verse 27] But and in othere citees of Galatithis thei ben holdun cauȝt. And on the morewe thei ordeyneden for to moue oost [the oost I.] to tho citees, and for to take, and do awei hem in o dai. [verse 28] And Judas turnede, and his oost, the weie in to desert of Bosor sudenli; and ocupiede the citee, and slow ech male bi the scharpnesse of swerd, and took alle the spuylis of hem, and brente it with fier. [verse 29] And thei risiden [resin EPY. risen F.] thennus in nyȝt, and wenten `til to [vnto I.] the [Om. N.] strengthing. [verse 30] And it was maad in spryng|ing of dai, whanne thei reisiden her iȝen, and lo! myche puple, of whom was no noumbre, berynge laddris and engynes, for to take the strengthing, and ouer come hem. [verse 31] And Judas siȝ, that batel bigan, and crie of batel stiede in to he|uene, as trumpe, and greet cry of citee. [verse 32] And he seide to his oost, Fiȝte ȝe to dai for ȝoure [oure F.] britheren. [verse 33] And he cam, and thre ordris after hem, and thei crieden

with trumpis, and crieden in preier. [verse 34] And oostis of Thymothe knewen, that it was Machabeus, and thei fledden fro his face. And thei han smytun hem with greet wounde; and there fellen doun of hem in that dai almest eiȝte thousynde of men. [verse 35] And Judas turnede awei in to Maspha; and ouercam and took it, and slow ech male therof, and took spuylis of it, and brente it with fier. [verse 36] Fro thennus he wente, and took Casbon, and Mageth, and Bosor, and othere citees of Galathite. [verse 37] Forsothe [Sotheli ceteri.] after these wordis Thymothe gaderide an other oost, and puttide tentis aȝens Ra|phon, ouer the streem. [verse 38] And Judas sente for to biholde the oost, and thei telden aȝen to hym, and seide, That [Om. R.] alle hethene men that ben in oure cumpas, ful myche oost, camen togidere to hym. [verse 39] And thei hiriden Arabiens in to help to him [hem R.] , and thei han set tentis ouer the streem [streem of Arabiens R.] , and ben redi for to come to thee in to batel. And Judas wente aȝens hem. [verse 40] And Ty|mothe seide to princes [the princis IR.] of his oost, Whanne Judas neiȝeth, and his oost, to the streem of water, if he passith formere to vs [if he passith, etc.; this Ty|mothe was a witche, and bi this dede he dyuynyd bi witchecraft of his victorie aȝens Judas, either aȝen|ward. Lire here. KQU.] , we schulen not mowe abide hym, for he miȝti schal mowe aȝens vs. [verse 41] Sotheli if he dredith for to passe, and settith [sette R.] tentis biȝende the flood, passe we ouer to hem, and we schulen mowe aȝens hym. [verse 42] Forsothe as Judas neiȝede to the streem of water, he ordeynede scribis [writeris C.] , `ether writeris [Om. CR. or writeris EPY.] of the puple, bisidis the streem, and comaundide to hem, and seide, Leeue ȝe noon of men, but come [come ȝe R.] alle in to batel. [verse 43] And he the formere passide ouer to hem, and al the puple after hym. And alle these hethene men weren brokun [al tc-broken R.] fro the face of hem, and thei castiden awei her armeris; and thei fledden to the temple, that was at Carnaym. [verse 44] And Judas ocupiede `the ilke [thilke plures.] citee, and brente the temple with fier, with alle that weren in it; and Carnaym was oppressid, and miȝte not abide aȝens

the face of Judas. [verse 45] And Judas gaderide alle Israelitis that weren in Galadithes, fro the leeste to [til to R.] the moste, and wyues of hem, and children, and ful [a ful CEFGHIKMNPQRSU sec. m. Xe.] greet oost, that thei schulden come in to the lond of Judee. [verse 46] And thei camen til to Efron, and this greet citee put in the entre was ful strong; and ther was not for to bowe awei fro it, in riȝt half or left [left half R.] , but the weie was thorou the myddil. [verse 47] And thei that weren in the citee closiden in hem, and stoppiden the ȝatis with stoonys. And Judas sente to hem with pesible wordis, [verse 48] and seide, Passe we bi ȝoure lond, for to go in to oure lond, and no man schal anoie ȝou, oneli on feet we schulen go. And thei wolden not opene to hem. [verse 49] And Judas comaundide for to preche in tentis, `ether oost [Om. R.] , that ech man schulde applie [asaile C.] , `that is, asaile the citee [Om. CR.] , in what place he was. [verse 50] And men of vertu applieden hem, and he fauȝt aȝens that citee al dai and al niȝt, and the citee was bitakun in his hond. [verse 51] And thei slowen ech `knaue child [male ER. male, ether knaue child C et ceteri.] bi the scharpnesse of swerd, and drow vp bi the rootis it, and took the spuylis therof, and passide bi al the citee on the slayn men. [verse 52] And thei passiden ouer Jor|dan, in the greet feeld aȝens the face of Bethsan. [verse 53] And Judas was gaderynge the laste men, and monestide the puple bi al the weie, til thei camen in to the lond of Juda. [verse 54] And thei stieden [stieden up I.] in to the hil of [Om. R.] Sion with gladnesse and ioie, and offriden brent sacrifices, that no man of hem `was deed [fel doun R. felde [fel EF MPY] doun, ether [or EPY] was deed C et ceteri.] , til thei turneden aȝen in pees. [verse 55] And in the daies in whiche Judas was, and Jonathas, in the lond of Galaad, and Sy|mount, his brother, in Galilee, aȝens the [verse 56] face of Tholomaida, Josofus, sone of Za|carie, herde, and Azarias, prince of vertu, the thingis doon wel, and batels that weren maad. [verse 57] And he seide, Make we [Om. R.] also a name to vs, and go we for to fiȝte aȝens hethene men, that ben in oure cumpas.

[verse 58] And he comaundide to these that weren in his oost, and thei wenten forth to Jam|nyan. [verse 59] And Gorgias wente out of the citee, and hise men, aȝens hem, in to fiȝt. [verse 60] And Josofus and Azarias weren dryuun `til to [into I. vnto R.] the [Om. R.] endis of Judee; and ther fellen doun in that dai of the puple of Israel, men to twei thousyndis. And a [verse 61] greet wounde was maad in the puple; for thei herden not Judas and hise britheren, and gessiden hem to do strongli. [verse 62] Forsothe thei weren not of the seed of tho men, bi whiche helthe was maad in Israel. [verse 63] And men of Juda weren magnefied greetli in the [Om. ceteri.] siȝt of al Israel, and of alle hethene men, where the name of hem was herd. [verse 64] And thei camen togidere, criynge to hem `prosperite, ether [Om. R.] preisyngis. [verse 65] And Judas wente out, and his britheren, and ouer|camen the sones of Esau, in the lond that is at the south; and he smoot Chebron, and vilagis [the douȝtris R.] therof, and distriede `the wardyngis therof, and wallis therof [the wallis therof R. the wardingis therof U.] , and brente [brenten therof F.] in [with I.] fier touris therof [Om. F.] in cumpas. [verse 66] And he mouede tentis, for to go in to the lond of aliens; and wente thorou Samarie. [verse 67] In that dai prestis fellen doun in batel, while thei wolden do strongli, while with out counsel thei wenten out in to batel. [verse 68] And Judas bowide awei in to Asotus, in the lond of aliens, and distriede auteris of hem, and brenten in fier the spuylis of her goddis [goodis EHR. godis F.] , and took preies of citees; and turnede aȝen in to the lond of Juda.