The Holy Bible, containing the Old and New Testaments, with the Apocryphal books,

ZEPHANIAH

[Here bigynnith the book of the profecie of Sophonie, the profete [From E. Sofonye. A. Here bigynnith Sophonie, profete. PY. No initial rubric in the other Mss.] .] CAP. I.

[verse 1] THE word of the Lord, that was maad to Sofonye, sone of Chusi, sone of Godo|lie, sone of Amasie, sone of Ezechie, in the daies of Josie, the sone of Amon, king of Juda. [verse 2] Y gaderinge schal gadere alle thingis fro the face of erthe, seith the [verse 3] Lord; Y gaderynge man and beeste, Y gaderynge volatils of heuene, and fischis of the see; and fallyngis of vnpitouse men schulen be, and Y schal leese men fro face [the face C pr. m. IKNR sec. m. SX sec. m.] of erthe, seith the Lord. [verse 4] And Y schal stretche out myn hond on Juda, and on alle dwellers [the dwelleris X sec. m.] of Jerusalem; and Y schal lese fro this place the relifs of Baal, and the names of keperis of housis, with [verse 5] prestis; and hem that worschipen on roouys the knyȝthod of heuene, and wor|schipen, and sweren in the Lord, and [verse 6] sweren in Melchon; and whiche ben turned awei bihynde the bak of the Lord, and whiche `souȝten not [souȝten not, nether axide not C pr. m. s. n. ether a. not C sec. m. souȝten not, nether axeden not ES. souȝten not, either axeden not FGHI KMNPQRUXY.] the Lord, nether enserchiden hym. [verse 7] Be ȝe stille fro the face of the Lord God, for niȝ is the dai of the Lord; for the Lord made redi a [Om. I.] sacrifice, halewide [he halewide IK sec. m.] hise clepid men. [verse 8] And it schal be, in the dai of sacrifice of the Lord, Y schal visite on princes, and on sones of the kyng, and on alle that ben

clothid with pilgrimys, ether straunge, clothing. [verse 9] And Y schal visite on ech that proudli entrith on the threisfold [threshold EIPY. frexfold K.] in that dai, whiche fillen the hous of her Lord God with wickidnesse and gile. [verse 10] And ther schal be in that dai, seith the Lord, a vois of cry fro the ȝate of fischis, and ȝellynge fro the secounde ȝate, and greet defoulyng fro litle hillis. [verse 11] Ȝelle ȝe, dwelleris of Pila; al the puple of Canaan was stille togidere, alle men wlappid in siluer [children N.] perischiden. [verse 12] And it schal be, in that tyme Y schal seke Jerusalem with lanternes, and Y schal visite [ryse I.] on alle men piȝt [put K sec. m. QRSU.] in her darstis [drastis KSX.] , whiche seien in her hertis, The Lord schal not do wel, and he schal not do yuele. [verse 13] And the strengthe of hem schal be in to rauyschyng, and the housis of hem in to desert; and thei schulen bilde housis, and schulen not enhabite; and thei schulen plaunte vyneȝerdis, and thei schu|len not drynke the wyn of hem. [verse 14] Nyȝ is the greet dai of the Lord, niȝ and swift ful myche; the vois of the [Om. EFHKMQSU.] dai of the Lord is bittir, a strong man schal be in tribulacioun there. [verse 15] `The ilke [Thilke EFGIKMPY.] dai is a dai of wraththe, dai of tribulacioun and [and of I.] an|gwisch, dai of nedynesse and wretchid|nesse [myseiste, ether wrecchidnesse CEGHIKMNPQRUXY. myseise, eithir wrecchidnesse FS.] , dai of derknessis and myist, dai of [verse 16] cloude and whirlewynd, dai of trumpe and [and of I.] noise on strong citees and on hiȝe corneris. [verse 17] And Y schal troble men, and thei schulen walke as blynde, for thei han synned aȝens the Lord; and the blood of hem schal be sched out as erthe, and the bodies of hem schulen be as tordis. [verse 18] But and [Om. EPSY.] the siluer of hem, and gold of hem, schal not mowe delyuere hem in the dai of [of the I.] wraththe of the Lord; in fier of his feruour al erthe schal be deuourid, for he schal make ende with haastyng to alle men enhabitynge the [in ceteri.] erthe.

