The Holy Bible, containing the Old and New Testaments, with the Apocryphal books,

CAP. XIII.

[verse 1] And as Symount herde, that Trifon gaderide a greet oost, for to come in to [verse 2] the lond of Juda, and for to distrie it, and siȝ that the puple was in tremblyng and drede, he stiȝ vp to [into F.] Jerusalem, and ga|deride [verse 3] the puple; and monestide, and seide, Ȝe witen, hou grete thingis Y, and my britheren, and the [Om. R.] hous of my fadir, han do, for lawis, and for hooli thingis, batels, and what maner angwischis we saien. [verse 4] For loue of these thingis alle my britheren perischiden for Israel, and Y aloone am left. [verse 5] And now bifalle it not to me, for to spare my lijf in al the tyme of tribulacioun; for Y am not [no R.] betere than my britheren. [verse 6] Therfor Y schal venge my folc, and hooli thingis, and oure [Om. R.] children, and wyues; for alle he|thene men ben gaderid, for to distrie vs, bi cause of enemyte. [verse 7] And the spirit of the puple was kyndlid togidere, as it herde these wordis. [verse 8] And thei answeriden with greet vois, seiynge, Thou art oure duyk

in stide of Judas, and Jonathas, thi bro|ther; [verse 9] fiȝte thou oure batel, and alle thingis what euere thou schalt seie to vs, we schulen do. [verse 10] And he gaderide alle men fiȝteris, and hastide for to ende alle wallis [the wallis I.] of Jerusalem, and strengthide it in cumpas. [verse 11] And he sente Jonathas, the sone of Absolomy, and with hym a newe oost, in to Joppe. And whanne he hadde put out these men that weren in it, he dwelte there. [verse 12] And Trifon mouyde fro Tolomaida with myche oost, for to come in to the lond of Juda, and Jonathas with hym in kepyng. [verse 13] Forsothe Symount appliede in Addus, aȝens the face of the feeld. [verse 14] And as Trifon knew, that Symount roos in the stide of his brother Jonathas, and that [Om. R.] he was to ioynynge batel [batels I.] with hym, he sente [verse 15] to hym legatis, and seide, For siluer, that thi brother Jonatas ouȝte in acountis [resoun C et ceteri.] of the kyng, we withhelden hym. [verse 16] And nowe sende thou an hundrid talentis of siluer, and hise twei sones pleggis, that he not dismyttid fle fro vs, and we schulen aȝen|sende hym. [verse 17] And Symount knew, that with gile he spak with hym. Netheles he comaundide the siluer for to be ȝouun, and children, leste he schulde take grete enemytee at [of R.] the puple [children R.] of Israel, seiynge, [verse 18] For he sente not to hym siluer and chil|dren, therfor he perischide. [verse 19] And he sente the children, and an hundrid talentis. And he liede, and dismyttide not Jonathas. [verse 20] And after these thingis Trifon cam with ynne the cuntre, for to distrie it. And thei cumpassiden bi the weie that ledith to Ador; and Symount and his oost walk|iden in to ech place, whidur euere thei wenten. [verse 21] Sotheli thei that weren in the hiȝ tour, senten legatis [messangeris C. legatis, either messangers FGHIMNPQSUXYe.] to Trifon, for to haste to come bi desert, and sende to hem foodis. [verse 22] And Trifon made redi al the multitude of horse men, for to come in that nyȝt. Sotheli ther was ful myche

snow, and he cam not in to Galadithym. [verse 23] And whanne he neiȝede to Baschama, he slow Jonathas and hise sones there. [verse 24] And Trifon turnede, and wente in to his lond. [verse 25] And Symount sente, and took the boonus of Jonathas, his brother, and biride tho in Modyn, the citee of hise fadris. [verse 26] And al Israel biweiliden hym with greet weilyng, and thei bymourenyde hym many daies. [verse 27] And Symount bildide on the sepulcre of his fadir and hise [of hise R.] britheren an hiȝ bild|yng in siȝt [the siȝt I.] , with stoon polischid [polischid, or [either G] faire diȝt CEFGHIKMNPQUXYe. polyshid, or fair adiȝt S.] bihynde and bifore. [verse 28] And he ordeynede seuene smale bildyngis, brood bynethe and scharp aboue, oon aȝens oon, to fadir, and modir, and foure britheren. [verse 29] And to these he puttide aboute grete pilers, and on the pileris armeris, to euerlastynge mynde; and bisidis armeris schippis grauun, whiche schulden be seyn of men seilynge in the see. [verse 30] This is the sepulcre that Symount maad in Modyn, til in to this day. [verse 31] For|sothe whanne Trifon made weie with An|tiok, the [Om. R.] ȝonge kyng, in gile he slow [verse 32] hym, and regnyde in his stide; and put|tide on hym the diademe of Asie, and made greet veniaunce in the lond. [verse 33] And Symount bildide strengthis of Judee, and wardide hem with hiȝ touris, and grete wallis, and ȝatis, and lockis; and puttide foodis in strengthingis. [verse 34] And Symount chees men, and sente to kyng Demetrie, that he schulde make remyssioun to the cuntree, for alle dedis of Trifon weren don bi rauyschyng. [verse 35] And kyng Demetrie answeride to hym to these wordis, and wroot suche epistle [a pistle F.] . [verse 36] Kyng Demetrie to Symount, hiȝeste prest, and frend of kyngis, and to the eldere men, and folc of Jewis, heelthe. [verse 37] We resseyueden the goldun coroun, and baheu [baseu GMNSX.] [baheu is an ournement of the necke, made of gold ryngis. Lire here. AEIK PUY.] , which ȝe senten, and ben redi for to make with ȝou greet pees, and for to write to pre|postis of the kyng, for to releesse to ȝou

