The Holy Bible, containing the Old and New Testaments, with the Apocryphal books,

CAP. II.

[verse 1] And the Lord made redi a greet fisch, that he shulde swolowe Jonas; and Jonas was in the wombe of the fisch thre daies and thre niȝtis. [verse 2] And Jonas preiede to the [verse 3] Lord his God fro the fischis wombe, and seide, Y criede to God of my tribulacioun, and he herde me; fro the wombe of helle Y criede, and thou herdist my vois. [verse 4] Thou castidist [castist RU.] me doun in to depnesse, in the herte of the see, and the flood [floodis K sup. ras.] cumpasside me; alle thi swolowis and thi wawis pass|iden on me. [verse 5] And Y seide, Y am cast awei fro siȝt [the siȝt SU.] of thin iȝen; netheles eftsoone [eftsones S.]

Y schal see thin hooli temple. [verse 6] Watris cumpassiden me `til to [vnto I.] my soule, depnesse enuyrownede me, the see hilide myn heed. [verse 7] Y wente doun to the vtmeste [vttermoste K. outmest S.] places of hillis, the barris [harris CEFGHI pr. m. K pr. m. MNPQRSX.] of erthe closiden me to|gidere, in to withouten ende; and thou, my Lord God, schalt reise vp my lijf fro corrupcioun. [verse 8] Whanne my soule was an|gwisched in me, Y [and Y A pr. m.] bithouȝte on the Lord, that my preier come to thee, to thin hooli temple. [verse 9] Thei that kepen [kepten N.] vanytees, for|saken his [her A pr. m. CFGHIKNSX. Om. E.] merci idili. [verse 10] But Y in vois of heriyng schal offre to thee; what euer thingis Y vowide, Y schal ȝelde to the Lord, for [Om. RU.] myn helthe. [verse 11] And the Lord seide to the fisch, and it castide out Jonas `in to [to I pr. m. on R. in U pr. m.] the drie lond.