The Holy Bible, containing the Old and New Testaments, with the Apocryphal books,

CAP. XI.

[verse 1] And the kyng of Egipt gaderide an oost, as grauel that is aboute the brynke of the see, and many schippis; and souȝte for to welde the rewme of Alisaundre in gile, and adde it to his rewme. [verse 2] And he wente out in to Sirie with pesible wordis, and thei openyden to hym citees, and camen to hym; for whi kyng Alisaundre comaundide for to go out aȝens him, for he was fadir of the kyngis wijf. [verse 3] Sotheli whanne Tolome entride in to a [the I.] citee, he puttide kepyngis of kniȝtis in ech citee. [verse 4] And as he neiȝede to Azotus, thei schew|iden to hym the temple of Dagon brent in [bi GN.] fier, and Azotus, and othere thingis therof distried [weren distried I.] , and bodies cast forth, and the biriels of hem that weren slayn in batel, whiche thei maden bisidis the weie.

[verse 5] And thei telden to the kyng, that Jona|thas dide these thingis, for to make enuye to hym; and the kyng was stille. [verse 6] And Jonathas cam to the kyng with glorie in to Joppen, and thei gretten hem togidere; and thei slepten there. [verse 7] And Jonathas wente with the king til to the flood that is clepid Eleutherus, and turnede aȝen in to Jerusalem. [verse 8] Sotheli kyng Tolome weld|ide the lordschip of citees til to Seleuce, bi the eest [see R.] coost, and thouȝte aȝens Ali|saundre [verse 9] yuel counsels; and sente legatis to Demetrie, and seide, Come thou, make we bitwixe vs couenaunt, and Y schal ȝyue to thee my douȝter, whom Alisaundre hath, and thou schalt regne in rewme [the rewme IR.] of thi fadir. [verse 10] For it rewith me, that Y ȝaf to hym my douȝter; for he souȝte for to sle me. [verse 11] And he dispiside him therfor, for he coueitide the rewme of hym. [verse 12] And [Om. N.] he took a wey his douȝter, and ȝaf hir to Demetrie, and alienyde hym fro Alisaun|dre; and hise enemytees weren maad knowun. [verse 13] And Tolome entride in to An|tiochie, and puttide twei diademys to his heed, of Egipt and of Asie. [verse 14] Forsothe Alisaundre, the kyng, was in Cilice in tho tymes [daies I.] , for thei rebelliden, that weren in tho places. [verse 15] And Alisaundre herde, and cam to hym in to batel; and Tolome, kyng [the kyng I.] , brouȝt forth oost [the oost I.] , and cam to hym in strong hond [oost I.] , and droof hym [hym awei IR.] . [verse 16] And Alisaundre flei in to Arabie, for to be defendid there; sotheli kyng Tolome was enhaunsid. [verse 17] And Gadiel of Arabie took awei Alisaundris heed, and sente to To|lome. [verse 18] And kyng Tolome was deed in the thridde dai; and thei that weren in strengthis perischiden, of hem that weren with ynne the castels. [verse 19] And Demetrie regnede in the hundrid ȝeer and seuene and sixtithe. [verse 20] In tho daies Jonathas ga|deride hem that weren in Judee, for to ouercome the hiȝ tour, that is in Jerusa|lem; and thei maden aȝens it many en|gynes. [verse 21] And summe wickid men, that