[verse 38] what thingis we forȝauen; for what euere thingis we ordeynen [ordeyneden I.] to ȝou, ben stable. The strengthis that ȝe bildiden, be to ȝou; [verse 39] and we forgyuen ignorances and synnes, til in to this dai, and the coroun that ȝe ouȝten; and if ony other thing was tri|butarie [tributarie, ether boundun to tribute CFGHIKMNPQSUXe.] in Jerusalem, now be it not tri|butarie. [verse 40] And if ony of ȝou ben able for to be writun togidere among oure men, be thei writun togidere, and pees be bitwixe vs [ȝou R.] . [verse 41] In the hundrid ȝeer and seuentithe [seuenti ȝeer R.] , the ȝok of hethene men was takun awei fro Israel. [verse 42] And the puple began for [Om. R.] to write in tablis, and comyn doyngis, in the firste ȝeer vndur Symount, hiȝeste prest, greet duyk, and prince of Jewis. [verse 43] In tho daies Symount appliede to Gasan, and enuyrownyde it with tentis [tentis, ether men of armeris C. tentis, either men of armes FGHKMNQSUXe.] , and made engines, and appliede to the citee, and smoot o tour, and took it. [verse 44] And thei that braken out, weren with ynne the engyne [that is, fled|den to sum strong hold of the citee, which strong hold was clepid so. Lire here. U.] in the cite, and greet stiryng was maad in the cite. [verse 45] And thei stieden vp, that weren in the cite, with her wyues, and sones [her sones R.] , on the wal, with her cootis kit, and crieden with greet vois axynge of Symount that [verse 46] riȝthondis be ȝouun to hem, and seiden, Ȝelde thou not to vs bi oure malices, but bi thi mercies, and we schulen serue to thee. [verse 47] And Symount was bowid [bowid, either folden FGHIMNQSUXe.] , and fauȝt [that is, kill|ide not hem. Lire here. U.] not aȝens hem; netheles he castide hem out of the citee, and clenside fulli the housis in whiche weren symylacris, and thanne he entride in to it with ympnes, and blesside the Lord. [verse 48] And whanne alle vnclennesse [vnclennessis R.] was caste out therof, he set|tide therynne men, that schulden do the lawe; and he strengthide it, and made an abitacioun to him. [verse 49] Forsothe thei that weren in the hiȝ tour of Jerusalem, weren forbodun for to go out and go yn, in to the cuntre, and bie, and sille; and thei hungriden greetli, and many of hem pe|rischiden for hungur. [verse 50] And thei crieden

to Symount, for to take riȝt hondis, and he ȝaf to hem; and he castide out hem fro thennus, and clenside the hiȝ tour fro defoulingis. [verse 51] And thei entriden in to it in thre [the thre R.] and twentithe dai of the secounde monethe, in the hundrid and oon and seuenty ȝeer, with heriyng, and braunchis of palmes, and instrumentis of musik, `ether giternys [Om. R.] , and cymbalis, and harpis, and ympnys, and songis, for the greet ene|mye of Israel was al to-brokun. [verse 52] And he ordeynede, that in alle ȝeeris these daies schulden be don with gladnesse. [verse 53] And he strengthide the hil of the temple, that was bisidis the hiȝ tour, and dwelte there, he, and thei that weren with hym. [verse 54] And Symount siȝ Joon, his sone, that he was a man of batel, and he puttide hym duyk of alle vertues [that is, wer|riouris. Lire here. AEINPUY.] , and he dwelte in Gasaris.