The Holy Bible, containing the Old and New Testaments, with the Apocryphal books,

[Here bigynneth Aggey [Here biginnyth the book of Aggei, profete. E. Here biginnith Aggei, profete. PY. No initial rubric in the other Mss.] .] CAP. I.

[verse 1] IN the secounde ȝeer of Darius, kyng of Persis, in the sixte monethe, in the firste dai of the monethe, the word of the Lord was maad in the hond of Aggey, profete, to Sorobabel, sone of Salatiel, duyk of Juda, and to Jhesu, the greet preest, sone [verse 2] of Josedech, and seide, The Lord of oostis seith these thingis, and spekith, This pu|ple seith, Ȝit cometh not the tyme of the hous of the Lord to be bildid. [verse 3] And the word of the Lord was maad in the [Om. HINRUX pr. m.] hond [verse 4] of Aggei, profete [the prophete I.] , and seide, Whether [Wher ceteri.] it is tyme to ȝou, that ȝe dwelle in housis couplid with tymbir, and this hous be for|sakun [desert, ether forsakun CEFGHIKMNPQRUXY. desert, ether desolacioun S.] ? [verse 5] And now the Lord of oostis seith these thingis, Putte ȝe ȝoure hertis on ȝoure weies. [verse 6] Ȝe han sowe myche, and brouȝte in litil; ȝe han etun, and ben [ȝe ben ceteri.] not fillid; ȝe han drunke, and ȝe ben not ful of drynk; ȝe hiliden ȝou, and ȝe ben not maad hoote; and he that gaderide hiris, sente tho in to a sak holid, ether brokun. [verse 7] The Lord of oostis seith these thingis, Putte ȝe ȝoure hertis on ȝoure weies. [verse 8] Stie ȝe vp in to the munteyn, bere ȝe trees, and bilde ȝe an hous; and it schal be acceptable to me, and Y schal be glorified, seith the Lord. [verse 9] Ȝe bihelden to more, and lo! it is maad lesse; and ȝe brouȝten in to the hous, and Y blew it out. For what

cause, seith the Lord of oostis? for myn hous is desert [desert, or forleft CEFGHIKMNPQRUXY. desert, other left S.] , and ȝe hasten ech man in to his hous. [verse 10] For this thing heuenes ben forbedun [forfendid I.] , that thei schulden not ȝyue dew on ȝou; and the erthe is forbodun, that it schulde not ȝyue his buriownyng. [verse 11] And Y clepide drynesse on erthe, and on mounteyns, and on wheete, and on wyn, and on oile, and what euer thingis the erthe bryngith forth; and on men, and on beestis, and on al labour of hondis. [verse 12] And Sorobabel, the sone of Salatiel, and Jhesus, the greet preest, the sone of Josedech, and alle relifs of the puple, herden the vois of her God, and the wordis of Aggei, the pro|fete, as the Lord God of hem sente him to hem; and al the puple dredde of the face of the Lord. [verse 13] And Aggei, a messanger of the Lord, of the messangeris of the Lord, seide to the puple, and spak, Y am with ȝou, seith the Lord. [verse 14] And the Lord reiside [seisede EY.] the spirit of Sorobabel, the sone of Sala|tiel, duik of Juda, and the spirit of Jhesu, the greet preest, the sone of Josedech, and the spirit of the relifs of al puple; and thei entriden, and maden werk in the hous of the Lord of oostis, her [of her KRU.] God.