The Holy Bible, containing the Old and New Testaments, with the Apocryphal books,

CAP. III. [The preier of Abacuk, the profete, for vnkunnynge men [This title is in Ebrew, and is of the text. Lire here. EGKPQUY.] [From CEFGIKMNPQRXY. The preier of Abacuk, the profete, for vnkunnynge men, and this schulde be red. U. No rubric in AHS.] .]

[verse 1] Lord, Y herde thin heryng, and Y [verse 2] dredde; Lord, it is thi werk, in the myd|dil of ȝeeris quykene thou it. In the middil of ȝeeris thou schalt make knowun; whanne thou schalt be wrooth, thou schalt haue mynde of mercy. [verse 3] God schal come fro the south, and the hooli fro the mount of Faran. The glorie of hym kyueride heuenes, and the erthe is ful of his heriyng. [verse 4] The schynyng of hym schal be as liȝt; hornes in hondis [the hondis RU.] of hym. [verse 5] There the strengthe of hym was hid, deth schal go bifore his face; the deuel schal go out bifore hise feet. [verse 6] He stood, and mat the erthe; he bihelde, and vnboond folkis, and hillis of the world weren al to-brokun; the

litle hillis of the world weren bowid doun, of the weies of his euerlastyngnesse. [verse 7] For wickidnesse Y saiȝ the tentis of Ethiope, the skynnes of the lond of Madian schulen be troblid. [verse 8] Lord, whether in floodis thou art wrooth, ether in floodis is thi strong veniaunce, ether in the see is thin indig|nacioun? Which shalt stie on thin horsis; and thi [on thi RU.] foure horsid cartis is [is thi N.] saluacioun. [verse 9] Thou reisynge schalt reise thi bouwe, othis to lynagis whiche thou hast spoke; thou schalt departe the floodis of erthe. [verse 10] Watris saien thee, and hillis sorewiden, the goter of watris passide; depnesse ȝaf his vois, hiȝnesse reiside hise hondis. [verse 11] The sunne and moone stoden in her dwellyng place; in the liȝt of thin arowis thei schu|len go, in the schynyng of thi spere glis|nynge. [verse 12] In gnastyng thou schalt defoule erthe, and in strong veniaunce thou schalt astonye folkis. [verse 13] Thou art gon out in to helthe of thi puple, in to helthe with thi crist; thou hast smyte the heed of the hous of the vnpitouse man, thou hast maad nakid the foundement til to the necke. [verse 14] Thou cursidist the ceptris [ceptre S.] , ether powers [power S.] , of hym, the heed of hise fiȝteris, to men comynge as whirlewynde for to scatere me; the ioiyng withoutforth of hem, as of hym that deuourith a pore man in hidlis. [verse 15] Thou madist a weie in the see to thin horsis, in clei of many watris. [verse 16] Y herde, and my wombe is troblid togidere; my lippis trembliden togidere of the vois. Rot entre [entrede A pr. m.] in my boonys, and sprenge [buyle, ether sprynge C et ceteri.] vndur me; that Y reste aȝen in the dai of tribulacioun, and Y schal stie vp to oure puple gird togidere. [verse 17] For the fige tre schal not floure, and buriownyng schal not be in vynȝerdis; the werk of olyue tre schal lie, and feeldis schulen not brynge mete; a scheep schal be kit awei fro the fold, and droue [a droue IK.] schal not be in cratchis. [verse 18] Forsothe Y schal haue ioye in the Lord, and Y schal make ioie with outforth in God my Jhesu. [verse 19] God the Lord is my

strengthe, and he schal putte my feet as of hertis; and on myn hiȝe thingis, the ouercomere schal lede forth me, syngynge in salmes.