The Holy Bible, containing the Old and New Testaments, with the Apocryphal books,

[Here bigynneth Naum, the profete [Here bigynnith the book of Naum, profete EPY. No initial rubric in the other Mss.] .] CAP. I.

[verse 1] THE birthun of Nynyue; the book of visioun of Naum Helcesei. [verse 2] The Lord is a punyschere, and the Lord is vengynge; the Lord is venginge, and hauynge strong veniaunce; the Lord is vengynge aȝens hise aduersaries, and he is wraththing to hise enemyes. [verse 3] The Lord is pacient, and greet in strengthe, and he clensynge schal not make innocent. The Lord cometh in tempest, and the weies of hym ben in whirlwynd, and cloudis ben the dust of [verse 4] hise feet; he blameth [blamede EPY.] the see, and drieth it, and bryngith alle flodis to [in to.] desert. Ba|san is maad sijk, and Carmel, and the flour of Liban langwischide. [verse 5] Mounteyns ben mouyd togidere of hym, and litil hillis ben desolat. And erthe tremblide togidere fro the [Om. CFHNPQR pr. m. Y.] face of him, and the roundenesse of erthe, and alle dwellynge ther ynne. [verse 6] Who schal stonde bifore the face of his indignacioun? and who schal aȝenstonde in the wraththe of his stronge veniaunce? His indignacioun is sched out as fier, and stoonys ben brokun [dissoluyd, ether brokun C et ceteri.] of hym. [verse 7] The Lord is good, and coumfortynge in the dai of tribulacioun, and knowynge hem that hopen in hym. [verse 8] And in greet flood pass|ynge forth, he schal make ende of his place; and derknessis schulen pursue hise enemyes. [verse 9] What thenken ȝe aȝens the Lord? He schal make ende; double tri|bulacioun schal not rise togidere. [verse 10] For as

thornes byclippen hem [hem silf U sec. m.] togidere, so the feeste of hem drynkynge togidere schal be wastyd, as stobul ful of drienesse. [verse 11] Of thee schal go out a man thenkynge malice aȝens the Lord, and trete trespassyng in soule. [verse 12] The Lord seith these thingis, If thei schulen be parfit, and so manye, and thus thei shulen be clippid, and it schal passe bi. I turmentide thee, and Y schal no more turmente thee. [verse 13] And now Y schal al to-breke the ȝerde of hym fro thi bak, and Y schal breke thi bondis. [verse 14] And the Lord schal comaunde on thee, it schal no more be sowun of thi name. Of the hous of thi god Y schal sle [sle thee CGI pr. m. KMNQSX.] ; Y schal putte [sette CGKMNQSX.] thi sepulcre a `grauun ymage [sculptil, ether [or EPY. ether a K] grauen ymage C pr. m. EFHKPRUY.] , and [Om. IKMQS pr. m. and an ymage S sec. m.] wellid togidere [togidere, ether ȝotun GIKNQSX.] , for thou art vnworschipid. [verse 15] Lo! on hillis the [ben the U sec. m.] feet of the [Om. CQ.] euangelisynge and tellynge pees. Juda, halewe thou thi feeste daies, and ȝelde thi vowis, for whi Belial schal no more put to, that he passe forth in thee; al Belial [he is C sec. m. I. Om. S sec. m.] perischide.