hatiden her folc, wenten to the kyng De|metrie, and telden to hym, that Jonathas bisegide the hiȝ tour. [verse 22] And as he herde, he was wroth, and anoon he cam to Tolo|maida, and wroot to Jonathas, that he schulde not bisege the hiȝ tour, but schulde come to hym in haaste, to speke togidere. [verse 23] Sotheli as Jonathas herde, he comaundide for to bisege; and he chees of the eldere men of Israel, and of [Om. A pr. m.] prestis, and ȝaf hym to perel. [verse 24] And he took gold, and siluer, and cloth, and many other presentis; and wente to the kyng, to To|lomaida, and foond grace in the siȝt of hym. [verse 25] And summe wickid men of his folc [verse 26] axiden aȝens hym; `and the kyng dide to him [Om. A et omnes præter R.] , as thei that weren bifore hym, diden to hym; and he enhaunside [hauncide F.] him in [verse 27] siȝt of alle his frendis, and ordeynede to hym prinsehod of presthod, and what euere othere preciouse thingis he hadde bifore; and made hym prince of hise frendis. [verse 28] And Jonatas axide of the kyng, that he schulde make Judee fre, and thre prinshedis of thre places, and Samarie and niȝ coostis therof; and he bihiȝte to hym thre hundrid talentis. [verse 29] And the kyng con|sentide, and wroot to Jonatas epistles of alle these thingis, conteynynge this ma|ner. [verse 30] Kyng Demetrie to Jonathas, brother, heelthe, and to the folc of Jewis. [verse 31] The en|saumple of epistle [pistle Fe.] , which we han writun to Lascheny, oure fadir, of ȝou, we senten to ȝou, that ȝe schulden wite. [verse 32] Kyng Demetrie to Lascheny, fadur, heelthe. [verse 33] To the puple of Jewis, oure frendis, and kep|ynge whiche thingis ben iust anentis vs, we demyden for to do wel, for benygnyte of hem that thei han anentis vs. [verse 34] Therfor we ordeynen [ordeyneden R.] to hem, alle the coostis of Judee, and thre citees of offryngis, Liddea, and Ramatha, and Faseron, that ben addid to Judee, and Samarie, and alle the niȝ coostis of hem, for to be departid [se|questrid R. sequestrid, ether [or EPY] departid C et ceteri.] to alle men doynge sacrifice in Jerusalem, for these thingis that the kyng took bifore

of hem bi alle ȝeeris, and for fruytis of the [Om. R.] erthe, and of [Om. A pr. m.] applis. [verse 35] And other [of othere F.] thingis that perteyneden to vs, of tithis, and tributis, fro this tyme we forȝyuen to hem; and the pleyn places of salt makyng, and the corouns that weren borun to vs, [verse 36] alle thingis we graunten to hem; and no thing of these schal be voide, fro this [this tyme I.] and in to al tyme. [verse 37] Now therfor bisie ȝe for to make ensaumple of these thingis, and be it ȝouun to Jonathas, and be put in the holi mount, and in the solempne place. [verse 38] And kyng Demetrie siȝ, that the lond was stille in his siȝt, and that no thing aȝen|stood hym, and lefte al [Om. R.] his oost, ech man in to [Om. A pr. m.] his place, outakun the straunge oost, that he drow fro ilis of hethene men; and alle the oostis of his fadris weren enemyes to hym. [verse 39] Forsothe oon [sum A pr. m. CEF pr. m. HPRYe.] Trifon was of the partis of Alisaundre bifore, and he siȝ that al the oost grutchide aȝens Demetrie; and he wente to Machuel Arabian, that nursch|ide Antiok, the sone of Alisaundre. [verse 40] And he maad greet instaunce to hym, that he schulde bitake him to hym, for to regne in stide of his fadir; and telde out to hym, hou grete thingis Demetrie hadde don, and the enemytees of his oostis aȝens hym; and he dwelte there many daies. [verse 41] And Jonathas sente to kyng Demetrie, that he schulde caste out hem, that weren in the hiȝ tour in Jerusalem, and whiche weren in strengthis [helpis R. helpis, ether [or EPY] strengthis C et ceteri.] , for thei inpugnyden Israel. [verse 42] And Demetrie sente to Jonatas, and seide, Not oneli this Y schal do to thee, and thi folc, but Y schal make thee noble bi glorie, and thi folc, whanne it schal be couenable. [verse 43] Now therfor riȝtli thou schalt do, if thou schalt sende men in to help to me, for al myn oost wente awei. [verse 44] And Jonathas sente to hym thre thousynde of stronge men, to Antiochie; and thei camen to the kyng, and the kyng delitide in the comyng of hem. [verse 45] And there camen togi|dere that weren of the citee sixe score thousynde of men, and wolden sle the