CAP. II.

[verse 1] Come ȝe togidere, be gaderid, ȝe folc [verse 2] not worthi to be loued, bifore that co|maundyng brynge forth as dust passyng dai; bifore that wraththe of strong ven|iaunce of the Lord come on ȝou, bifor that the dai of his indignacioun come on ȝou. [verse 3] Alle myelde [myelde, ether pacient C et ceteri.] men of erthe, seke ȝe the Lord, whiche han wrouȝt the doom of hym; seke ȝe the iust, seke ȝe the mylde, if ony maner ȝe be hid in the dai of strong veniaunce of the Lord. [verse 4] For Gasa schal be distried, and Ascalon schal be in to desert; thei schulen caste out Azotus in myddai, and Accaron schal be drawun out bi the root. [verse 5] Wo to ȝou that dwellen in the litil part of the see, a folc of loste men. The word of the Lord on ȝou, Ca|naan, the lond of Filisteis, and Y schal distrie thee, so that a dwellere be not; [verse 6] and the litil part of the see schal be reste of scheepherdis, and foldis of scheep. [verse 7] And it schal be a litil part of hym, that schal be left of the hous of Juda, there thei schulen be fed in the housis of Ascalon; at euentid thei schulen reste, for the Lord God of hem schal visite hem, and schal turne awei the caitifte of hem. [verse 8] Y herde the schenschip of Moab, and blasfemyes [blasfemye F.] of [of the I.] sones of Amon, whiche thei seiden schentfuli to my puple, and thei weren magnefied on the termes of hem. [verse 9] Therfor Y lyue, seith the Lord of oostis, God of Israel, for Moab schal be as Sodom, and the sones of Amon as Gomorre; drynesse of thornes, and hepis of salt, and desert, til in to withouten ende. The relifs of my puple schulen rauysche hem, the residues of my folc schulen welde hem. [verse 10] Sotheli this thing schal come to hem for her pride, for thei blasfemeden, and weren magnefied on the puple of the Lord of oostis. [verse 11] The Lord schal be orible on hem, and he schal make feble alle goddis [goodis NRS sup. ras. U.] of erthe; and men of her place schulen wor|schipe

hym, alle the ilis of hethene men. [verse 12] But and ȝe, Ethiopiens, schulen be slayn bi my swerd. [verse 13] And he schal stretche forth his hond on the north, and schal leese Assur; and he schal putte the feir citee Nynyue in to wildirnesse, and into with out weie, and as desert. [verse 14] And flockis, and alle the beestis of folkis [flockis I.] , schulen ligge in the myddil therof; and [Om. EPY.] onacratalus [onacratalus is a brid with a long bile, lijk a swan. AGK NQU.] , and irchun schulen dwelle in threshfoldis ther|of; vois of the syngynge in wyndow [the wyndow C.] , and crow [a crow U.] in the lyntil, for Y schal make thinne the strengthe therof. [verse 15] This is the gloriouse citee dwellynge in trist, which seide in hir herte, Y am, and ther is noon other more withouten me. Hou is it maad vnto desert, a couche of beeste; ech man that schal passe bi it, schal hisse, and schal moue his hond.

CAP. III.

[verse 1] Wo! thou citee, terrere to wraththe, and bouȝt aȝen a culuer. [verse 2] It herde not the [Om. CEFGHKMNPQRSUX pr. m.] vois of the Lord, and resseyuede not techyng, ether chastisyng; it tristenyde [tristede I.] not in the Lord, it neiȝide not to her God. [verse 3] Princes therof in myddil therof weren as liouns rorynge; iugis therof weren wolues, in the euentid thei leften not in to mo|rewe. [verse 4] Profetis therof weren woode, vn|feithful [and vnfeithful U sec. m.] men; prestis therof defouliden hooli thing, thei diden vniustli aȝens the lawe. [verse 5] The Lord iust [is iust U sec. m.] in the myddil therof, schal [and schal U sec. m.] not do wickidnesse; erli, erli he schal ȝyue his dom in liȝt, and it schal not be hid; forsothe the wickid puple knew not confusioun. [verse 6] Y loste folkis, and the corneris of hem ben distried; Y made the weies of hem desert, while there is not that schal passe. The citees of hem ben desolat, for a man is not left, nether ony dwellere. [verse 7] Y seide, Netheles thou schalt drede me, thou schalt resseyue