kyng. [verse 46] And the kyng fledde in to the halle. And thei that weren of the citee ocupieden the weies of the citee, and bi|gunnen for to fiȝte. [verse 47] And the kyng clepide Jewis in to help, and alle camen togidere to hym, and alle weren scaterid bi the [verse 48] citee; and slowen in that dai an hundrid thousynde of men, and brenten the citee, and token many spuylis in that dai, and delyueriden the kyng. [verse 49] And thei siȝen, that weren of the citee, that Jewis hadden take the citee as thei wolden; and thei weren maad vnstidefast in her soule, and crieden to the king with preieris, and [verse 50] seiden, Ȝyue to vs riȝthondis, and ceesse the Jewis for to fiȝte aȝens vs and the citee. [verse 51] And thei castiden awei her armeris, and maden pees. And Jewis weren glo|rified in the siȝt of the kyng, and in the siȝt of alle men that weren in his rewme, and weren named in the [his F.] rewme. And thei wenten aȝen in to Jerusalem, hauynge many spuylis. [verse 52] And kyng Demetrie sat [sittith R.] in seete [the seete IR.] of his rewme, and the lond was stille in his siȝt. [verse 53] And he liede alle thingis, what euere [euer thinges R.] he seide, and alienyde hym fro Jonathas, and ȝeldide not to hym bi beneficis, whiche he hadde ȝouun to hym; and Demetrie trauelide hym greetli. [verse 54] Aftir these thingis Trifon turnede aȝen, and Antiok, a ȝong child, with hym; and regn|ede, and puttide on hym a diademe. [verse 55] And alle oostis weren gaderid to him, whiche kyng Demetrie scateride; and thei fouȝten aȝens hym, and he flei, and turnyde backis. [verse 56] And Trifon took beestis [that is, oli|fauntis of the oost of Deme|trie. e.] , and weldide Antiochie. [verse 57] And Antiok the ȝonge wroot to Jonatas, and seide, Y ordeyne to thee presthod, and Y ordeyne thee on foure citees, that thou be of the kyngis frendis. [verse 58] And he sente to hym goldun vessels, in to mynysterie, and ȝaf [I ȝaf I.] to hym power to [for to C.] drynk in gold, and for to be in purpur, and for to haue a goldun lace, `ether nouche [Om. EPRY.] . [verse 59] And he ordeynede Symount, his brother, duyk fro the endis of Tirie

til to the endis of Egipt. [verse 60] And Jonathas wente out, and walkide ouer the flood bi citees; and al the oost of Sirie was ga|derid to hym in to help. And he cam to Ascalon, and thei of the citee camen aȝens hym worschipfuli. [verse 61] And [Om. A pr. m. GIKMNQSX.] fro thennus he wente `in to [to R.] Gasa, and thei that weren at Gasa closiden hem togidere, and he biseg|ide it. And he brente what thingis weren in cumpas of the citee, and spuylide it bi prey. [verse 62] And men of Gasa preyeden Jona|tas, and he ȝaf to hem riȝt hond [hondis C.] , `ether pees [Om. R.] . And he took the sones of hem in ostage [pleggis CEKPXY. pleggis, either in ostage FGHIMNQSUe.] , and he sente hem in to Jerusalem, and walkide thorou the cuntre til to Da|mask. [verse 63] And Jonathas herde, that the princes of Demetrie trespassiden in Cades, that is in Galilee, with myche oost, will|ynge for [Om. NR.] to remoue him [hem A.] fro nede of the rewme; and he cam aȝens hem [him A sec. m.] . [verse 64] Forsothe he lefte Symount, his brother, withynne the prouynce. [verse 65] And Symount appliede to Bethsura, and fauȝt aȝens it many daies, and closide togidere hem. [verse 66] And thei ax|iden of hym for to take riȝthondis, and he ȝaf to hem. And he castide out hem fro thennus, and took the citee, and puttide ther ynne strengthe [help R. help, ether [or EPY] strengthe E et ceteri præter C.] . [verse 67] And Jonathas and his tentis [oost C.] , `ether oost [Om. CR.] , applieden to the water of Genasar, and bifor the liȝt thei walkiden [wakiden R.] in the liȝt of Asor. [verse 68] And lo! the [Om. R.] tentis [oostis C.] , `ether oostis [Om. CEIR.] , of aliens camen aȝens in the feeld, and settiden to him aspies [aspies, either disseitis FGHIMNPQSUX.] in the [her I.] hillis. Sotheli he cam aȝens of the contrarie part. [verse 69] Sotheli the [Om. R.] aspies [buschementis C. aspies, ether [or EPY] bushementis E et plures.] risiden [resin EFPY.] vp of her places, and ioyneden batel. [verse 70] And alle that weren of Jo|nathas part fledden, and no man of hem was left, no but Matathias, sone of Absa|lomy [Salomy R.] , and Judas, sone of Calphi, prince of knyȝthod and oost. [verse 71] And Jonathas to|rente hise clothingis, and puttide erthe

in his heed, and preiede. [verse 72] And Jonathas turnede aȝen to hem in to batel, and togi|dere turnyde hem in to fliȝt, and fouȝten. [verse 73] And thei of his part that fledden sayn [saien FI.] , and thei turnyden aȝen to hym, and pur|sueden with hym til to Cades, to her tentis, and fulli camen til thidur. [verse 74] And ther felden doun in that dai of aliens thre thousynde of men, and Jonathas turnede aȝen in to Jerusalem.