techyng; and the dwellyng place therof schal not perische, for alle thingis in whiche Y visitide it; netheles ful eerli thei risynge han corrupt alle her thouȝtis. [verse 8] Wherfor abide thou me, seith the Lord, in the dai of my rysyng aȝen in to com|ynge. For my doom is, that Y gadere folkis, and Y schal gadere rewmes; and Y schal schede out on hem myn indigna|cioun, and al [al the I.] wraththe of my strong ven|iaunce; for in fier of my feruour al erthe schal be deuourid. [verse 9] For thanne Y schal ȝelde to puplis a chosun lippe, that alle clepe inwardli in the name of the Lord, and serue to hym with o schuldre. [verse 10] Ouer the floodis of Ethiopie, fro thens my bi|secheris, the sones of my scaterid men [of men A pr. m. C sec. m. EFGHIKMNPQRSUX pr. m.] , schulen brynge ȝifte to me. [verse 11] In that day thou schalt not be confoundid on alle thi fyndyngis, in whiche thou trespass|idist aȝens me; for thanne Y schal take awei fro the myddil of thee grete spekeris of thi pride, and thou schalt no more put to, for to be enhaunsid in myn hooli hil. [verse 12] And Y schal leeue in the myddil of thee a pore puple and nedi; and thei schulen hope in the name of the Lord. [verse 13] The relifs of Israel schulen not do wickidnesse, ne|ther schulen speke leesyng, and a gileful tunge schal not be foundun in the mouth of hem; for thei schulen be fed, and schu|len reste, and ther schal not be that schal make aferd. [verse 14] These thingis seith the Lord, Douȝter of Sion, herie thou hertli [Om. I.] , synge thou, Israel; be thou glad, and make thou ioie withoutforth in al thin herte, thou douȝter of Jerusalem. [verse 15] The Lord hath take a wei thi dom, hath turned a wey thin enemyes; the kyng of Israel the Lord is in [in the IK.] myddil of thee, thou schalt no more drede yuel. [verse 16] In that dai it schal be seid, Jerusalem [in Jerusalem E. to Jerusalem U sec. m.] , nyle thou drede; Sion, thin hondis be not clumsid [a clumsid CFGHIKMNQRSUX. a cumbled EP.] . [verse 17] Thi Lord God is strong in the myddil of thee, he schal saue; he schal make ioie on thee in glad|nesse,

he schal be stille in thi louyng, he schal make ioie withoutforth on thee in heriyng. [verse 18] Y schal gadere the foolis [triflers I.] , ether veyn men, that wenten awei fro the lawe, for thei weren of thee, that thou haue no more schenschipe on hem. [verse 19] Lo! Y schal sle alle men that turmentiden thee in that tyme, and Y schal saue him that haltith, and Y schal gadere hir that was cast out; and Y schal putte hem in to heriyng, and in to name in ech lond of confusioun of hem, in that tyme in which Y schal [verse 20] brynge ȝou, and in the tyme in which Y schal gadre ȝou. For Y schal ȝyue ȝou in to name, and in to heriyng to alle puplis of erthe, whanne Y schal conuerte ȝoure caitifte bifore ȝoure iȝen, seith the Lord.

Here endith Sophonye, and here bi|gynneth Aggei [From CFGHIMQRSU. Here eendeth the booc of Sophonye; se now the booc of Aggei, the profete. K. Here endith the book of Sophonye, and bigynneth the book of Aggey. NX. No final rubric in AEPY.] .